Rom 13:1 - Yesus Aqa Anjam Bole

¹ Niŋgi kalil sawa taqato qaji mandor kokba naŋgo sorgomq di soqniye. Iga qalie, sawa taqato qaji mandor kokba naŋgi laŋa brantosai. Qotei a segi na naŋgi wau enjreqnaqa naŋgi sawa taqateqnub. Qotei a segi na naŋgi ateleŋej unub.

Rom 13:1 Iomraidhean Croise

Matyu 6:13

Satan na iga walawalaigosim uneq waigwa laqnimqa ni na Satan getentime. Yim kumbra uge bei na iga ugetetgwasai.’

Jon 19:11

Onaqa Yesus na Pailat minjej, “Qotei laŋ qureq di unu qaji a na ni siŋgila emosai qamu ni na e kumbra bei ebqa keresai qamu. Deqa ino une kiñala. Ariya atra tamo gate agi e ojsiq ino baŋq di atqo qaji aqa une kobaquja.”

Aposel 2:41

Onaqa tamo uŋgasari kalil Pita aqa anjam di qusib naŋgo are miligiq di ateb qaji naŋgi yansnjreb. Bati deqa tamo uŋgasari 3,000 naŋgi Yesus qa naŋgo areqalo siŋgilatosib tamo uŋgasari nami Yesus qa naŋgo areqalo siŋgilateb qaji naŋgo miligiq aisib koba na soqneb.

Rom 12:21

O was qu, e niŋgi segi segi endegsi merŋgwai. Kumbra uge bei na ni ojqa laqnim ni segi siŋgilaosim kumbra bole dauryosim dena ni kumbra uge buŋyosim gotraŋyqam.

Rom 13:2

Deqa tamo naŋgi mandor kokba naŋgo anjam gotraŋyqab di naŋgi Qotei aqa anjam dego gotraŋyonub. Naŋgo kumbra dena naŋgi awai uge oqab.

Efesus 5:21

Kristus a nuŋgo Tamo Koba unu deqa niŋgi a qa ulaoqnsibqa kumbra dena Qotei aqa tamo uŋgasari naŋgo sorgomq di soqniye.

1 Timoti 2:2

Ni na Kristen tamo uŋgasari naŋgi minjroqnimqa naŋgi mandor kokba ti sawa taqato qaji tamo kalil naŋgi qa ti Qotei pailyoqnib a na naŋgi aqaryainjroqnqas. Yim deqa iga kalil are lawo sosim kumbra Qotei a areareteqnu qaji di dauryoqnqom.

Taitus 3:1

O Taitus, ni na tamo uŋgasari naŋgi anjam endegsim minjroqne, “Mandor kokba ti sawa taqato qaji tamo kokba ti naŋgo sorgomq di niŋgi geregere sosibqa naŋgo anjam dauryoqniye. Osib gaigai wau bole yqajqa are qaloqniye.

Jut 1:8

Ariya jeu tamo naŋgi di kumbra endeqaji yeqnub. Naŋgi ŋeiobilqeioqnsib dena naŋgo are tigeltetnjreqnaqa naŋgi naŋgo segi jejamu qa arebolebole-injreqnaqa kumbra uge uge yeqnub. Osib Qotei a naŋgo Tamo Koba unu deqa are qalqajqa uratoqnsib olo diqoqnsib Qotei aqa laŋ aŋgro kokba naŋgi misiliŋnjreqnub.

Uli Anjam 1:5

Yesus Kristus a Qotei aqa anjam kalil geregere palontosiq mareqnu qaji tamo. A tamo kalil naŋgi qa namoosiq subq na tigelej. A mandor kokba kalil mandamq endi unub qaji naŋgo Tamo Koba. A dego niŋgi qa are tulaŋ boleiyimqa niŋgi are lawo na soqniye. Yesus a na iga tulaŋ qalaqalaigeqnu. A moisiqa aqa leŋ aiej dena a na gago une kalil kobotetgej.

Uli Anjam 17:14

Osib Kaja Du qa ŋiriŋosib qoto itqab. Amqa Kaja Du a qoto siŋgilaosimqa naŋgi ñumqas. Kaja Du a tamo kokba kalil naŋgo Tamo Koba. A mandor kokba kalil naŋgo Mandor Koba. Tamo kalil a ombla unub qaji naŋgi a ti qoto siŋgilaqab. Naŋgi di Kaja Du na metnjrsiq aqa segi tamo uŋgasari sqajqa giltnjrej qaji. Deqa naŋgi aqa anjam bole dauryeqnub.”

Uli Anjam 19:16

Kristus aqa gara olekobaqsi aqa qaloqsi ñam endegsib neŋgreŋyeb unu, “Mandor kokba kalil naŋgo Mandor Koba. Tamo kokba kalil naŋgo Tamo Koba.”