Rom 3:10 - Yesus Aqa Anjam Bole

¹⁰ Agi Qotei aqa anjam bei nami endegsib neŋgreŋyeb unu, “Tamo bole bei sosai bolesai. Qujai bei a Qotei aqa kumbra tiŋtiŋ dauryosaieqnu. Tamo dego bei sosai.

Rom 3:10 Iomraidhean Croise

Matyu 15:19

Iŋgi iŋgi tamo naŋgo are miligiq na branteqnu qaji agi ubtsiy merŋgwai. Areqalo uge uge, tamo qaloqa, uŋa qa laoqa, was aqa ŋauŋ anjamyoqa, bajiŋoqa, was aqa jejamu laŋa gisaŋyoqa, was yomuiyoqa.

Mak 10:18

Onaqa Yesus na kamba minjej, “Ni kiyaqa e tamo bole qa merbonum? Qotei a segi qujai tamo bole.

Rom 11:8

Agi Qotei aqa anjam bei naŋgi qa nami endegsib neŋgreŋyeb unu, “Qotei na naŋgi nanaritnjrsiqa naŋgo ŋamdamu ti naŋgo dabkala ti torei getentetnjrej. Naŋgi nami degsi soqneb bosi bosiq agi bini degsib unub.”

Rom 3:11

Tamo powo ti bei sosai. Tamo qujai bei a Qotei itqa are qalosaieqnu. Tamo dego bei sosai.

Rom 3:23

Iga kalil une ateqnum deqa iga laŋ qureq oqsim dia Qotei ombla sqa keresai.

Rom 3:4

O was qu, iga degsi marqasai. Iga endegsi marqom. Tamo kalil naŋgi gisaŋ tamo. Ariya Qotei a segi qujai gisaŋ tamo sai. A anjam bole segi gaigai mareqnu. Agi Qotei aqa anjam bei nami endegsib neŋgreŋyeb unu, “O Qotei, ni gaigai kumbra tiŋtiŋ na e pegibeqnum. Ariya tamo qudei naŋgi na ni pegimqa maribqa ni na olo naŋgi buŋnjrsim ni une saiqoji sqam.”

Taitus 3:3

Ni qalie, iga dego nami areqalo uge ti sosimqa Qotei aqa anjam gotraŋyoqnem. Bati di Satan a na iga gisa gisaŋgeqnaqa iga Qotei aqa gam bole dauryqa uratosim kumbra uge dauryqajqa are pruggeqnaqa gago segi jejamu qa tulaŋ areboleboleigoqnej. Kumbra dena iga siŋgila na ojesoqnej. Deqa iga minjiŋ ti are uge ti sosim walweloqnem. Tamo naŋgi na iga jeutgeqnabqa iga na kamba dego naŋgi jeutnjroqnem.

1 Pita 1:16

Agi Qotei aqa anjam bei nami endegsib neŋgreŋyeb unu, “Niŋgi nuŋgo jejamu osib e ebiye. Osib ijo kumbra boleq di sosib dauryoqniye. Di kiyaqa? E nuŋgo Qotei. E dego ijo segi kumbra boleq di sosim dauryeqnum.”

Uli Anjam 21:8

“Ariya tamo naŋgi ulakobaoqnsib Yesus qa naŋgo areqalo siŋgilatosaieqnub qaji naŋgi kalil ŋamyuo kobaq aiqab. Tamo kumbra uge yo qaji, leŋ ojo qaji, sambala kumbra yo qaji, gumaniŋo qaji, quñam qalo qaji, qotei gisaŋ biŋinjro qaji, gisaŋ anjam maro qaji naŋgi kalil ŋamyuoq aieleŋqab. Ŋamyuoq dia meniŋ kalil yusiq ñaŋgaeqnu. Ŋamyuo di moio bunu qaji.”

Uli Anjam 22:15

Tamo naŋgi kumbra uge uge yeqnub qaji naŋgi Qotei aqa qure koba di miligiq gilqasai. Naŋgi oqeq di sqab. Tamo gumaniŋo qaji, quñam qalo qaji, sambala kumbra yo qaji, leŋ ojo qaji, gisaŋ qotei biŋinjro qaji, gisaŋ kumbra dauryqajqa tulaŋ arearetnjro qaji naŋgi Qotei aqa qure koba di miligiq gilqasai. Naŋgi oqeq di sqab.