Rom 5:2 - Yesus Aqa Anjam Bole

² Yesus a na iga tamo uŋgasari a qa gago areqalo siŋgilateqnum qaji gam waqtetgej deqa Qotei a iga qa are tulaŋ boleiyonaqa iga eleŋej. Qotei na kumbra di iga egej deqa bini iga kumbra di osim tigelejunum. Deqa bini iga Qotei na laŋ qureq osi oqsim dia iga a ombla geregere sqajqa deqa tariŋeqnum. Iga deqa tulaŋ areboleboleigeqnaq unum.

Rom 5:2 Iomraidhean Croise

Matyu 25:21

Onaqa aqa tamo koba na minjej, ‘Ni kaŋgal tamo bolequja. Ni wau kiñala geregere taqatonum deqa e na wau gargekoba olo ino baŋq di uratitqa ni na taqatoqnqam. Deqa ni bosim e ombla areboleboleigim sqom.’

Jon 10:7

Deqa Yesus a na aqa yawo anjam di aqa damu ubtosiqa endegsi minjrej, “Niŋgi quiye. E bole merŋgwai. Kaja naŋgo jeŋ miligiq gilqajqa siraŋme agi e segi.

Jon 10:9

E segi siraŋme. Tamo bei a e qa bosim jeŋ miligiq giloqnqas di Qotei na a oqas. Amqa a miligiq gile oqede osim iŋgi bole uyoqnqas.

Jon 14:6

Onaqa Yesus na minjej, “E segi gam. E segi anjam bole qa utru. E segi ŋambile qa utru dego. Deqa tamo bei a gam bei na ijo Abu aqaq oqwa keresai. Ijo Abu aqaq oqwajqa gam agi e segi qujai.

Jon 5:24

“Niŋgi quiye. E bole merŋgwai. Tamo a ijo anjam qusim ijo Abu e qariŋbej qaji a qa aqa areqalo siŋgilatqas di a ŋambile gaigai sqas. Deqa e aqa une qa a pegiyqasai. A moio gam uratqo deqa a olo ŋambile unu.

Aposel 14:27

Aisib Yesus aqa tamo uŋgasari naŋgi koroinjrsibqa naŋgi aiyel qure qureq dia laqnsibqa Qotei na naŋgi aqaryainjreqnaqa naŋgi kumbra kalil yoqneb qaji deqa naŋgi sainjroqneb. Sainjroqnsib endegsib minjroqneb, “Qotei na sawa bei bei qaji tamo naŋgi dego gam waqtetnjreqnaqa naŋgi are bulyoqnsib Yesus qa naŋgo areqalo siŋgilateqnub.”

Rom 11:20

Di bole. Ariya Qotei aqa kumbra di aqa utru agiende. Israel naŋgi Qotei qa naŋgo areqalo siŋgilatosai deqa Qotei na naŋgi giŋgeŋnjrsiqa breinjrej. Ariya niŋgi Qotei qa nuŋgo areqalo siŋgilatejunub deqa Qotei na niŋgi olo eleŋej. Di nuŋgo wau na sai. Deqa niŋgi nuŋgo segi ñam soqtosib diqaib. Niŋgi ulaoiye.

Rom 12:12

Mondoŋ Tamo Koba Qotei na niŋgi laŋ qureq osi oqwas. Niŋgi deq oqwajqa tariŋoqnsib areboleboleiŋgoqneme. Osib gulube niŋgi qa boqnimqa siŋgila na tigeloqnsib qoboiyoqniye. Osib gaigai Qotei pailyoqniye.

Rom 14:4

Ni tamo kiero deqa ni na tamo bei aqa wau tamo a uge qa minjqam? A siŋgila na wau bole yqas kio aqa wau uloŋqas kio di aqa wau qa gate a segi na pegiyqas. Ariya e qalieonum, a siŋgila na tigelosim wau bole yqas. Di kiyaqa? Tamo Koba Qotei na a siŋgilatimqa a siŋgila na tigelesqas.

