Boha 1:14 - KITAABA WAAQA

¹⁴ Inni ch'ubbu tiyya ch'ufa hubate wolti qabe, morma kiyyati kae jennaani ulfinni isi na lellese. AABBO Waaqaati askarti nyaapa kiyyati na kenne, tanaafi anini waan tau d'abe.

Boha 1:14 Iomraidhean Croise

Isaya 47:6

Anini gumi tiyyati dallane, isani deebitani na ind'aaltani jed'eeni. Anini harka kanke keesa worra buuse atini diqole worraa nahu didde; atini jaaroleele aka hama gaargalchite.

Qaabacha Seera 28:48

Isani nyaapa keesani ka AABBO Waaqi isaniti ergu, qullafi beelafi d'eebuuni hojattani, waan ch'ufa d'abdani. Ammalle qaampara sibiila isaniti kayani, isani balleesani.

Ezekieli 25:7

Waan isani waan kana taatanifi, anini harka gosa d'ibi ka waan keesani hatte isani saamtuti isani kenna. Anini aka takaa inargini isani balleese fiiga isani d'owe, aka isani itumaa deebitani gosa intaane yokhaani lafa inhoranne isani tolcha. Duuba akanaani aka anini AABBO Waaqaa beetani.

Ezekieli 25:4

Waan isani waan suni jettani gammaddanifi, anini harka gosa lafa gamooji ta ilaboru keesaa d'uftuti isani kenne, worri isani dabsata. Worri bulto jaarate achi qubata, mid'aanifi aanani isani sila nyaatani d'uddani nyaate d'uga.

Yeremia 28:14

Wonti AABBO Waaqi guddaani Israeli jed'u: Anini qaampara sibiila morma gosa tana ch'ufa ira kaye, worra hayyu Babiloni ka Nebukadreza jed'ani jalati bulche, worri isa jalati bula. Ammalle anini bineensa alalle ch'ufa isa jalati bulcha.

Mammaasa 5:22

Dabi nama hama t'urura iti tahe, ch'ubbumani isaa isa qabdi.

Hosea 5:14

Anini worra Israelitiifi ka Yuda aka nyeench'a had'a. Anumati worra gargari tatarsaase biraa deema. Hojja anini lafa ira worra hirkisu, nami na d'owu injiru.

Ezekieli 23:28

Wonti AABBO Waaqi guddaani jed'u tana, Anini harka worra atini jibbite garaa iti hammaateti si kenna,

Ezekieli 21:31

Yo anini aka ibida isaniti bobae, dallansu tiyya agartani. Ammalle anini harka nama naasu inqamne, ka aka male nama fit'uti isani kenna.

Ezekieli 11:9

Anini dira kana keesaa isani baase harka nama gosa d'ibiti isani kenna. Anini ya dua isaniti mure.

Yeremia 37:17

Jennaani eegi suni hayyu Sedekiani na yaame, duuba mana hayyutini na d'ufani, hayyuuni kobati woi na gaafate waan jed'e, Dubbini gara Waaqati d'ufte jirti? Anini Ee injirti, harka hayyu Babiloniti si kennani jed'eeni.

Yeremia 32:5

Ammalle Sedekia lafa Babiloni geesani, haga anini waan fed'u isa tolchuti inni achuma taa. Yo inni worra Babiloni had'ele indabsatu. Nami dubbi tana jed'e ana, AABBO Waaqa.

Yeremia 27:12

Anini woma suni Sedekia hayyu Yudati hime waan jed'e. Ee jed'aa, hayyu Babilonitifi nama isa ch'ufa jalati bula, duuba injiraattani.

Yeremia 27:8

Ammo yo lafafi gochiti toko isa jalati bulu didde, anini gosa suni woraanafi beelafi d'ukubaani balleesa, haga Nebukadrezani jabeenna ufitini gosa suni balleesuti.

Yeremia 25:9

anini gosa mirga teetu ch'ufafi hojatu tiyya Nebukadreza hayyu Babiloni yaame, lafa tanaafi nama isi keesa taufi lafa d'aatu jirtu ch'ufa haasisa. Anini gosa Yuda tanaafi gosa worra d'aatu teetule balleese lafa worrale haga jiru jireenna onse waan nami hojja qaabatu ch'ufa iraa rifatu tolcha. Nami dubbi tana jed'e ana, AABBO Waaqa.

Isaya 14:25

Anini worra Ashuru lafa tiyya keesaa balleese, gaareeni tiyya gubbati ira ejaanjad'a. Anini worra kiyya qaampara worra Ashuru iraa baase ulfinna worri baatu iraa fuud'a.

Yeremia 28:13

Gara Hanania d'aqi waan jettuuni, AABBO Waaqi waan jed'u, Atini qaampara mukhaa ya ch'absite, ammo fulla isaa anini qaampara sibiila kaya.

Yeremia 32:3

Hayyu Sedekiati achiti na hid'e, waan nani jed'e, Atini maafi AABBO Waaqati akana jed'e jette dubbi akana tana fadda? Anati dira kana harka hayyu Babiloniti kenne, inni isa dabsate

Mika 2:3

Tanaafi AABBO Waaqi waan jed'u, Anini aka gaargala isani jala imbaanne isaniti d'ufu, malachu jira. Duuba gaargala argattani, deebitani aka duri kaani kiyyiba iyyaatani.