Rom 8:8 - Yesus Aqa Anjam Bole

⁸ Tamo naŋgi areqalo namij na walweleqnub qaji naŋgi kumbra Qotei a areareteqnu qaji di dauryqa keresai.

Rom 8:8 Iomraidhean Croise

Matyu 3:17

Unnaqa laŋ goge dena Qotei a anjam marnaqa tamo uŋgasari naŋgi aqa kakoro queb. A endegsi marnaq queb, “Di ijo aŋgro qujai. E na a tulaŋ qalaqalaiyeqnum. E a qa tulaŋ areboleboleibqo.”

Jon 3:3

Onaqa Yesus na kamba minjej, “Ni que. E bole mermqai. Tamo bei a aŋgro mom bunuj bulosim ŋambabqasai di Qotei na a taqatosim aqa Mandor Koba sqasai. Deqa a Qotei unqa keresai.”

Jon 8:29

Ijo Abu e qariŋbej qaji a e ombla sosiqa taqbejunu. A na e uratbosaieqnu. Di kiyaqa? E gaigai kumbra kalil a tulaŋ areareteqnu qaji di yeqnum.”

Rom 1:21

Naŋgi Qotei qa qalie unub. Ariya a segi Qotei bole naŋgi degsib marosaieqnub. Deqa naŋgi aqa ñam soqtosib a biŋiyosaieqnub. Naŋgo kumbra dena naŋgi nanaritnjroqnsiq naŋgo areqalo getentetnjreqnaqa naŋgi ambruq di laqnub.

Rom 7:5

Nami iga areqalo namij aqa kumbra dauryoqnem bati deqa dal anjam a na gago siŋgaq di gago baŋq di gago jejamu kalilq dia areqalo uge uge tigelteqnaqa iga une yoqnem. Osim kumbra dena iga moio qa gam babtoqnem.

Rom 8:9

Ariya niŋgi areqalo namij na walwelosaieqnub. Qotei aqa Mondor a nuŋgo are miligiq di unu deqa niŋgi aqa kumbra na walweleqnub. Tamo a Kristus aqa Mondor ti sqasai di a Kristus aqa tamo sqa keresai.

1 Korin 7:32

O was qu, niŋgi mandam qa iŋgi iŋgi qa are gulubeiŋgim areqalo bei bei aib deqa e na niŋgi anjam endegsi merŋgwai. Niŋgi qalie, tamo uŋa ti sosai qaji naŋgi Tamo Koba Yesus aqa kumbra dauryqajqa are qaloqnsib unub. Deqa kumbra Yesus a tulaŋ areareteqnu qaji di naŋgi yoqnsib unub.

Filipai 4:18

E silali iŋgi iŋgi kere unu. E iŋgi bei qa truquosaieqnum. Di kiyaqa? Niŋgi na silali di Epafroditus yonabqa a na osi bosiq ebej. Niŋgi silali qa e aqaryaibeb deqa niŋgi Qotei atraiyobuleb. Atraiyo iŋgi di quleq bole ti. Qotei a atraiyo iŋgi deqa tulaŋ areboleboleiyqo.

Kolosi 1:10

Osib naŋgo walwel ti naŋgo kumbra ti Tamo Koba Yesus aqa walwel ti aqa kumbra ti keretqab. Yim deqa ni naŋgo kumbra kalil qa tulaŋ areboleboleimoqnqas. O Abu, ni na Kolosi Kristen naŋgi aqaryainjroqnim naŋgi kumbra bole bole degsib yoqnsib ni qa geregere qalieoqnib naŋgo qalie di tulaŋ kobaoqnqas.”

Kolosi 3:20

O aŋgro, niŋgi gaigai nuŋgo ai wo abu wo naŋgo anjam dauryoqniye. Niŋgi degyqab di Tamo Koba Yesus a niŋgi qa tulaŋ areboleboleiyqas.

1 Tesalonaika 4:1

O was qu, kumbra bole kalil Qotei a tulaŋ areareteqnu qaji di iga nami niŋgi osorŋgoqnem agi niŋgi dauryeqnub. Ariya bini iga nuŋgo are miligi siŋgilatetŋgosim Tamo Koba Yesus aqa ñam na endegsi merŋgwom. Niŋgi kumbra di olo torei siŋgilatosib yoqniye.

Hibru 13:16

Ariya niŋgi na tamo uŋgasari naŋgi kumbra bole bole enjroqniye. Naŋgi iŋgi qudei qa truquoqnibqa niŋgi na aqaryainjroqniye. Niŋgi kumbra di urataib. Niŋgi kumbra degyoqnqab di niŋgi Qotei atraiyobuloqnqab. Yim Qotei a nuŋgo kumbra deqa tulaŋ areboleboleiyoqnqas.

Hibru 13:21

Qotei qujai di a na niŋgi siŋgilatŋgoqnimqa niŋgi aqa areqalo geregere dauryosib kumbra bole bole yoqniye. A gago are miligiq di wauoqnimqa iga Yesus Kristus aqa wau na kumbra kalil a tulaŋ areareteqnu qaji di yoqnsim sqom. Iga kalil bati gaigai aqa ñam soqtoqnqom. Bole.

1 Jon 3:22

Osim iga iŋgi bei qa Qotei pailyimqa a gago pail qusim iŋgi di egwas. Di kiyaqa? Iga aqa dal anjam dauryoqnsim kumbra a tulaŋ areareteqnu qaji di yeqnum deqa.