Rom 15:13

O was qu, Qotei a nami iŋgi bole bole di iga egwajqa marej deqa iga bini tariŋoqnsim unum. Niŋgi a qa nuŋgo areqalo siŋgilateqnub deqa a na nuŋgo are boletetŋgimqa niŋgi tulaŋ areboleboleiŋgim lawo na sqab. Yim Qotei aqa Mondor na niŋgi siŋgilatŋgimqa niŋgi iŋgi bole bole a na eŋgwa marej qaji deqa tariŋoqnsib sqab.

Rom 2:7

Tamo uŋgasari qudei naŋgo kumbra tulaŋ boledamu. Naŋgi siŋgila na kumbra bole bole dauryoqnsib laŋ qure qa gam itqajqa waukobaeqnub. Naŋgi laŋ qureq dia ñam koba oqajqa ti ŋambile gaigai sqajqa ti waukobaeqnub. Deqa Qotei na tamo uŋgasari naŋgi di ŋambile enjrim naŋgi so bole gaigai sqab.

Rom 3:23

Iga kalil une ateqnum deqa iga laŋ qureq oqsim dia Qotei ombla sqa keresai.

Rom 5:5

Ariya iga laŋa tariŋosaieqnum. Qotei na aqa Mondor Bole iga egej deqa Mondor dena aqa qalaqalaiyo kumbra gago are miligiq di atej unu.

Rom 8:1

O was qu, iga Kristus Yesus beteryejunum deqa dal anjam na gago une qa iga olo mergwa keresai. Deqa iga gago une qa olo awai uge oqasai.

Rom 8:24

Qotei na iga eleŋej deqa bini iga Qotei qa gago areqalo siŋgilatosim a na iga jejamu bunuj egwajqa deqa tariŋoqnsim unum. Iga mareqnum, iga iŋgi deqa tariŋeqnum. Di kiyaqa? Iga iŋgi di osaiunum deqa. Ariya tamo bei a iŋgi bei osimqa a kiyaqa iŋgi deqa olo tariŋqas?

1 Korin 15:1

Ariya was qu, Yesus aqa anjam bole e nami palontosim niŋgi merŋgoqnem qaji di bini e olo pulutsiy niŋgi merŋgwai. Anjam di niŋgi nami qusib dauryeb. Deqa e qalieonum, bini niŋgi anjam di siŋgila na ojsib tigelejunub.

2 Korin 3:18

Deqa gago ulatamu olo kabuesosai. Iga kalil Tamo Koba Qotei aqa riaŋ di ya jeqiloq di unobuleqnam riaŋ di gagoq di tulaŋ kobaqujaeqnaqa dena iga Qotei a segi buloqnsim unum. Tamo Koba Yesus a na kumbra di iga egeqnu. Tamo Koba a segi Qotei aqa Mondor Bole.

2 Korin 4:17

Di kiyaqa? Iga qalieonum, gulube ti jaqatiŋ ti iga bini eqnum qaji di tulaŋ kokba sai. Naŋgi sokiñalayosib koboqab. Iga gulube di eqnum deqa mondoŋ iga laŋ qureq dia so bole gaigai sqom. Iga qalieonum, iŋgi bole bole iga mondoŋ oqom qaji di tulaŋ boledamu. Iŋgi iŋgi dena mandam qa iŋgi iŋgi kalil tulaŋ buŋnjresqas.

Efesus 2:18

Kristus aqa wau na iga koba na Mondor qujai ejunum. Deqa iga are qujaitosim unum. Mondor dena gam waqtetgej deqa iga gaigai gago Abu Qotei aqa ulatamuq di brantoqnqom.

Efesus 3:12

Iga Kristus qa gago areqalo siŋgilateqnum deqa iga iŋgi bei qa ulaosaieqnum. Iga bole qalieonum, iga Qotei aqa ulatamuq di brantqajqa gam agi Kristus a segi qujai.

