Rom 5:4 - Yesus Aqa Anjam Bole

⁴ Iga siŋgila na tigeleqnum deqa gulube gagoq beqnaqa iga na gotraŋyeqnum. Iga gulube gotraŋyoqnsim deqa iga Qotei qa gago areqalo siŋgilatoqnsim a na iga laŋ qureq osim oqwajqa deqa tariŋoqnsim unum.

Rom 5:4 Iomraidhean Croise

Luk 21:19

Deqa niŋgi ijo ñam siŋgila na ojsib soqnib soqnib Qotei na niŋgi eleŋqas. Amqa niŋgi ŋambile gaigai sqab.

Rom 15:4

Qotei aqa anjam kalil naŋgi nami neŋgreŋyeb qaji di iga Qotei aqa gam osorgwajqa deqa osib neŋgreŋyeb. Anjam dena gago areqalo siŋgilatetgim iga siŋgila na tigelosim Qotei na mondoŋ iga oqajqa deqa tariŋoqnsim sqom. Utru deqa neŋgreŋyeb.

Filipai 2:22

Timoti aqa kumbra tulaŋ boledamu di niŋgi qalie. Niŋgi qalie, a na e aqaryaiboqnsiqa Yesus aqa anjam bole mare mare laqnu. Aŋgro naŋgi na naŋgo abu naŋgi aqaryainjreqnub dego kere Timoti a na e aqaryaibeqnu.

Hibru 6:19

Iŋgi bole bole Qotei na iga tariŋqa mareqnu qaji di iga tariŋesosim oqom. Iga deqa are qaloqnsim dena gago are miligi tulaŋ siŋgilatejunum. Gam dena iga Warum Tulaŋ Getento Koba gara gaiŋejunu qaji di torei miligiq giloqnqom.

Jems 1:12

Tamo naŋgi siŋgila na tigeloqnsib gulube qoboiyeqnub qaji naŋgi areboleboleinjreme. Di kiyaqa? Naŋgi gulube kalil di gotraŋyoqnsib siŋgila na tigelesqab di Qotei na awai boledamu enjrqas. Yim naŋgi ŋambile gaigai sqab. Agi Qotei a marej, a na tamo kalil a qalaqalaiyeqnub qaji naŋgi awai bole enjrqas.

1 Pita 5:10

Qotei a bati gaigai iga qa are tulaŋ boleiyeqnu. A Kristus Yesus aqa ñam na niŋgi metŋgej deqa mondoŋ niŋgi Kristus ombla aqa riaŋ ti so bole gaigai sqab. Deqa niŋgi mandamq endia sokiñala jaqatiŋ oqnsib koboamqa Qotei a na niŋgi olo boletŋgsim siŋgilatŋgimqa niŋgi gaigai siŋgila na tigelesqab.