Boha 1:9 - KITAABA WAAQA

⁹ T'urini isi iti marate, ammo isiini waan iti deemtu iyyaalle. Isiini gaafa jidde aka hama lafa d'oofte; nami tokoleeni ka iraa hafi jed'eeni injiru. Nyaapi yayu isi dabsate, duuba isiini naasu AABBO Waaqaati booti.

Boha 1:9 Iomraidhean Croise

2 Samueli 16:12

Hegeri AABBO Waaqi gaargale kiyya arge fulla abaarsa isaa kana na eebisa.

2 Hayyoota 14:26

AABBO Waaqi aka worri Israeli gaargala gudda qabu, ka nami worra qarqaaru tokoleeni injirre arge.

Nehemia 9:32

Ee Waaqa, Waaqa keenna, guddinni kanke waan akami! Jabeenni kanke akami nama naasise nama mudamsiisa! Atini kara d'ugaatini kakhu duri nu kakhate ch'ufa guuta. Haguma duri bara hayyooti Ashuru nu dabsite haga arrale, nu akasuma gaargala qamna! Hayyootafi jaaroleefi qaaloleefi raagootafi ababootafi gumiini teennaleeni ch'ufti la guddo gaargalte; gaargala keenna gudda suni qaabad'i!

Faaru 119:153

Gaargala kiyya laali, na baasi anini Seera kanke illakisu.

Faaru 140:8

Ee AABBO Waaqa, waan ch'ubbichi fed'u inkenninifi; mala worri d'aatule balleesi.

Faaru 25:18

D'ipufi gaargala kiyya ilaali ch'ubbu tiyya ch'ufa naa araarami.

Faaru 69:21

Gaafa anini beela qabu had'aa na nyaachisani; gaafa anini d'eebu qabu waan kurooftu na obaasani.

Bahisa 3:17

Anini ya buufad'e aka gaargala lafa Misiri keesa isani baase lafa gosa Kanaani, ta Hiti, ta Amori, ta Perizi, ta Hivi, ta Yebusi, lafa aananifi dammi aka lolaa yauti isani geesu.

Bahisa 3:7

Duuba AABBO Waaqi waan jed'e, Anini yayu gaargala worra kiyya ka lafa Misiri keesa tau arge, boha worri nama worra hojachiisu iraa bohu d'agaye, d'iba worra kiyya hubad'e.

Bahisa 4:31

Biyyiti dubbi suni ind'ugeefatte, ammalle aka AABBO Waaqi worra Israeliti d'ufe gaargala worraa arge d'ageennaani, mataani lafati gajejed'ani isa guddisani.

Abba herega 4:1

Jennaani anini laale, aka lafa tana keesa nami dabsani, ka nama qarqaaru inqamne tae bohu, arge. Nami tokoleeni worra inqarqaare, waan nami worraa dabsu suni irre worra ira qabuufi.

Isaya 3:8

Yerusalemuni ya badde, Yudaleeni jiguu jirti! Worri waan hojatufi waan dubbatu ch'ufa keesa Waaqaani morka; worri diiduma keesa Waaqa didu jira.

Isaya 37:17

Amma, ee AABBO Waaqa, nu d'agayi, waan harkaa nu qaba kana argi, araba Senakeribuni sii Waaqa gudda arabsu kana ch'ufa d'agayi.

Isaya 37:23

Nama atini arabsite goyeesite kana eenu seeta? Nami atini tufate sunini anuma, Waaqa Israeli qulqullo.

Isaya 37:29

Anini yayu kiyyiba kanke suni d'agaye tanaafi amma kiyyoofi lugama siti kaye si hirkise kara atini d'ufte kaani si deebisa.

Isaya 37:4

Hayyuuni Ashuru yayu namicha gudda hojatu isaa, Waaqa gudda arabsi jed'e erge. AABBO Waaqi kanke ha araba kana d'agaye worra isa arabsu kana gaargalchuti. Tanaafi atini amma worra keenna ka hafe Waaqa kad'ad'i.

Isaya 40:2

Gumi Yerusalemu dubbi dansa iti dubbad'a. Waan jettaniini, gaargali keesani guddaani ya hobae, daba keesani amma la isanii araaramani. Anini maro daba keesanitifi yayu guddo isani gaargalche.

Isaya 47:7

Atini haga jirtu ch'ufa waan hayyiti taatu ufi seete ammo waan taate suni aka dansaa garaa keesa inkeyanne, yokhaani aka dansa inherenne.

Isaya 51:19

Gaargali hamani yayu aka lama siti d'ufe: lafa tante yayu woraani qabate beelti balleesite. Nami sii nahu tokoleeni injiru.

