Rom 8:9 - Yesus Aqa Anjam Bole

⁹ Ariya niŋgi areqalo namij na walwelosaieqnub. Qotei aqa Mondor a nuŋgo are miligiq di unu deqa niŋgi aqa kumbra na walweleqnub. Tamo a Kristus aqa Mondor ti sqasai di a Kristus aqa tamo sqa keresai.

Rom 8:9 Iomraidhean Croise

Luk 11:13

Deqa niŋgi quiye. Niŋgi tamo bolesai. Nuŋgo kumbra uge. Ariya ino aŋgro na iŋgi qa mermeqnaq ni iŋgi bole bole yeqnum. Ni a uratosaieqnum. Nuŋgo kumbra dena niŋgi endegsi poiŋgem, ‘Bole, gago Abu laŋ qureq di unu qaji a dego iga uratgosaieqnu. A na aqa Mondor Bole iga egwajqa pailyqom di a na egwas. A na iga uratgwasai bolesai.’”

Jon 14:17

Aqaryaiŋgo tamo di a anjam bole qa Mondor. Tamo uŋgasari mandamq endi unub qaji naŋgi Mondor di oqa keresai. Naŋgi a unosaieqnub. Naŋgi a qa qaliesai dego. Ariya niŋgi a qa qalie. A niŋgi koba na unub. Bunuqna a bosim nuŋgo are miligiq di sqas.

Jon 14:23

Onaqa Yesus na kamba minjej, “Tamo bei na e tulaŋ qalaqalaibqas di a ijo anjam dauryoqnqas. Yimqa ijo Abu na kamba tamo di qalaqalaiyimqa aqo ijo Abu wo aqaq bosim a ombla gaigai sqom.

Jon 3:34

Tamo Qotei na qariŋyej qaji a Qotei aqa anjam babtosiq mergeqnu. Di kiyaqa? Qotei na aqa Mondor aqa siŋgila potosiq taqal bei segi Yesus yosai. A na aqa siŋgila kalil Yesus yekritej.

Jon 3:6

Aqa ai wo abu wo naŋgi aiyel jejamu ti sosib dena a ŋambabteb. Deqa a dego jejamu ti unu. Ariya Qotei aqa Mondor na a ŋambabtqas di a mondor ti sqas.

Aposel 16:7

Deqa naŋgi Frigia sawa ti Galesia sawa ti dia laqnsibqa dena walwelosib Misia sawaq di branteb. Dena Bitinia sawaq gilqa laqnabqa Yesus aqa Mondor na naŋgi saidnjrnaqa naŋgi Misia sawa amble potosib aisib torei Troas qureq di branteb.

Rom 7:5

Nami iga areqalo namij aqa kumbra dauryoqnem bati deqa dal anjam a na gago siŋgaq di gago baŋq di gago jejamu kalilq dia areqalo uge uge tigelteqnaqa iga une yoqnem. Osim kumbra dena iga moio qa gam babtoqnem.

Rom 8:1

O was qu, iga Kristus Yesus beteryejunum deqa dal anjam na gago une qa iga olo mergwa keresai. Deqa iga gago une qa olo awai uge oqasai.

Rom 8:11

Qotei a na aqa Ŋiri Kristus Yesus subq na olo tigeltej. Qotei aqa Mondor a nuŋgo are miligiq di unu deqa Qotei na aqa Mondor aqa siŋgila na nuŋgo jejamu moiqas qaji di dego olo subq na tigeltosim niŋgi ŋambile eŋgwas.

Rom 8:2

Di kiyaqa? Niŋgi segi segi Kristus Yesus aqa tamo deqa. Qotei aqa Mondor Bole iga ŋambile egej qaji a na niŋgi aqaryaiŋgej deqa une ti moio ti na niŋgi olo taqatŋgwa keresai. Qotei aqa Mondor a segi na niŋgi taqatŋgeqnu.

1 Korin 15:23

Ariya iga gago segi segi bati dauryosim subq na olo tigelosim ŋambile oqom. Namoqna Kristus a subq na tigelej. Ariya mondoŋ Kristus a olo laŋ qureq na bamqa bati deqa iga aqa segi tamo uŋgasari iga dego subq na olo tigelqom.

1 Korin 3:16

Niŋgi Qotei aqa segi tal bul. Qotei aqa Mondor a nuŋgo miligiq di unu. Di niŋgi qaliesai kio?

1 Korin 6:17

Ariya tamo bei a Tamo Koba Yesus wo beterqab di naŋgi aiyel Mondor qujai ti sqab.

1 Korin 6:19

Nuŋgo jejamu di Qotei aqa Mondor aqa segi tal. Qotei a segi na Mondor di niŋgi eŋgej deqa a nuŋgo miligiq di unu. Niŋgi di qaliesai kio? Nuŋgo jejamu di nuŋgo segi jejamu sai. Di Qotei aqa jejamu.

2 Korin 10:7

Niŋgi laŋa babaŋ na tamo naŋgo kumbra unsib tenemtaib. Niŋgi geregere tenemtiye. Tamo bei a endegsi marqas, “E Kristus aqa tamo bole.” Ariya a endegsi poiyem, a Kristus aqa tamo qa marqo deqa iga dego Kristus aqa tamo. A degsi poiyem.

