Rom 8:7 - Yesus Aqa Anjam Bole

⁷ Tamo naŋgi areqalo namij dauryoqnqab di naŋgi Qotei ti jeu sqab. Di kiyaqa? Naŋgi Qotei aqa dal anjam aqa sorgomq di sosai deqa. Naŋgi dal anjam dauryqa keresai bolesai.

Rom 8:7 Iomraidhean Croise

Matyu 12:34

Niŋgi tamo uge. Niŋgi amal uge bul. Niŋgi kiersib anjam bole maroqnqab? Tamo naŋgo areqalo naŋgo are miligiq di unu qaji di naŋgo medabuq na branteqnu.

Matyu 5:19

Deqa niŋgi quiye. Tamo bei a Qotei aqa dal anjam mutu kiñala bei uge qa marsimqa tamo uŋgasari naŋgi dego titnjroqnim naŋgi uge qa marqab tamo di aqa ñam tulaŋ kiñala sqas. Deqa Qotei na a taqatosim aqa Mandor Koba sqasai. Ariya tamo bei a Qotei aqa dal anjam kalil dauryoqnsimqa tamo uŋgasari naŋgi dego dauryqa minjroqnqas tamo di aqa ñam kobaquja sqas. Deqa Qotei na a taqatosim aqa Mandor Koba sqas.

Jon 7:7

Tamo uŋgasari mandamq endi unub qaji naŋgi niŋgi jeutŋgwa keresai. Ariya naŋgi gaigai e jeutbeqnub. Di kiyaqa? E naŋgo kumbra uge uge babtetnjreqnum deqa.

Rom 1:28

Naŋgi Qotei aqa sorgomq di sqajqa are qalosaieqnub deqa Qotei a na naŋgi uratnjreqnaqa naŋgi naŋgo segi areqalo uge uge dauryoqnsib kumbra uge uge yeqnub.

Rom 1:30

Naŋgi gisaŋ na tamo naŋgo ñam ugetetnjreqnub. Naŋgi Qotei jeuteqnub. Naŋgi diqoqnsib laqnsib naŋgo segi ñam soqteqnub. Naŋgi kumbra uge uge bunuj babteleŋeqnub. Naŋgi naŋgo ai wo abu wo naŋgo medabu gotraŋyeqnub.

Rom 3:31

Iga maronum, iga Yesus qa gago areqalo siŋgilatqajqa kumbra di tulaŋ boledamu. Ariya iga degsi maronum dena iga olo dal anjam taqal ateqnum e? Sai. Iga Qotei aqa dal anjam olo siŋgilateqnum.

Rom 5:10

Iga Qotei ti jeu sonamqa aqa Ŋiri a jeu kobotqa marsiq moiej. Deqa aqa wau dena iga bini Qotei ombla geregere unum. Ariya Qotei aqa Ŋiri a olo ŋambile unu. Deqa iga bole qalieonum, aqa ŋambile dena Qotei na iga olo oqas.

Rom 7:22

Bole, ijo areqaloq di e Qotei aqa dal anjam tulaŋ arearetbeqnu.

Rom 8:4

Qotei a kumbra degyej. Yim iga dal anjam aqa kumbra tiŋtiŋ dauryosim sqajqa deqa. Deqa iga gago areqalo namij na walwelosaieqnum. Iga Qotei aqa Mondor Bole aqa kumbra na walweleqnum.

1 Korin 2:14

Ariya tamo naŋgi Qotei aqa Mondor ti sosai qaji naŋgi laŋ qa iŋgi iŋgi di oqa keresai. Di kiyaqa? Naŋgi mareqnub, “Iŋgi iŋgi di bolesai. Di nanari tamo naŋgo iŋgi.” O was qu, iŋgi iŋgi di iga Qotei aqa Mondor aqaq dena eleŋeqnum. Deqa tamo naŋgi Qotei aqa Mondor ti sosai qaji naŋgi iŋgi iŋgi deqa poinjrqa keresai. Tamo naŋgi Mondor ti unub qaji naŋgi segi iŋgi iŋgi deqa poinjrqa kere.

1 Korin 9:21

Tamo naŋgi Moses aqa dal anjam saiqoji unub qaji naŋgi dego e na oqajqa deqa e naŋgo kumbra dauryoqnsim dal anjam saiqoji sobulejunum. Bole, e Qotei aqa dal anjam ti unum. Agi e Kristus aqa dal anjam aqa sorgomq di unum. Ariya e naŋgo kumbra di dauryoqnsiy dena e na naŋgi are bulyetnjroqnit naŋgi Kristus aqaq bqajqa deqa are qalsim dal anjam saiqoji sobulejunum.

Kolosi 1:21

Nami niŋgi Kristus qa isaq di soqneb. Niŋgi nuŋgo segi areqalo na laqnsib Qotei ti jeu sosib kumbra uge uge yoqneb.

Kolosi 2:18

Tamo qudei naŋgi na niŋgi endegsib merŋgwab, “Niŋgi nuŋgo segi ñam tentoqnsib olo laŋ aŋgro naŋgi qa louoqniye. Iga ŋeiobilqei na kumbra di unsim deqa niŋgi degsi merŋgonum.” O was qu, niŋgi tamo di naŋgo anjam quetnjraib. Tamo deqaji naŋgi naŋgo areqalo namij dauryoqnsib endegsib mareqnub, “Iga powo bole ti unum.”

2 Timoti 3:4

Naŋgi naŋgo segi kadoi naŋgi ugeugeinjroqnqab. Osib naŋgo segi areqalo nanari urur dauryoqnsib naŋgo segi ñam soqtoqnsib mandam qa iŋgi iŋgi qa tulaŋ areboleboleinjroqnqas. Naŋgi Qotei qa arearetnjroqnqasai.

Hibru 8:10

Ariya anjam bunuj agiende. Bati bei brantimqa e na ijo dal anjam kalil osiy Israel tamo uŋgasari naŋgo areqaloq di atsiy siŋgilatqai. Osiy naŋgo are miligiq di dego neŋgreŋyqai. Deqa e naŋgo Qotei soqnit naŋgi ijo segi tamo uŋgasari sqab.

Jems 4:4

Uŋa bei na aqa gumbuluŋ uratosiq olo tamo bei ombla sambala kumbra yeqnub dego kere niŋgi Qotei uratobuloqnsib kumbra uge uge yeqnub. Niŋgi quiye. Tamo bei a mandam qa kumbra qa tulaŋ areboleboleiyqas di a olo Qotei jeutqas. Niŋgi di qaliesai kio? Deqa tamo bei na mandam qa kumbra kadoiyqas di a Qotei ti jeu sqas.

2 Pita 2:14

Naŋgi gaigai uŋa qa mamaulnjreqnu deqa naŋgi sambala kumbra yqajqa are qaleqnub. Naŋgi une yoqnqajqa tulaŋ arearetnjreqnaqa olo uratosaieqnub. Naŋgi na tamo qudei areqalo aiye aiyelteqnub qaji naŋgi walawalainjreqnabqa naŋgi daurnjroqnsib une yeqnub. Tamo naŋgi di tamo qudei naŋgo iŋgi iŋgi qa mamaulnjreqnu. Kumbra di naŋgi qalie bole. Deqa Qotei na naŋgi torei padaltnjrqas.