Rom 11:12 - Yesus Aqa Anjam Bole

¹² Israel naŋgi Qotei qoreiyeb deqa Qotei na olo tamo uŋgasari sawa bei beiq di unub qaji naŋgi geregereinjreqnu. Israel naŋgi Qotei aqa kumbra urateb deqa Qotei na olo sawa bei bei qaji tamo uŋgasari naŋgi kumbra bole enjreqnu. Deqa iga bole qalieonum, Israel tamo uŋgasari kalil naŋgi olo puluosib Qotei aqaq bqab di Qotei na tamo uŋgasari kalil naŋgi dego kumbra tulaŋ boledamu enjrqas.

Rom 11:12 Iomraidhean Croise

Aposel 3:21

A laŋ qureq oqej di unu. A di soqnimqa Qotei na mandam bunuj ti laŋ bunuj ti atqa bati brantimqa a olo bqas. Qotei a nami marej, ‘E mandam bunuj ti laŋ bunuj ti atqai.’ Osiqa aqa anjam di aqa medabu o qaji tamo naŋgi minjrnaqa naŋgi na neŋgreŋyeb.

Rom 11:15

Bati Qotei na Israel naŋgi walinjrsiqa bati deqa a na tamo uŋgasari sawa bei beiq di unub qaji naŋgo jeu kobotej. Deqa iga bole qalieonum, bati Qotei na Israel naŋgi olo eleŋosim bati deqa a na tamo uŋgasari kalil moreŋeb qaji naŋgi dego olo subq na tigeltnjrqas.

Rom 11:25

O was qu, niŋgi segi powo koba ti unub niŋgi degsib are qalaib. Niŋgi degaib deqa e na uli anjam bei niŋgi endegsi merŋgwai. Israel tamo uŋgasari qudei naŋgo areqalo geteŋnjrejunu. Naŋgi degsib soqnib sawa bei bei qaji tamo uŋgasari Qotei na nami giltnjrej naŋgi di kalil eleŋekritosim kereamqa bati deqa a na Israel tamo uŋgasari kalil naŋgo areqalo dego waqtetnjrimqa naŋgi olo are bulyqab.

Rom 11:33

O was qu, Qotei aqa kumbra ti aqa areqalo ti aqa powo ti di tulaŋ kokba. Di tulaŋ guma koba dego. Deqa iga na aqa areqalo di aqa utru geregere ubtsim marqa keresai. Aqa gam kalil dego iga dauryosim itqa keresai.

Rom 9:23

Di kiyaqa? Aqa areqalo agiende. Tamo uŋgasari kalil naŋgi aqa riaŋ ti aqa siŋgila ti unsib qalieqajqa deqa. Ariya Qotei a tamo qudei naŋgi qa are tulaŋ boleiyeqnu. Deqa a na naŋgi so bole ti ñam koba ti enjrqajqa atej unu. Di dego tamo uŋgasari kalil naŋgi unsib qalieqajqa deqa Qotei a naŋgi qa tariŋsokobaiyeqnu.

Efesus 3:8

Qotei aqa tamo uŋgasari kalil naŋgi na e tulaŋ buŋbejunub. Ariya Qotei a e qa are boleiyosiq wau ebej. E na sawa bei bei qaji tamo naŋgi Kristus aqa anjam bole minjre minjre laqajqa deqa osiq e wau ebej. Anjam bole di aqa utru agiende. Kristus na iga laŋ qaji iŋgi bole bole egeqnu. Iŋgi bole bole di aqa utru iga na ubtsim marqa keresai.

Kolosi 1:27

Qotei aqa segi areqalo na uli anjam di boleq atsiqa iga aqa segi tamo uŋgasari iga osorgej. Yim iga endegsi poigwajqa, Qotei aqa uli anjam di tulaŋ boledamu. Anjam dena Qotei na tamo uŋgasari kalil sawa bei beiq di unub qaji naŋgi aqaryainjrqas. Uli anjam di aqa damu agiende. Kristus a nuŋgo ambleq di unu. A na niŋgi eleŋosim laŋ qureq osi oqimqa dia niŋgi aqa iŋgi bole bole oqab.