Taitus 1:5 - Yesus Aqa Anjam Bole

⁵ O Taitus, Krit nuiq dia Qotei aqa wau qudei koboosaiunu. Deqa ni na wau di kobotosim qure segi segiq dia Kristen naŋgo gate ateleŋ. E deqa ni Krit nuiq di uratmem unum. Agi e nami wau deqa ni mermem.

Taitus 1:5 Iomraidhean Croise

Aposel 11:30

Silali di naŋgi na Barnabas wo Sol wo enjrnabqa naŋgi na osi aisib Kristen gate Judia sawaq di soqneb qaji naŋgo baŋq di ateb.

Aposel 14:23

Ariya qure kalil naŋgi aiyel nami laqneb qaji deq olo giloqnsibqa Kristen gate ateleŋoqneb. Osib iŋgi ti ya ti uratosib naŋgi qa pailyosib Tamo Koba Yesus agi naŋgi a qa nami naŋgo areqalo siŋgilateb qaji aqa baŋq di ateb.

Aposel 2:11

Iga qudei Juda tamo. Iga qudei Juda naŋgo louqa kumbra dauryeqnum. Iga qudei Krit. Iga qudei Arebia qaji. Naŋgi kiersib gago segi segi qure utru anjam na Qotei aqa wau kokba deqa mareqnab iga queqnum?”

Aposel 27:12

Deqa iga qobuŋ na gilem. Qunduŋ iga soqnem qaji di jagwa bati qa qobuŋ beterqajqa qunduŋ bolesai. Deqa tamo gargekoba naŋgi mareb, “Jagwa bati brantqa jojomqo. Deqa iga qunduŋ endi uratosim gilsim Finiks qunduŋq di jagwa bati qa beterosim sqom.” Finiks a Krit nuiq di unu. Dia jagwa bati qa beterqajqa qunduŋ bolequja.

Aposel 27:13

Deqa jagwa lawo guta na bonaqa tamo qobuŋq di wauo qaji naŋgi mareb, “Jagwa endena iga qariŋgim gilsim Finiks qunduŋq di tiryqom.” Degsi marsib dur titosib qobuŋ miligiq di atsib dena iga Krit nui aqa qala dauryosim gilem.

Aposel 27:21

Bati gargekoba tamo qobuŋq di wauo qaji naŋgi iŋgi uyosai. Deqa Pol a naŋgo ambleq di tigelosiqa minjrej, “O wau tamo niŋgi quiye. E nami merŋgem, niŋgi Krit nui uratosib gilaib. Niŋgi ijo anjam di dauryosai deqa agi iga gulube koba itonum. Niŋgi uniye. Qobuŋ aqa iŋgi iŋgi gargekoba loumeleŋqo.

Aposel 27:7

Gogetosim jiŋga na gileqnamqa bati gargekoba koboej. Onaqa jagwa na gotraŋgonaqa iga siŋgila na gilsim Nidas qure jojomyem. Dena jagwa na olo gotraŋgonaqa iga gilqa keresaiigonaqa qobuŋ bulyosimqa Krit nui aqa luwi bei ñam Salmone di tiŋyosim oqem.

1 Korin 11:34

Niŋgi qudei mamŋgimqa niŋgi mati nuŋgo segi talq di iŋgi uysib bunuqna bosib korooiye. Niŋgi namo bosib koroosib Qotei tal miligiq dia iŋgi koba uyekritqab di niŋgi unetqab. Deqa Qotei na kamba niŋgi gulube eŋgwas. Ariya ijo anjam qudei e mati neŋgreŋyqasai. Bunuqna e niŋgi qa bosiy anjam di nuŋgo ulatamuq di gereiyqai.

1 Korin 14:40

Ariya niŋgi Qotei louqajqa kumbra kalil geregere dauryosib soqniye.

1 Korin 4:17

Utru deqa e Timoti qariŋyonumqa a niŋgi qa bqas. E nami Tamo Koba Yesus aqa anjam Timoti minjnam a are bulyosiqa siŋgilaej. Deqa a ijo aŋgro bole. E na a tulaŋ qalaqalaiyeqnum. A Tamo Koba Qotei aqa wau geregere taqateqnu. A niŋgi qa bosim ijo kumbra qa niŋgi saiŋgim niŋgi quqwab. Ijo kumbra agiende. E Kristus beteryejunum. Ijo kumbra di e na sawa sawa kalilq dia Kristen tamo uŋgasari naŋgi osornjreqnam naŋgi dauryeqnub.

Kolosi 2:5

E niŋgi koba na sosai. Ariya niŋgi ijo areqaloq di unub deqa e niŋgi ti sobulejunum. Niŋgi wau bole yoqnsib nuŋgo areqalo Kristus qa bole siŋgilatoqnsib unub e degsi unonum. Deqa e niŋgi qa tulaŋ areboleboleibeqnu.

1 Timoti 1:3

E Masedonia sawaq gilqa osimqa ni endegsi mermem, “Ni Efesus qureq di soqne.” Ariya bini e anjam di olo pulutsiy ni mermqai. Ni Efesus qureq di ololo soqne. Qure dia tamo qudei naŋgi Qotei aqa anjam marqa oqnsib gisaŋ anjam bei ti turtoqnsib tamo uŋgasari naŋgi minjreqnub. Deqa ni Efesus qureq di sosimqa tamo naŋgi di siŋgila na endegsi minjre, “Niŋgi gisaŋ anjam di tamo uŋgasari naŋgi minjraib.”

2 Timoti 2:2

Anjam kalil e tamo gargekoba naŋgo ŋamgalaq di palonteqnam ni quoqnem qaji di ni na osim olo tamo qudei Qotei aqa anjam siŋgila na ojeqnub qaji naŋgi di minjroqne. Yimqa naŋgi kamba anjam di olo tamo qudei naŋgi dego minjroqnqab.

Taitus 1:12

Nami Krit nuiq dia qalie tamo bei soqnej. Sosiqa anjam endegsi marej, “Krit tamo naŋgi gisaŋ ani. Naŋgi tamo uge. Naŋgi wagme juwaŋ bul. Naŋgi qunjaŋ bolet. Naŋgi wauqa asgim ani.”