Rom 9:5 - Yesus Aqa Anjam Bole

⁵ Naŋgo moma utru naŋgi nami ñam koba ti soqneb. Naŋgoq dena Kristus a ŋambabej. Kristus a segi Qotei. A iŋgi iŋgi kalil naŋgo gate. Deqa iga bati gaigai aqa ñam soqtoqnqom. Bole.

Rom 9:5 Iomraidhean Croise

Matyu 28:20

O ijo aŋgro, anjam kalil e nami niŋgi merŋgoqnem qaji di niŋgi walwelosib tamo uŋgasari naŋgi minjroqnsib laqniye. Laqnibqa naŋgi quoqnsib dauryoqnqab. Niŋgi segi sosib wauoqnqab edegaib. E bati gaigai niŋgi koba na wauoqnsiy sqai. Degsim soqnim soqnim diŋo bati brantqas.”

Matyu 6:13

Satan na iga walawalaigosim uneq waigwa laqnimqa ni na Satan getentime. Yim kumbra uge bei na iga ugetetgwasai.’

Luk 20:44

Niŋgi uniye. Devit a segi marej, ‘Kristus a ijo Tamo Koba.’ Deqa Kristus a kiersi Devit aqa ŋiri sqas?”

Jon 10:30

Aqo ijo Abu wo iga tamo qujai.”

Aposel 20:28

O ijo was niŋgi nuŋgo segi segi jejamu geregere taqatosib Qotei aqa tamo uŋgasari naŋgi dego geregere taqatnjroqniye. Qotei aqa tamo uŋgasari naŋgi kaja bul. Qotei na aqa segi Ŋiri Yesus Kristus aqa leŋ na naŋgi awainjrej. Deqa niŋgi na naŋgi geregere taqatnjroqnsibqa naŋgo mandor bole soqniye. Wau di Qotei aqa Mondor na niŋgi eŋgej.

Aposel 3:13

Abraham, Aisak, Jekop, gago moma kalil naŋgi ti naŋgo Qotei a na aqa wau tamo Yesus laŋ qureq osi oqsiq ñam kobaquja yej. Deqa Yesus aqa siŋgila na tamo di boleosiq walwelqo. Yesus qujai di niŋgi na osib jeu tamo naŋgo baŋq di ateb. Onaqa Pailat na Yesus osim tonto talq dena oqeq atqajqa merŋgonaqa niŋgi na saidosib urateb.

Rom 1:25

Tamo uŋgasari deqaji naŋgi Qotei aqa anjam bole uratoqnsib olo beloqnsib gisaŋ anjam segi dauryeqnub. Deqa naŋgi Qotei bole iŋgi iŋgi kalil gereiyej qaji a qoreiyoqnsibqa iŋgi iŋgi kalil a na gereiyej qaji naŋgi di biŋinjroqnsib naŋgo sorgomq di unub. Ariya Qotei a iŋgi iŋgi kalil qa utru deqa iga bati gaigai aqa ñam soqtoqnqom. Bole.

Rom 1:3

Qotei aqa anjam bole di aqa segi Ŋiri aqa anjam. Aqa Ŋiri a tamo bulyosiqa Devit aqa leŋ dena ŋambabej.

Rom 10:12

Iga Juda tamo ti Grik tamo ti iga kalil kerekere unum. Tamo Koba Kristus a gago kalil qa Tamo Koba. Deqa a na tamo kalil Kristus metoqnsib pailyeqnub qaji naŋgi tulaŋ geregereinjreqnu.

Rom 11:28

Israel naŋgi Yesus aqa anjam bole qoreiyeb deqa naŋgi Qotei ti jeu unub. Deqa Qotei na naŋgi kamba uratnjrsiq olo niŋgi sawa bei bei qaji tamo eleŋeqnu. Ariya nami Qotei na Israel naŋgi aqa segi tamo sqa marsiq naŋgi giltnjrsiq qalaqalainjrej. A naŋgo moma utru naŋgi qa are qalsiq deqa naŋgi qalaqalainjrej.

