Rom 15:4 - Yesus Aqa Anjam Bole

⁴ Qotei aqa anjam kalil naŋgi nami neŋgreŋyeb qaji di iga Qotei aqa gam osorgwajqa deqa osib neŋgreŋyeb. Anjam dena gago areqalo siŋgilatetgim iga siŋgila na tigelosim Qotei na mondoŋ iga oqajqa deqa tariŋoqnsim sqom. Utru deqa neŋgreŋyeb.

Rom 15:4 Iomraidhean Croise

Rom 12:12

Mondoŋ Tamo Koba Qotei na niŋgi laŋ qureq osi oqwas. Niŋgi deq oqwajqa tariŋoqnsib areboleboleiŋgoqneme. Osib gulube niŋgi qa boqnimqa siŋgila na tigeloqnsib qoboiyoqniye. Osib gaigai Qotei pailyoqniye.

1 Korin 10:11

Gago moma naŋgi kumbra uge kalil di yoqneb deqa Qotei na naŋgi ñumnaq moreŋeb. Anjam di agi Moses a na neŋgreŋyej unu. Di kiyaqa? Iga tamo uŋgasari diŋo bati endeqa unum qaji anjam di sisiyosim poigim gago moma naŋgo kumbra uge di dauryaim deqa.

1 Tesalonaika 1:3

Niŋgi Kristus qa nuŋgo areqalo siŋgilateqnub deqa niŋgi kumbra bole bole yeqnub. Agi niŋgi na tamo kalil naŋgi tulaŋ qalaqalainjroqnsib naŋgi qa wau bole yeqnub. Mondoŋ gago Tamo Koba Yesus Kristus a olo bqas anjam di niŋgi nuŋgo are miligiq di siŋgilatoqnsib a qa tariŋeqnub. Iga nuŋgo kumbra deqa are qaloqnsim deqa iga nuŋgo ñam maroqnsim gago Abu Qotei biŋiyeqnum.

1 Pita 1:13

Deqa niŋgi gaigai ijo anjam di dauryqajqa are qaloqnsib nuŋgo walwel geregere taqatosib soqniye. Sosib Yesus Kristus qa nuŋgo areqalo siŋgilatoqnsibqa mondoŋ a olo laŋ qureq dena brantosim kumbra tulaŋ boledamu niŋgi eŋgwajqa deqa tariŋoqnsib soqniye.