Rom 9:1 - Yesus Aqa Anjam Bole

¹ E Kristus aqa tamo deqa e niŋgi anjam bole merŋgwai. E niŋgi gisaŋ anjam merŋgwasai. Qotei aqa Mondor na e areqalo ebeqnu deqa e qalieonum, ijo anjam endi bole.

Rom 9:1 Iomraidhean Croise

Rom 1:9

E ijo are miligi siŋgilatsim deqa e Qotei aqa wau ojoqnsim aqa Ŋiri aqa anjam bole palontosim laqnum. Qotei a segi qalie, bati gaigai e pailyqa oqnsim niŋgi qa are qaleqnum.

Rom 2:15

Naŋgo kumbra dena Qotei aqa dal anjam naŋgo are miligiq di neŋgreŋyej qaji di olo boleq ateqnu. Naŋgo are miligiq di naŋgi kumbra bole ti kumbra uge ti qalie unub. Dena iga osorgeqnu, dal anjam a naŋgo are miligiq di waueqnu. Deqa mondoŋ naŋgo areqalo dena naŋgi endegsi minjrqas, “Niŋgi une ti.” Osim naŋgo kumbra qudei qa naŋgi endegsi minjrqas, “Nuŋgo kumbra di bole.” Bati deqa Qotei na tamo kalil naŋgo kumbra ti naŋgo anjam ti naŋgo are miligiq di uliejunu qaji di boleq atekritosim dena naŋgi peginjrqas. Anjam bole e palonteqnum qaji di aqa damu endegsi merŋgwai. Mondoŋ Qotei a Kristus Yesus aqa wau na tamo kalil naŋgo kumbra qa naŋgi peginjrqas.

Rom 8:16

Qotei aqa Mondor a segi gago are miligiq di waueqnu deqa iga endegsi boleq di mareqnum, bole, iga Qotei aqa aŋgro unum.

Rom 9:2

Ijo anjam agiende. E gaigai are tulaŋ gulubeibeqnaqa are koba qaleqnum.

2 Korin 1:12

O was qu, e ijo kumbra bei endeqa tulaŋ areboleboleibqo. Ijo are miligiq di e qalieonum, e kumbra bole tiŋtiŋ segi dauryoqnsim yeqnum. Kumbra Qotei na osorbej qaji di segi e dauryoqnsim yeqnum. E mandam tamo naŋgoq dena powo osim kumbra di yosaieqnum. Qotei a e qa are boleiyosiq kumbra di osorbej deqa e yeqnum. Deqa e tamo uŋgasari kalil naŋgo ambleq dia kumbra di yeqnum. Agi e nuŋgo ambleq di dego nami kumbra di tulaŋ koba yoqnem.

2 Korin 1:23

O was qu, Qotei na ijo anjam siŋgilateqnu deqa e aqa ñam na bole maronum, e niŋgi gulube eŋgaim deqa e olo Korin qureq bosai.

2 Korin 11:10

Kristus aqa anjam bole ijoq di unu deqa e anjam bole endegsi merŋgwai, Akaia sawa kalilq dia tamo bei na e ijo kumbra deqa ijo segi ñam soqtqajqa getentbqa keresai.

2 Korin 11:31

Tamo Koba Yesus aqa Abu Qotei a qalie, e anjam bole maronum. E gisaŋosai. Deqa iga bati gaigai aqa ñam soqtoqnqom.

2 Korin 12:19

Niŋgi gago anjam kalil endi sisiyosib iga qa endegsib are qalaib, “Naŋgi anjam neŋgreŋyeqnub di naŋgo segi jejamu une saiqoji qa marsib deqa neŋgreŋyeqnub.” Di sai. Iga Kristus aqa tamo deqa iga Qotei aqa ŋamgalaq di anjam endi neŋgreŋyeqnum. O ijo was bole, anjam kalil iga neŋgreŋyeqnum qaji endi niŋgi siŋgilatŋgwajqa deqa neŋgreŋyeqnum.

Galesia 1:20

Ijo anjam e na neŋgreŋyonum qaji endi anjam bole. E Qotei aqa ŋamgalaq di anjam bole merŋgonum. E niŋgi gisaŋgosai.

Filipai 1:8

Qotei a segi qalie, Kristus Yesus a iga qa are tulaŋ boleiyeqnu aqa kumbra dena ijo are tigeltetbej deqa e niŋgi kalil qa bosiy nuŋgwajqa are koba qaleqnum.

1 Tesalonaika 2:5

Niŋgi qalie, iga na walawala anjam bei niŋgi merŋgosaioqnem. Osim nuŋgo iŋgi iŋgi qa maulgonaq anjam bole bei laŋa gisaŋ na niŋgi merŋgosaioqnem. Gago kumbra di Qotei a segi qalie.

1 Timoti 1:5

Ariya Qotei na iga aqa wau ojqajqa mergeqnu. Aqa wau agiende. Iga na tamo uŋgasari naŋgi Yesus aqa anjam minjroqnim naŋgi a qa naŋgo areqalo siŋgilatosib dena naŋgi Qotei aqa ŋamgalaq di une saiqoji sqab. Sosib kumbra dena naŋgo areqalo tigeltetnjroqnim naŋgi qalaqalaiyo kumbra dauryoqnqab.

1 Timoti 2:7

Qotei a na e aqa anjam marsiy laqajqa deqa osiq e giltbej. Deqa e aqa anjam marqajqa wau ti. E bole mermonum. E gisaŋosai. E sawa bei bei qaji tamo uŋgasari naŋgi qa gilsiy Qotei aqa anjam minjroqnitqa naŋgi qusib Kristus qa naŋgo areqalo siŋgilatosib aqa anjam bole poinjrqajqa deqa osiqa e wau ebej.

1 Timoti 5:21

O Timoti, Qotei ti aqa laŋ aŋgro naŋgi ti Kristus Yesus ombla na naŋgo ŋamgalaq dia e siŋgila na anjam endegsi ni mermqai. Wau kalil e ino baŋq di atem qaji di ni geregere taqatosim wauoqne. Ni na ino was naŋgi ti tamo kokba ti naŋgi segi gereinjroqnaim. Ni tamo kalil naŋgi turtnjrsim gereinjroqnime.