Rom 8:5 - Yesus Aqa Anjam Bole

⁵ Tamo naŋgi areqalo namij na walweleqnub qaji naŋgi areqalo namij segi dauryeqnub. Ariya tamo naŋgi Qotei aqa Mondor Bole aqa kumbra na walweleqnub qaji naŋgi Mondor Bole aqa areqalo dauryeqnub.

Rom 8:5 Iomraidhean Croise

Mak 8:33

Onaqa Yesus a bulosiqa aqa aŋgro naŋgi kokoqnjrej. Osiqa olo Pita koqyosiqa ŋiriŋtosiq minjej, “Ni Satan bul. Deqa ni ijo qoreq gile. Ni Qotei aqa areqalo dauryosai. Ni mandam tamo naŋgo areqalo dauryonum. Daurysim agi ni na anjam di merbonum.”

Jon 3:6

Aqa ai wo abu wo naŋgi aiyel jejamu ti sosib dena a ŋambabteb. Deqa a dego jejamu ti unu. Ariya Qotei aqa Mondor na a ŋambabtqas di a mondor ti sqas.

Rom 8:9

Ariya niŋgi areqalo namij na walwelosaieqnub. Qotei aqa Mondor a nuŋgo are miligiq di unu deqa niŋgi aqa kumbra na walweleqnub. Tamo a Kristus aqa Mondor ti sqasai di a Kristus aqa tamo sqa keresai.

1 Korin 15:48

Adam a mandam qaji tamo deqa aqa leŋ kalil naŋgi dego mandam qaji tamo. Ariya Kristus a laŋ qaji tamo deqa aqa tamo kalil naŋgi dego laŋ qaji tamo unub.

1 Korin 2:14

Ariya tamo naŋgi Qotei aqa Mondor ti sosai qaji naŋgi laŋ qa iŋgi iŋgi di oqa keresai. Di kiyaqa? Naŋgi mareqnub, “Iŋgi iŋgi di bolesai. Di nanari tamo naŋgo iŋgi.” O was qu, iŋgi iŋgi di iga Qotei aqa Mondor aqaq dena eleŋeqnum. Deqa tamo naŋgi Qotei aqa Mondor ti sosai qaji naŋgi iŋgi iŋgi deqa poinjrqa keresai. Tamo naŋgi Mondor ti unub qaji naŋgi segi iŋgi iŋgi deqa poinjrqa kere.

2 Korin 10:3

Bole, iga mandam endia sosim waueqnum. Ariya iga mandam tamo naŋgo kumbra na qotosaieqnum.

Galesia 5:17

Iga qalie, gago areqalo namij na Qotei aqa Mondor jeuteqnu. Qotei aqa Mondor a na kamba dego gago areqalo namij jeuteqnu. Naŋgi aiyel jeu jeu unub deqa kumbra bole niŋgi yqajqa arearetŋgeqnu qaji di niŋgi olo yosaieqnub.

Efesus 5:9

Suwaŋ a na kumbra endeqaji babteqnu. Tamo naŋgi suwaŋoq di unub qaji naŋgi kumbra bole bole yeqnub. Naŋgi kumbra tiŋtiŋ dauryeqnub. Naŋgi anjam bole mareqnub.

2 Pita 2:10

Tamo qudei naŋgi awai tulaŋ ugedamu oqab. Tamo naŋgi di sambala kumbra tulaŋ jigat yqajqa are prugnjreqnu. Osib naŋgi endegsib are qaleqnub, “Tamo Koba Qotei aqa anjam di laŋa sa anjam. Deqa iga dauryqasai.” Tamo uge deqaji naŋgi nuŋgo ambleq di tigelosib tulaŋ diqoqnsib naŋgo segi areqalo dauryeqnub. Deqa naŋgi laŋ aŋgro kokba naŋgi misiliŋnjrqajqa ulaosaieqnub.