1 Korin 14:16

Ni ino mondor na segi Qotei pailyqam di tamo laŋaj bei a sosim ino pail di qusim poiyqasai di a endegsi marqa keresai, “Ni bole maronum.” A degsi marqa keresai. Di kiyaqa? A ino pail poiyosai deqa.

2 Korin 11:31

Tamo Koba Yesus aqa Abu Qotei a qalie, e anjam bole maronum. E gisaŋosai. Deqa iga bati gaigai aqa ñam soqtoqnqom.

1 Timoti 3:16

Iga bole qalieonum, Qotei aqa kumbra nami ulitesoqnej qaji di tulaŋ kobaquja. Kumbra di Qotei na iga osorgonaq unem. Aqa kumbra di agiende. A segi tamo bulyonaqa tamo uŋgasari naŋgi a unoqneb. Mondor Bole a na aqa kumbra bole babtosiq osorgej. Osiq mergej, “Aqa kumbra di tulaŋ tiŋtiŋo.” Laŋ aŋgro naŋgi dego a unoqneb. Tamo naŋgi sawa bei beiq giloqnsibqa aqa anjam mare mare laqneb. Deqa tamo uŋgasari mandamq endi unub qaji naŋgi a qa naŋgo areqalo siŋgilatoqneb. Ariya Qotei na a olo osiq laŋ qureq osi oqnaqa a dia ñam kobaquja osiq unu.

1 Timoti 6:15

Yesus a bqajqa bati di Qotei a segi na bati atim di a bqas. Qotei a iga areboleboleigwajqa utru. A segi qujai na mandam ti iŋgi iŋgi kalil ti taqatejunu. A mandor kokba kalil naŋgo Mandor Koba. A tamo kokba kalil naŋgo Tamo Koba dego.

2 Timoti 2:8

Ni gaigai Yesus Kristus qa are qaloqne. Yesus Kristus a moisiq olo subq na tigelej. A Mandor Koba Devit aqa leŋ. Aqa anjam bole agi e palontosim laqnum.

Hibru 7:24

Ariya Yesus a gaigai sqas. A bati gaigai atra tamo sosim wauoqnqas. Tamo bei na aqa sawa oqa keresai.

1 Jon 5:20

Iga qalie, Qotei aqa Ŋiri a bosiq iga powo egej. Yim iga Qotei qa bole qalieqajqa deqa. Iga Qotei beteryejunum. Iga aqa Ŋiri Yesus Kristus dego beteryejunum. Yesus a segi Qotei bole. A segi ŋambile gaigai sqajqa utru.

Uli Anjam 1:18

E ŋambile gaigai sqajqa utru. Nami e moiem. Bini ni e nube. E olo ŋambile unum. E bati gaigai ŋambile sqai. E segi na moio ti moio qure ti taqatejunum.

Uli Anjam 22:16

E Yesus. E na ijo laŋ aŋgro qariŋyo-numqa niŋgi e qa loueqnub qaji niŋgi qa aisiq anjam endi palontosiq merŋgwo. E Mandor Koba Devit aqa leŋq dena ŋambabem qaji. E Devit aqa Aŋgro. Nebeqa laqnaqa burbas bunuj oqeqnu dego kere e minjaleqnum.”

Uli Anjam 22:20

Tamo a kumbra endi kalil babtqo qaji a endegsi marqo, “Bole, e boqujatqai.” Anjam endi bole. O Tamo Koba Yesus, ni aue.

Uli Anjam 5:14

Onaqa wagme qolqe ŋambile so qaji naŋgi na maroqneb, “Anjam di bole.” Degsib mareqnabqa gate kokba naŋgi na Qotei wo Kaja Du wo naŋgo areq di siŋga pulutoqnsib biŋinjroqneb.