Rom 13:6 - Yesus Aqa Anjam Bole

⁶ Utru deqa niŋgi takis waiyeqnub. Di kiyaqa? Sawa taqato qaji mandor kokba naŋgi Qotei aqa wau tamo deqa naŋgi gaigai siŋgila na wau Qotei na enjrej qaji di taqateqnub.

Rom 13:6 Iomraidhean Croise

Luk 23:2

Tigeltosib Pailat minjeb, “Iga Yesus uneqnum, a na Juda tamo uŋgasari naŋgi kumbra uge uge yqajqa deqa areqalo tigeltetnjreqnu. A na naŋgi mandor koba Sisar takis yqajqa saidnjroqnsiqa minjreqnu, ‘E segi nuŋgo Mandor Koba. E segi Kristus.’” Naŋgi degsib gisaŋosib Yesus aqa jejamuq di anjam qameteb.

Rom 12:8

A na tamo qudei naŋgi aqa segi tamo uŋgasari naŋgo areqalo siŋgilatetnjrqajqa powo enjrej deqa naŋgi naŋgo areqalo geregere siŋgilatetnjroqnebe. A na tamo qudei naŋgi silali iŋgi iŋgi jeisib tamo uŋgasari iŋgi qa truqueqnub qaji naŋgi enjrqajqa powo enjrej deqa naŋgi silali iŋgi iŋgi koba koroiyosib jeisib enjroqnebe. A na tamo qudei naŋgi aqa wau taqatqajqa powo enjrej deqa naŋgi na wau di geregere taqatoqnebe. A na tamo qudei naŋgi aqa segi tamo uŋgasari naŋgi qa dulosib geregereinjrqajqa powo enjrej deqa naŋgi arebolebole na naŋgi geregereinjroqnebe.

Rom 13:5

Deqa iga sawa taqato qaji mandor kokba naŋgo sorgomq di sqom. Iga awai uge oqa uratosim naŋgo anjam dauryqom. Deqa segi sai. Iga gago are miligiq di qalieonum, kumbra di bole. Osim deqa ti iga naŋgo anjam dauryqom.

Rom 13:7

Deqa niŋgi na mandor kokba naŋgo iŋgi iŋgi naŋgi qa olo enjroqniye. Osib takis o qaji tamo naŋgo baŋq di takis atoqniye. Niŋgi tamo bei aqa sorgomq di sosib ariya niŋgi aqa anjam dego qusib kumbra bole bole osoryoqniye. Tamo bei a tamo kobaquja soqnim niŋgi aqa ñam soqtoqniye.