Isaya 54:11

AABBO Waaqi waan jed'u, Ee Yerusalemu, dira qarqaarsa inqamne, ka gaargala qabu, ka nami tokoleeni ka garaa si jabeesu injirre, anini yayaba kanke d'akha ch'uluqaani jaara.

Yeremia 13:27

Anini waan hamtu isani taatani ch'ufa ya arge — aka isani waaqa d'ara gaara gubbati gula baddani, akuma nama niiti biyyaati d'arae gula badu, yokhaani farda korma ka d'ala gula badu. Worra Yerusalemu, isani ya baddani, yoomi t'uri keesaa baatani?

Yeremia 16:7

Nami tokoleeni ka deeme, nama nami iraa due d'aqe, sagale woliini nyaate lubbu iraa hambisu injiru. Nami tokoleeni ka woli nahu injiru, ato abbaafi haati namaa dootele.

Yeremia 2:34

Woyaani teesanileeni d'iiga hiyyeesatiifi nama woma iyyakini qabdi, ammo d'iiga nama mana ch'abse nama saamu inqabdu. Ammo taatule,

Yeremia 48:26

AABBO Waaqi waan jed'e, Worra Moabu farso iti guura, macheesa, wonti akanatiifi worri yayu na dide. Worri Moabu diddiga ufi keesati gangalate, nami d'ibileeni worra kobla.

Yeremia 5:31

raagooti dubbi d'ara ch'alla fadde; qaaloleeni dubbi worraa gula yaate, gumiini tiyyaleeni waan suni iti quufte. Ammo guyya muumme maani tahani?

Yeremia 50:29

T'iyoleeni, Babiloni had'a jed'a. Nama t'iyaafi guubeeni woi had'u beekhu ch'ufa yaama. Dira marsa, nama baqachu fed'u, d'owa. Waan isiini tolchite isumati deebisa, woma isiini nama tolchite isiile tolcha; wonti akanatiifi isiini ana, qulqullo Israeliti kiyyibde.

Boha 1:17

Anini kad'aa harka oliqabad'e nama na qarqaaru d'abe. AABBO Waaqi garuma ch'ufani ya nyaapa nati bane, aka waan t'urae badeti na heregani.

Boha 1:21

Waacha tiyya ch'aqasi; nami tokoleeni ka, iraa hafi nani jed'u injiru. Nyaapi kiyya badi atini natiini d'ufte tana ira guddo gammada. Guyya atini, si qarqaara jette kaaniini kooti, aka anini amma gaargala kana, nyaapa kiyya gaargalchi.

Boha 2:13

Ee Yerusalemu, bad'aaso tiyya ta anini jaalad'u, ani maani dubbad'a, yokhaani akamini garaa si jabeesa? Nami tokoleeni aka kanke kana taka ingaargale. Badiini tante guddo aka bisaani baariini. Eentu dandae badi si d'owa?

Boha 4:1

Worqiini teenna bibilit'uni ya boorajofte; d'akhaani Mana Waaqatini duri jaaranile firfirfame fulla ch'ufa kara keesa ch'iisa.

Boha 5:1

Ee AABBO, waan nu tolchani qaabad'i, nu ilaali, ch'eera keenna argi.

Hosea 2:14

Tanaafi anini isi sosobe lafa alootini d'ufe jaalalaani iti dubbad'a.

Sefania 2:10

Akanaani worra Moabutiifi ka Amoni gaargalchani, maro kiyyiba isaanitifi ammalle waan worri gumi AABBO Waaqa Gudda arabse dabseefi.

Yohana 11:19

Yahudiini hedduuni gara Marthatiifi gara Mariamu d'ufte aka maro lubbu oboleesa worraatiifi iraa hafaa jettuuni.

Qaabacha Seera 26:7

Duuba nu AABBO Waaqa ababoota teennati bone, inni boha teenna d'agaye gaargalafi d'ibafi d'ipu teenna arge.

Qaabacha Seera 32:27

Ammo anini kiyyiba nyaapa worra sodaad'a, worri hegeri ufi d'aade, AABBO Waaqaniti, nuti worra harka keennaani hobaase jed'a.

Qaabacha Seera 32:29

Worri waan worra dabsatanifi inhubatu, ammalle waan tahe inargu.

1 Petro 4:17

Hojjaani qorsuma ya geete, qaraa fiit'e worra Waaqaa qorani. Yo qara nuuni iti keyatani, worra Odu Dansa ta Waaqa ind'ugefanne maani tolchani?

1 Samueli 1:11

Jennaani Hanani kakhate waan Waaqaani jette, AABBO Waaqa gudda, anini Hana hojattu teeti! Na ilaali, gaargala kiyya argi, na inded'ini, na qaabad'i! Hojja atini ilma naa kennite haga inni jiru ch'ufa anini isa sii keenna; rifeensa isaale haadu itiind'aabani.