Rom 10:2 - Yesus Aqa Anjam Bole

² E Israel naŋgi qa qalieem deqa e endegsi mareqnum, naŋgi kumbra Qotei a areareteqnu qaji di dauryqajqa tulaŋ siŋgilaeqnub. Ariya naŋgi Qotei aqa kumbra deqa geregere poinjrosaieqnu.

Rom 10:2 Iomraidhean Croise

Jon 16:2

Juda tamo kokba naŋgi na niŋgi taqal waiŋgosib niŋgi olo Qotei tal miligiq gilqa saidŋgwab. Yimqa bunuqna bati bei bamqa tamo naŋgi niŋgi liŋgoqnsib moiotŋgeqnub qaji naŋgi endegsib are qalqab, ‘Iga Qotei aqa wau bole yeqnum.’

Aposel 21:20

Onaqa naŋgi Pol aqa anjam di qusibqa naŋgi tulaŋ areboleboleinjrnaqa Qotei aqa ñam soqteb. Osib Pol minjeb, “O gago was Pol, ni qalie, Juda tamo uŋgasari tulaŋ gargekoba naŋgi are bulyoqnsibqa Yesus qa naŋgo areqalo siŋgilateqnub. Naŋgi Moses aqa dal anjam dauryqajqa dego tulaŋ siŋgilaeqnub.

Aposel 22:22

Pol a anjam degsi maroqnsiq gilsiq a sawa bei bei qaji tamo naŋgoq aiqa marnaqa anjam qujai di Juda naŋgi qusib deqa minjiŋ ani oqetnjrnaqa tulaŋ koba leleŋosib maroqneb, “Pol a qalib moiem. Tamo deqaji mandamq endi olo saiq.”

Aposel 22:3

“E Juda tamo. Ijo qure utru Tarsus. Tarsus a Silisia sawaq di unu. E dia ŋambabonam ijo ai wo abu wo naŋgi na e Jerusalem qureq osi bonabqa e endia tamo kobaqujaem. Kobaqujaosimqa Gamaliel aqa skul kobaq gilem. Gilsim di sonamqa a na gago moma naŋgo dal anjam kalil geregere plaltosiq osorboqnej. Deqa e Qotei aqa kumbra kalil dauryqajqa tulaŋ siŋgilaoqnem. Niŋgi bini Qotei aqa kumbra kalil dauryqajqa siŋgilaeqnub dego kere e dego dauryqajqa tulaŋ siŋgilaoqnem.

Rom 10:1

O was qu, ijo areqalo koba agiende. Qotei na Israel tamo uŋgasari naŋgi eleŋqajqa deqa e are koba qaleqnum. Osim deqa e gaigai Qotei pailyeqnum.

Rom 10:3

Qotei a iga tamo bole une saiqoji qa mergeqnu aqa kumbra di naŋgi qaliesai. Deqa naŋgi naŋgo segi siŋgila na tamo bole une saiqoji sqajqa are qaleqnub. Deqa naŋgi Qotei aqa sorgomq di sosib a segi na naŋgi aqaryainjrimqa naŋgi tamo bole une saiqoji sqajqa olo urateqnub.

2 Korin 4:4

Mandam endeqa qotei gisaŋ Satan a na tamo uŋgasari Kristus qa naŋgo areqalo siŋgilatosaieqnub qaji naŋgo areqalo getentejunu deqa Kristus aqa anjam bole naŋgo are miligiq aiqa keresai. Deqa naŋgi Kristus aqa suwaŋ unosaieqnub. Kristus a segi Qotei. A segi ñam koba ti unu.

2 Korin 4:6

Tulaŋ nami Qotei a iŋgi iŋgi kalil gereiyqa osiqa a endegsi marej, “Ambruq dena suwaŋ brantqas.” Ariya bunuqna Qotei aqa suwaŋ di iga qa bosiqa gago are miligi suwantetgej deqa iga Kristus aqa ulatamu uneqnum. Dena iga suwaŋ bole unsimqa Qotei aqa riaŋ ti aqa siŋgila ti geregere poigeqnu.

2 Korin 8:3

E deqa niŋgi merŋgwai. Masedonia Kristen naŋgi naŋgo segi areqalo dauryosib silali di koroiyosib ateb. Naŋgo silali kiñala soqnej di naŋgi koroiyeb. Osib naŋgo kumbra di buŋyosib silali koba olo koroiyosib ateb.

Galesia 1:14

E ijo moma naŋgo kumbra kalil dauryqajqa tulaŋ siŋgilaoqnem. Ijo kumbra dena e na ijo kadoi naŋgi tulaŋ buŋnjroqnem. Ijo kadoi naŋgi agi Juda tamo naŋgi.

Galesia 4:15

Bati deqa niŋgi e qa are tulaŋ boleiŋgonaq e aqaryaibqajqa areboleboleiŋgej. E bole maronum, Qotei na niŋgi merŋgej qamu niŋgi e qa osib nuŋgo ŋamgala otorosib ebeb qamu. Ariya was qu, nuŋgo arebolebole di olo qabi unu?

Filipai 1:9

E bati gaigai niŋgi qa endegsi Qotei pailyeqnum, “O Abu, ni na Filipai Kristen naŋgi aqaryainjrimqa qalaqalaiyo kumbra naŋgo are miligiq di tulaŋ siŋgilatoqnsib dauryoqnqab. Osib naŋgi powo koba osib areqalo bole ti sqab.”

Filipai 3:6

Osimqa e Qotei aqa wau ojqajqa tulaŋ siŋgilaoqnem. Deqa e na Kristen tamo uŋgasari naŋgi ugeugeinjroqnem. E dal anjam kalil dauryekritem deqa tamo kalil naŋgi e nuboqnsib ijo une bei babtosaioqneb.

Kolosi 4:13

O was qu, e niŋgi endegsi merŋgwai. Epafras a gaigai niŋgi qa are qaloqnsiq deqa a wau koba yeqnu. Niŋgi qa ti Laodisia qure qaji naŋgi qa ti Hierapolis qure qaji naŋgi qa ti are qaloqnsiq deqa wau koba yeqnu.