Rom 9:3 - Yesus Aqa Anjam Bole

³ Ijo areqalo koba agiende. Qotei na e taqal waibim Kristus na e qoreibosim ijo was qu agi Jekop aqa leŋ naŋgi olo kamba eleŋqajqa deqa e are koba qaleqnum. Osim deqa e gaigai Qotei pailyeqnum.

Rom 9:3 Iomraidhean Croise

Aposel 13:26

“O ijo was niŋgi quiye. Qotei na iga Abraham aqa moma iga ti niŋgi sawa bei bei qaji tamo Qotei aqa sorgomq di unub qaji niŋgi ti oqajqa deqa marsiq Yesus aqa anjam qariŋyqo gagoq bqo.

Aposel 22:5

Niŋgi na Juda tamo kokba ti atra tamo gate a ti naŋgi nenemnjribqa ijo kumbra deqa niŋgi saiŋgwab. Agi e na nami atra tamo gate a endegsi minjem, ‘Ni anjam bei neŋgreŋyosim ebimqa e anjam di Damaskus qureq osi aisiy Juda gate kokba Damaskus qureq di unub qaji naŋgi enjritqa sisiyosib odbibqa e na tamo uŋgasari Yesus qa naŋgo areqalo siŋgilateqnub qaji naŋgi ojeleŋosiy joqsiy bosiy Jerusalem endia tonto talq di breinjrqai.’ E degsim atra tamo gate minjem.

Aposel 28:21

Onaqa naŋgi na Pol minjeb, “Judia sawa qaji tamo qudei naŋgi anjam bei ni qa neŋgreŋyosib gagoq qariŋyosai. Juda tamo bei na bosiq ni qa anjam uge bei mergosai.

Rom 1:3

Qotei aqa anjam bole di aqa segi Ŋiri aqa anjam. Aqa Ŋiri a tamo bulyosiqa Devit aqa leŋ dena ŋambabej.

Rom 11:1

Deqa e niŋgi endegsi nenemŋgwai. Qotei na aqa segi tamo uŋgasari agi Israel naŋgi qoreinjrsiq torei walinjrej e? Sai. E dego Israel tamo. E Abraham aqa moma. E Benjamin aqa leŋ.

Rom 11:14

Di kiyaqa? E na ijo was qu Israel naŋgo areqalo tigeltetnjritqa iŋgi bole bole Qotei a niŋgi eŋgeqnu qaji di naŋgi dego oqa maribqa Qotei na naŋgi qudei eleŋqas.

Rom 16:11

Osib ijo kadoi Herodion a dego ijo kaiye anjam endi minjiye. Ariya niŋgi ijo kaiye anjam endi osib Narsisus a ti aqa leŋ naŋgi ti dego minjriye. Naŋgi Tamo Koba Yesus aqa tamo bole.

Rom 16:21

Ijo wau qujai Timoti a na niŋgi kaiyeiŋgwo. Lusius na Jeson na Sosipater na naŋgi qalub dego niŋgi kaiyeiŋgonub. Naŋgi qalub ijo leŋ naŋgi.

Rom 16:7

Niŋgi na ijo kaiye anjam endi osib Andronikus wo Junias wo naŋgi aiyel dego minjriye. Naŋgi aiyel ijo leŋ naŋgi. Jeu tamo naŋgi na naŋgi aiyel e ombla na ojeleŋosib tonto talq breigonab soqnem. Qotei na naŋgi aiyel wau enjrej deqa naŋgi aqa anjam maroqnsib laqnub. Deqa naŋgi aiyel dego ñam ti. Nami e are bulyosaisonam naŋgi namoqna are bulyosib Kristus qa naŋgo areqalo siŋgilateb.

Rom 9:2

Ijo anjam agiende. E gaigai are tulaŋ gulubeibeqnaqa are koba qaleqnum.

1 Korin 12:3

Deqa niŋgi ijo anjam endeqa geregere are qaliye. Qotei aqa Mondor a tamo bei aqaq di sosim aqa medabu siŋgilatetimqa a endegsi marqa keresai, “Yesus a tamo uge deqa Qotei na a qoreiyem.” Ariya tamo bei a Qotei aqa Mondor ti sqasai di a endegsi marqa keresai, “Yesus a Tamo Koba.”

1 Korin 16:22

Ariya e ijo anjam getentqai. Tamo bei a Tamo Koba Yesus qalaqalaiyqasai di Qotei na kamba tamo di uge qa minjsim ŋolawotqas. O Tamo Koba Yesus, ni aue.

2 Korin 12:15

E na ijo iŋgi iŋgi kalil ti ijo jejamu dego niŋgi torei eŋgwajqa areboleboleibqo. E niŋgi tulaŋ qalaqalaiŋgeqnum. Ariya kiyaqa niŋgi kamba olo e kiñala segi qalaqalaibeqnub?

Galesia 1:8

Deqa niŋgi quiye. Iga na kio laŋ aŋgro bei na kio Kristus aqa anjam bole iga nami niŋgi merŋgoqnem qaji di olo bulbulyosim anjam bei merŋgwas di Qotei na tamo di ojsim ŋamyuoq waiyeme.

Galesia 1:9

Iga anjam di nami marem. E olo marqai. Tamo bei na Kristus aqa anjam bole iga nami niŋgi merŋgoqnem qaji di olo bulbulyosim anjam bei merŋgwas di Qotei na tamo di ojsim ŋamyuoq waiyeme.

Galesia 3:10

Ariya tamo qudei naŋgi endegsib are qaleqnub, “Iga dal anjam dauryqom gam dena iga Qotei aqa ŋamgalaq di tamo bole une saiqoji sqom.” O was qu, tamo naŋgi di Qotei na padaltnjrqas. Di kiyaqa? Qotei aqa anjam bei nami endegsib neŋgreŋyeb unu, “Tamo bei a Qotei aqa dal anjam kalil neŋgreŋq di unu qaji di dauryekritosim ariya qujai bole qujai grotqas di Qotei na a padaltqas.”

Galesia 3:13

Ariya dal anjam a marqo, iga dal anjam kalil torei dauryqasai di Qotei na iga tamo uge qa marsim padaltgwas. Ariya Kristus a na iga aqaryaigwa marsiq deqa a gago sawa osiqa a segi Qotei aqa ŋamgalaq di tamo uge bulosiqa iga qa padalej. Agi Qotei aqa anjam bei nami endegsib neŋgreŋyeb unu, “Tamo kalil ŋamtaŋ goge di gaiŋejunub qaji naŋgi di Qotei na tamo uge qa marsim padaltnjrqas.”

Efesus 6:5

Ariya kaŋgal tamo niŋgi quiye. Niŋgi nuŋgo wau qa gate naŋgo sorgomq di geregere sosib naŋgi qa ulaoqniye. Niŋgi naŋgi qa ulaqasai di niŋgi naŋgo ŋamgalaq di kumbra uge yqab. Niŋgi Kristus aqa wau bole yeqnub dego kere niŋgi gaigai nuŋgo wau qa gate naŋgi qa wau bole yoqniye.