2 Korin 6:16

Qotei aqa atra tal ti qotei gisaŋ naŋgo atra tal ti beterosib ombla sqa kere e? Di keresai. Niŋgi qalie, Qotei ŋambile gaigai unu qaji aqa atra tal agi iga segi unum. Agi Qotei aqa anjam bei nami endegsib neŋgreŋyeb unu, “E naŋgo ambleq di sosiy walweloqnqai. E naŋgo Qotei sqai. Naŋgi ijo segi tamo uŋgasari sqab.”

Galesia 4:6

Deqa bini niŋgi Qotei aqa aŋgro tiŋtiŋ unub. Agi a na aqa Ŋiri aqa Mondor qariŋyonaqa a gago are miligiq aiej. Aiej deqa iga Qotei metoqnsim endegsi minjeqnum, “O ni gago Abu.”

Galesia 5:24

Tamo kalil Kristus Yesus beteryejunub qaji naŋgi na naŋgo areqalo namij ti naŋgo are prugnjrqajqa kumbra ti kalil ŋamburbasq di qamnab moiej.

Efesus 1:13

Niŋgi sawa bei bei qaji tamo uŋgasari niŋgi dego Qotei aqa anjam bole queb. Anjam bole agiende. Qotei a Kristus aqa wau na niŋgi eleŋej. Niŋgi Kristus qa nuŋgo areqalo siŋgilatosib deqa a beteryesonab Qotei na aqa anjam nami marej qaji di dauryosiq aqa toqor niŋgi eŋgej. Deqa niŋgi aqa segi tamo uŋgasari unub. Toqor di agi Qotei aqa Mondor Bole.

Efesus 2:22

Niŋgi dego Kristus beteryejunub deqa Qotei na niŋgi ti aqa segi tamo uŋgasari naŋgi ti koroiŋgej unub. Deqa niŋgi aqa segi tal bole unub. Qotei naŋgi aqa Mondor Bole wo naŋgi aiyel tal miligiq di sqajqa osiq tal di gereiyej.

Efesus 3:17

Osib naŋgi Kristus qa naŋgo areqalo siŋgilatqab dena Kristus a naŋgo are miligiq di sqas. O Abu, ni na Efesus naŋgi siŋgilatnjrimqa qalaqalaiyo kumbra naŋgo are miligiq di tulaŋ siŋgilatib soqnim naŋgi siŋgila na tigelesqab. Mandam na ŋam jirim ojesonaqa ŋam a siŋgila na tigelejunu dego kere.” O was qu, e niŋgi qa degsim Qotei pailyeqnum.

Filipai 1:19

Deqa was qu, e tulaŋ areboleboleiboqnim sqai. Di kiyaqa? E endegsi qalieonum. Niŋgi bati gaigai e qa Qotei pailyeqnub deqa Yesus Kristus aqa Mondor na e siŋgilatbeqnu. Gam dena Qotei na e aqaryaibosim tonto talq endena oqeq atim e bole sqai.

2 Timoti 1:14

Qotei na aqa anjam bole ino baŋq di atej. Qotei aqa anjam di tulaŋ bolequja. Deqa ni na anjam di geregere taqatesoqne. Qotei aqa Mondor Bole agi gago are miligiq di unu qaji a na ni aqaryaimoqnimqa ni Qotei aqa wau di geregere ojsim laqne.

1 Pita 1:11

Kristus aqa Mondor a naŋgo are miligiq di sosiqa naŋgo medabuq na anjam endegsi babtosiq maroqnej, “Bunuqna Kristus a jaqatiŋ osim moiqas. Moisim olo subq na tigelosim laŋ qureq oqsim dia a ñam koba ti sqas.” O was qu, Qotei aqa medabu o qaji tamo naŋgi endegsib nenemoqneb, “Kristus a bati gembu bqas? Kumbra kie namoqna brantim Kristus a bunuqna bqas?”

1 Jon 3:24

Tamo bei a Qotei aqa dal anjam dauryqas di a Qotei beteryesqas. Qotei a kamba dego tamo di beteryesqas. Qotei na aqa Mondor Bole iga egej deqa iga qalieonum, Qotei na iga betergejunu.

1 Jon 4:13

Iga kiersi qalieqom, Qotei a gagoq di beteresonaqa iga kamba dego a beteryejunum? E marqai. Qotei na aqa Mondor iga egej dena iga qalieonum.

1 Jon 4:4

O ijo aŋgro kalil, niŋgi Qotei aqa tamo. Mondor Bole a nuŋgoq di unu. Ariya gisaŋ mondor a mandam tamo naŋgoq di unu. Mondor Bole a na gisaŋ mondor di tulaŋ buŋyeqnu. Deqa niŋgi na dego gisaŋ tamo naŋgi di gotraŋnjreqnub.

Uli Anjam 13:8

Deqa tamo uŋgasari kalil mandamq endi unub qaji naŋgi na wagme juwaŋ di biŋiyoqnsib aqa ñam tulaŋ koba soqtoqneb. Tamo uŋgasari naŋgi di Qotei a nami mandam atosaisosiqa naŋgi ŋambile gaigai sqajqa saidosiq ŋambile qa buk miligiq di naŋgo ñam neŋgreŋyosai. Buk di agi Kaja Du nami qalnab moiej qaji aqa segi buk.

Uli Anjam 20:15

Tamo uŋgasari kalil naŋgo ñam ŋambile qa buk miligiq di sosai qaji naŋgi di Qotei na breinjrnaq ŋamyuoq aieleŋeb.