Efesus 6:13

Deqa niŋgi qoto qa iŋgi iŋgi Qotei na eŋgeqnu qaji di eleŋosib bati uge endeqa niŋgi siŋgila na tigelosib qotoqniye. Yim bunuqna qoto koboamqa niŋgi siŋgila na tigelesqab.

2 Tesalonaika 2:16

Gago Tamo Koba Yesus Kristus wo gago Abu Qotei wo naŋgi aiyel na iga tulaŋ qalaqalaigeqnub. Qotei a iga qa are boleiyoqnsiq deqa a gaigai gago are boletetgeqnu. Osiqa a na iga siŋgilatgeqnu. Deqa mondoŋ a na iga boletgwajqa deqa iga tariŋoqnsim unum.

Hibru 3:6

Ariya Kristus a Qotei aqa Ŋiri. Deqa Qotei na a wau yonaqa a na Qotei aqa tamo uŋgasari naŋgi taqatnjroqnej. Tamo uŋgasari naŋgi di Qotei aqa tal bul. Kristus a Qotei aqa anjam geregere dauryoqnsiq wau di yoqnej. Deqa iga gaigai Kristus qa gago areqalo siŋgilatoqnsim a olo bqajqa deqa tariŋoqnsim sqom. Iga degyqom di iga dego Qotei aqa tal bul sqom.

Hibru 6:18

Deqa Qotei aqa kumbra aiyel unu. A na aqa anjam di Abraham minjej. Osiqa aqa anjam di siŋgilatej. Aqa kumbra aiyel di unu deqa a na aqa anjam di olo bulyqa keresai. A gisaŋqa keresai dego. Deqa iga tamo uŋgasari Qotei aqa areq gileqnum qaji iga aqa anjam deqa are qaloqnsim gago are siŋgilatoqnsim iŋgi bole bole Qotei a nami iga egwa marej qaji di oqajqa tariŋesqom.

1 Pita 3:18

Niŋgi Kristus qa are qaloqniye. Kristus a tamo tiŋtiŋo. Ariya a na tamo uŋgasari uge uge naŋgo sawa osiq naŋgo une qa osiq moiej. A na niŋgi joqsim Qotei aqaq oqwajqa deqa osiq niŋgi qa moiej. A bati qujai qa moiej deqa a olo moiqa keresai. A tamo bulyosiqa mandamq endi soqnej. Sonaqa jeu tamo naŋgi na a qalnab moiej. Ariya a olo subq na tigelosiqa a mondor ti soqnej.

Uli Anjam 21:11

Qure di Qotei aqa riaŋ na tulaŋ suwaŋej. Aqa riaŋ di tulaŋ bolequja. A meniŋ boledamu bul. A tulaŋ suwaŋosiq meniŋ jaspa bulej. Osiqa tulaŋ jeqilosiq qunuŋ bulej.

Uli Anjam 21:23

Qure di seŋ ti bai ti na suwantosai. Qotei aqa segi riaŋ na qure di suwantoqnqas. Kaja Du a segi qure di aqa puloŋ.

Uli Anjam 21:3

Onaqa Qotei aqa awo jaram namoq dia tamo bei tigelosiq anjam marnaqa e aqa kakoro quem. A tulaŋ koba leleŋosiqa marej, “Niŋgi quiye. Bini Qotei aqa tal aisiq tamo uŋgasari naŋgoq di unu. Deqa Qotei a naŋgo ambleq di sqas. Naŋgi aqa segi tamo uŋgasari sqab. Od, Qotei a naŋgi koba na sqab. A naŋgo Qotei sqas.

Uli Anjam 3:21

Tamo a Satan ombla qotsim siŋgilaqas di e na minjitqa aqo ombla ijo awo jaram kobaq di awoqom. Nami e segi qoto siŋgilaosimqa aqo ijo Abu wo aqa awo jaram kobaq di awoem dego kere.