Rom 13:4 - Yesus Aqa Anjam Bole

⁴ Sawa taqato qaji mandor kokba naŋgi Qotei aqa wau tamo bul. Naŋgo wau qujai agi naŋgi na niŋgi aqaryaiŋgoqnsib geregereiŋgeqnub. Ariya niŋgi kumbra uge uge yoqnqab di niŋgi naŋgi qa ulaqab. Niŋgi qalie, sawa taqato qaji mandor kokba naŋgi sebru ojejunub. Naŋgi sebru laŋa ojosai. Naŋgi Qotei aqa wau tamo unub deqa naŋgi na tamo uŋgasari kumbra uge uge yeqnub qaji naŋgi sebru dena awai uge enjreqnub.

Rom 13:4 Iomraidhean Croise

Rom 12:19

O ijo was bole, tamo qudei naŋgi na niŋgi gulube eŋgibqa niŋgi na kamba naŋgi gulube enjraib. Uratosib Qotei aqa baŋq di naŋgi atib a segi naŋgi qa minjiŋ oqim gulube enjrqas. Agi Tamo Koba Qotei aqa anjam bei nami endegsib neŋgreŋyeb unu, “Une kambatqajqa wau di ijo segi wau. E segi na tamo naŋgo une qa naŋgi kambatnjrqai.

Rom 13:6

Utru deqa niŋgi takis waiyeqnub. Di kiyaqa? Sawa taqato qaji mandor kokba naŋgi Qotei aqa wau tamo deqa naŋgi gaigai siŋgila na wau Qotei na enjrej qaji di taqateqnub.

1 Tesalonaika 4:6

Niŋgi na Kristen was qu naŋgi kumbra uge bei enjraib. Osib naŋgi gisaŋnjrsib naŋgo ŋauŋ ugetnjraib. Tamo Koba Qotei a na tamo naŋgi kumbra deqaji yeqnub qaji naŋgi awai uge enjrqas. Iga nami niŋgi siŋgila na degsi merŋgoqnem.

1 Pita 2:14

Osib gate kokba naŋgo anjam dego niŋgi dauryoqniye. Gate kokba naŋgi agi mandor kokba naŋgi na wau enjreqnab giloqnsib tamo naŋgi kumbra uge uge yeqnub qaji naŋgi kamba awai uge enjreqnub. Osib tamo naŋgi kumbra bole bole yeqnub qaji naŋgo ñam olo soqtetnjreqnub.