Rom 15:1 - Yesus Aqa Anjam Bole

¹ Iga Kristen tamo siŋgila ti unum qaji iga na Kristen was qudei siŋgila saiqoji unub qaji naŋgi aqaryainjroqnsim naŋgo gulube qoboiyetnjroqnqom. Iga gago segi jejamu aqaryaiyqajqa are qalqasai.

Rom 15:1 Iomraidhean Croise

Rom 14:1

Tamo bei a Yesus qa aqa areqalo siŋgilateqnu ariya aqa areqalo di kiñala siŋgilaosaiunu. Deqa niŋgi a qoreiyaib. Niŋgi a osib Kristen naŋgo ambleq osib boiye. Niŋgi aqa kumbra qudei uge qa minjsib a ombla anjam na qotoqnaib.

Rom 14:2

Tamo qudei naŋgi Yesus qa naŋgo areqalo siŋgilateqnub deqa naŋgi iŋgi uyo bei getentosaieqnub. Kalil uyeqnub. Ariya tamo qudei naŋgo areqalo kiñala siŋgilaosaiunu deqa naŋgi wagme qudei uyosaieqnub. Kalil getenteqnub.

Rom 4:20

Anjam Qotei na nami minjej qaji a deqa are qalsiq soqnej. A areqalo aiyeltosai. A Qotei qa aqa areqalo siŋgilatosiq aqa ñam soqtoqnej.

1 Korin 4:10

Iga Kristus aqa ñam osi laqnum deqa iga nanari tamo bul unum. Ariya niŋgi Kristus aqa kumbra qa tulaŋ qalie unub. Iga siŋgila saiqoji unum. Ariya niŋgi siŋgila ti unub. Iga ñam saiqoji unum. Ariya niŋgi ñam ti unub.

1 Korin 9:22

Tamo naŋgi siŋgila saiqoji unub qaji naŋgi dego e na oqajqa deqa e naŋgo kumbra dauryoqnsim siŋgila saiqoji sobulosim dena e na naŋgi are bulyetnjreqnam naŋgi Kristus aqaq beqnub. O was qu, e tamo kalil naŋgo sorgomq di sosim naŋgo kumbra dauryeqnum. Di kiyaqa? E na naŋgi qudei are bulyetnjroqnit naŋgi Kristus aqaq bqajqa deqa.

2 Korin 12:10

Deqa e Kristus aqa ñam qa siŋgila saiqoji sqai kio tamo qudei naŋgi na e misiliŋboqnqab kio e gulube oqnqai kio jeu tamo naŋgi na e ugeugeiboqnqab kio e waukobaoqnqai kio di uŋgum. E deqa areboleboleibqas. Di kiyaqa? E siŋgila saiqoji sqai bati di e Kristus aqa siŋgila ti sqai.

Efesus 6:10

Ariya e ijo anjam getentqai. Niŋgi Tamo Koba Yesus beteryejunub deqa niŋgi aqa siŋgila kobaquja qa are qaloqnsib siŋgila na tigelesoqniye.

Filipai 2:4

Niŋgi nuŋgo segi iŋgi iŋgi qa are qaloqnsib gereiyoqnaib. Niŋgi nuŋgo was naŋgi qa are qaloqnsib naŋgo iŋgi iŋgi dego gereiyetnjroqniye. Yim naŋgi bole sqab.

1 Tesalonaika 5:14

O was qu, iga na nuŋgo are tigeltetŋgimqa niŋgi na tamo naŋgi wauqajqa asginjreqnu qaji naŋgo kumbra olo tingi-tetnjroqniye. Osib tamo naŋgi ulaeqnub qaji naŋgo are siŋgila-tetnjroqniye. Osib tamo siŋgila saiqoji unub qaji naŋgi olo aqaryainjroqniye. Osib tamo kalil naŋgi lawo na geregereinjroq-niye.

2 Timoti 2:1

Ariya ijo aŋgro Timoti, Kristus Yesus a iga qa are tulaŋ boleiyeqnu aqa kumbra dena ni gaigai siŋgilatmoqneme.

1 Jon 2:14

O ijo aŋgro, niŋgi Abu Qotei qa bole qalieonub. E deqa anjam endi neŋgreŋyosim niŋgi qa qariŋyonum. O abu niŋgi quiye. Tamo nami soqnej agi bini unu qaji a qa niŋgi bole qalieonub. E deqa anjam endi neŋgreŋyosim niŋgi qa qariŋyonum. O aŋgro wala niŋgi quiye. Qotei aqa anjam nuŋgoq di unu deqa niŋgi siŋgila ti sosib Satan gotraŋyoqnsib siŋgila na tigelejunub. E deqa anjam endi neŋgreŋyosim niŋgi qa qariŋyonum.