Rom 4:2 - Yesus Aqa Anjam Bole

² Abraham a kumbra bole yoqnej gam dena a Qotei aqa ŋamgalaq di tamo bole soqnej qamu a aqa segi ñam soqtqa kere. Ariya aqa kumbra dena a Qotei aqa ŋamgalaq di tamo bole sosai.

Rom 4:2 Iomraidhean Croise

Rom 15:17

Aqo Kristus Yesus wo ombla waueqnum deqa e Qotei aqa wau endi yqajqa tulaŋ areboleboleibeqnu.

1 Korin 1:29

Deqa Qotei aqa ŋamgalaq di tamo bei na aqa segi ñam soqtqa keresai.

1 Korin 1:31

Deqa iga gago segi ñam soqtqa keresai. Agi Qotei aqa anjam bei nami endegsib neŋgreŋyeb unu, “Tamo bei a ñam bei soqtqa marsimqa a Tamo Koba Qotei aqa ñam segi soqteme.”

1 Korin 4:7

Tamo yai na niŋgi tamo kokba atqo unub? Iŋgi bei kie nuŋgoq di unu di Qotei na niŋgi eŋgosai? Nuŋgo iŋgi iŋgi kalil agi Qotei na niŋgi eŋgej. Deqa niŋgi kiyaqa nuŋgo segi ñam olo soqtosib nuŋgo segi siŋgila na iŋgi iŋgi kalil di ejunub degsib are qaleqnub?

1 Korin 9:16

E Yesus aqa anjam bole marsim laqnum ijo wau deqa e ijo segi ñam soqtqa keresai. Qotei na e wau ebej deqa e wau di yoqnqai. E uratqa keresai. Uratqai di Qotei na e gulube ebqas.

2 Korin 11:12

Ariya tamo qudei naŋgi naŋgo segi ñam soqtqajqa gam ŋameqnub. Yim naŋgi tamo kalil naŋgo ŋamgalaq di iga bul sqajqa deqa. Ariya e na olo naŋgo gam di getentetnjrqajqa waueqnum. E degyoqnsiy sqai.

2 Korin 11:30

E gam bei saibqas di e ijo segi ñam soqtqai. Ariya gulube kalil e qa beqnub qaji dena niŋgi osorŋgeqnu, e siŋgila saiqoji. E deqa marqai. Osiy ijo ñam soqtqai. E iŋgi bei qa ijo ñam soqtqasai.

2 Korin 5:12

Gago anjam dena iga na niŋgi walawalaiŋgosai. Yim niŋgi are qalqab, iga tamo bole. Iga degosai. Niŋgi gago kumbra qa tulaŋ areboleboleiŋgwajqa deqa iga anjam di neŋgreŋyonum. Tamo qudei naŋgi tamo naŋgo ñam qa laŋa areboleboleinjreqnu. Naŋgo kumbra naŋgo are miligiq di unu qaji naŋgi deqa areboleboleinjrosaieqnu. Deqa gago areqalo agiende. Niŋgi na kamba tamo naŋgi di ŋiriŋtnjriye.

Galesia 3:22

Ariya degsi sosai. Agi Qotei aqa anjam bei nami endegsib neŋgreŋyeb unu, “Tamo uŋgasari kalil naŋgo une na naŋgi tonto talq di breinjrobuleqnu.” Qotei a nami anjam degsi marej. Di kiyaqa? Iga tamo uŋgasari Yesus Kristus qa gago areqalo siŋgilateqnum qaji iga na iŋgi bole bole Qotei a nami iga egwa marej qaji di olo oqajqa deqa.

Efesus 2:9

Niŋgi wau bei yonab dena Qotei na niŋgi eleŋosai. Deqa tamo bei na aqa segi ñam soqtqa keresai.

Filipai 3:9

Osiy a segi beteryesqai. E dal anjam dauryqai gam dena e Qotei aqa ŋamgalaq di tamo bole sqa keresai. Gam bei na e tamo bole sqai. Gam agiende. E Kristus qa ijo areqalo siŋgilatqai. Od, iga Kristus qa gago areqalo siŋgilatqom gam dena qujai Qotei na iga mergwas, “Niŋgi ijo ŋamgalaq di tamo bole une saiqoji unub.”