Rom 14:3 - Yesus Aqa Anjam Bole

³ Ariya tamo naŋgi iŋgi iŋgi kalil uyeqnub qaji naŋgi na olo tamo naŋgi wagme getenteqnub qaji naŋgi uge qa minjraib. Tamo naŋgi wagme getenteqnub qaji naŋgi na tamo naŋgi iŋgi iŋgi kalil uyeqnub qaji naŋgi dego uge qa minjraib. Qotei na naŋgi ti niŋgi ti eleŋej.

Rom 14:3 Iomraidhean Croise

Matyu 18:10

“Deqa niŋgi aŋgro kiñilala e qa naŋgo areqalo siŋgilateqnub qaji naŋgi qa ugeaib. E niŋgi endegsi merŋgwai. Naŋgo laŋ aŋgro naŋgi na naŋgi taqatnjroqnsibqa ijo Abu laŋ qureq di unu qaji aqa ulatamu bati gaigai unoqnsib naŋgi qa pailyeqnub.

Matyu 9:14

Bati bei Jon aqa aŋgro naŋgi Yesus aqa areq bosib minjeb, “Iga ti Farisi naŋgi ti iŋgi uratoqnsim qurieŋeqnum. Kiyaqa ino aŋgro naŋgi qurieŋosaieqnub?”

Luk 18:9

Tamo qudei naŋgi mareqnub, “Iga tamo bole. Iga tamo qudei naŋgi unub dego sai. Naŋgi tamo uge.” Tamo qudei naŋgi degsib mareqnub. Deqa Yesus na tamo deqaji naŋgi yawo anjam endegsi minjrej,

Aposel 10:34

Onaqa Pita a tigelosiqa naŋgi endegsi minjrej, “E Juda tamo. Niŋgi Juda tamo sai. Niŋgi sawa bei bei qaji tamo. Di uŋgum. Qotei a iga Juda tamo iga bole qa maroqnsiq olo sawa bei bei qaji tamo naŋgi uge qa marosaieqnu. Aqa ŋamdamuq di tamo kalil kere kere unub. Endego e degsi qalieonum.

Aposel 10:44

Pita a naŋgi anjam degsi minjreqnaqa bati qujai deqa Qotei aqa Mondor aisiqa tamo kalil Pita aqa anjam quoqneb qaji naŋgo meŋ bulyetnjrnaqa naŋgi qure bei bei naŋgo anjam poinjrnaqa mareleŋoqneb. Maroqnsib Qotei aqa ñam soqteqnabqa Juda tamo nami Yesus qa naŋgo areqalo siŋgilateb qaji agi tamo naŋgi Pita koba na beb qaji naŋgi di qusibqa tulaŋ koba prugeleŋeb. Di kiyaqa? Bati deqa Qotei na sawa bei bei qaji tamo naŋgi dego aqa Mondor enjrej deqa. Onaqa Pita a endegsi marej,

Aposel 28:2

Onaqa tamo uŋgasari nui dia soqneb qaji naŋgi kumbra tulaŋ boledamu ysibqa iga geregereigeb. Osib awa boqnej deqa iga yorgonaqa ŋam tuŋguyosib mergeb, “Niŋgi bosib ŋamyuo areq endi awooiye.” Onaqa iga ŋamyuo areq di awoonam jejamu kaŋkaŋgej.

Rom 11:15

Bati Qotei na Israel naŋgi walinjrsiqa bati deqa a na tamo uŋgasari sawa bei beiq di unub qaji naŋgo jeu kobotej. Deqa iga bole qalieonum, bati Qotei na Israel naŋgi olo eleŋosim bati deqa a na tamo uŋgasari kalil moreŋeb qaji naŋgi dego olo subq na tigeltnjrqas.

Rom 14:1

Tamo bei a Yesus qa aqa areqalo siŋgilateqnu ariya aqa areqalo di kiñala siŋgilaosaiunu. Deqa niŋgi a qoreiyaib. Niŋgi a osib Kristen naŋgo ambleq osib boiye. Niŋgi aqa kumbra qudei uge qa minjsib a ombla anjam na qotoqnaib.

Rom 14:10

Niŋgi kiyaqa nuŋgo Kristen was naŋgo kumbra laŋa tenemtoqnsib naŋgi uge qa minjreqnub? Osib naŋgi misiliŋnjreqnub? Niŋgi qalie, mondoŋ iga kalil Qotei aqa ulatamuq di tigelamqa a na iga pegigwas.

Rom 14:13

Deqa iga gago Kristen was naŋgo kumbra laŋa tenemtosim naŋgi uge qa minjrqasai. Iga areqalo bei dauryqom. Gago Kristen was naŋgi une ataib deqa iga na naŋgi kumbra uge beiq breinjrqasai.

Rom 14:15

Deqa a iŋgi di jigat qa marimqa niŋgi iŋgi di osib uyib niŋgsimqa a are gulubeiyqas. Nuŋgo kumbra dena niŋgi qalaqalaiyo kumbra uratosib deqa niŋgi aqa are gulubetetqab. Kristus a nuŋgo was deqa osiq moiej deqa niŋgi nuŋgo iŋgi uyo qa osib a ugeugeiyaib.

Rom 14:21

Deqa niŋgi kumbra di uratiye. Niŋgi wagme kio niŋgi wain kio uysibqa o kumbra bei kio ysibqa dena nuŋgo was bei uneq waiyqab di niŋgi kumbra uge yonub.

Rom 15:7

Kristus a nami niŋgi osiq geregereiŋgej dego kere niŋgi dego nuŋgo Kristen was qu naŋgi oqnsib geregereinjroqniye. Yim nuŋgo kumbra dena niŋgi Qotei aqa ñam tulaŋ soqtoqnqab.