Rom 2:6 - Yesus Aqa Anjam Bole

⁶ Osimqa bati deqa Qotei a tamo uŋgasari kalil naŋgo kumbra keretosim awai segi segi enjrqas.

Rom 2:6 Iomraidhean Croise

Matyu 16:27

E Tamo Aŋgro. Mondoŋ e ijo Abu aqa riaŋ ti sosiy aqa laŋ aŋgro naŋgi joqsiy bosiy tamo uŋgasari kalil naŋgo kumbra segi segi qa peginjrsiy naŋgo segi segi awai keretsiy enjrqai.

Rom 14:22

Niŋgi Qotei qa nuŋgo areqalo siŋgilateqnub deqa niŋgi qalie, niŋgi iŋgi iŋgi kalil uyqa kere. Ariya niŋgi iŋgi bei uyib nuŋgo was bei a unsim uneq aiaim deqa niŋgi nuŋgo qalie di nuŋgo are miligiq di ulitib soqnem. Yim Qotei a segi unqas. Tamo bei a iŋgi bei bole qa marsim uyqa are gulubeiyqasai di a arebolebole na uyem.

1 Korin 3:8

Tamo a iŋgi yageqnu qaji wo tamo a wau taqateqnu qaji wo naŋgi aiyel ombla Qotei aqa wau ojeqnub. Ariya mondoŋ Qotei a na naŋgo wau segi segi pegiyosim awai enjrqas.

1 Korin 4:5

Qotei na tamo naŋgo une qa peginjrqa bati brantosaiunu deqa niŋgi na tamo qudei naŋgi une ti qa minjraib. Niŋgi mati tariŋesoqnibqa mondoŋ Tamo Koba Yesus a bosimqa a segi na iŋgi iŋgi kalil ambruq di uliejunub qaji di suwaŋoq di atqas. Osim tamo kalil naŋgo areqalo dego boleq atqas. Yim bati deqa Qotei a gago segi segi kumbra geregere pegiyosim mergwas.

2 Korin 11:15

A kumbra degyeqnu deqa aqa wau tamo naŋgi dego naŋgo kumbra bulyoqnsib tamo naŋgi kumbra bole dauryoqnsib waueqnub qaji naŋgi buleqnub. Iga deqa tulaŋ prugwasai. Mondoŋ Qotei na tamo naŋgi di naŋgo kumbra deqa kambatnjrsim awai ugedamu enjrqas.

2 Korin 5:10

Di kiyaqa? Iga qalieonum, mondoŋ iga kalil Kristus aqa ulatamuq dia tigelimqa a na gago kumbra qa iga pegigwas. Iga mandamq endia kumbra bole kio kumbra uge kio yoqnem di a unsim awai segi segi egwas.

2 Timoti 4:14

Bras na iŋgi iŋgi gereiyo qaji tamo aqa ñam Aleksander a na e ugeugeiboqnej. Deqa mondoŋ Tamo Koba Qotei na a kamba bar anaiyqas.

Uli Anjam 2:23

Aqa aŋgro naŋgi dego ñumit moreŋqab. Amqa tamo uŋgasari qure kalilq dia ijo ñam qa koroosib loueqnub qaji naŋgi qalieqab, e tamo kalil naŋgo are miligi ti areqalo ti geregere unsim peleiyeqnum. Deqa niŋgi quiye. E na nuŋgo kumbra kalil geregere keretosiy nuŋgo awai dego segi segi eŋgwai.

Uli Anjam 20:12

Onaqa e olo ŋam atem di tamo uŋgasari nami moreŋeb qaji naŋgi Qotei aqa awo jaram namoq di tigelesonab unjrem. Tamo ñam ti tamo laŋaj ti kalil unjrem. Unjreqnam laŋ aŋgro qudei naŋgi na buk qudei osi bosib waqteleŋeb. Buk miligiq di kumbra kalil tamo uŋgasari naŋgi nami yoqneb qaji di Qotei na neŋgreŋyonaq soqneb. Buk bei dego laŋ aŋgro naŋgi osi bosib waqteb. Buk di ŋambile gai-gai sqajqa buk. Ariya Qotei a awo jaram kobaqujaq di aweso-siqa anjam kalil buk qudei miligiq di neŋgreŋyonaq soqnej qaji di sisiyosiq anjam dena tamo uŋgasari moreŋo qaji naŋgo kumbra kalil qa naŋgi peginjrej.

Uli Anjam 22:12

Yesus a marqo, “Niŋgi quiye. E urur boqujatqai. Bosiy tamo naŋgo kumbra segi segi pegiysiy awai enjrqai.