Rom 1:9 - Yesus Aqa Anjam Bole

⁹ E ijo are miligi siŋgilatsim deqa e Qotei aqa wau ojoqnsim aqa Ŋiri aqa anjam bole palontosim laqnum. Qotei a segi qalie, bati gaigai e pailyqa oqnsim niŋgi qa are qaleqnum.

Rom 1:9 Iomraidhean Croise

Mak 1:1

Qotei aqa Ŋiri Yesus Kristus aqa anjam bole e utruq na saqai.

Luk 18:1

Yesus a na aqa aŋgro naŋgi anjam degsi minjrej. Osiqa naŋgi bati gaigai Qotei pailyoqnib asginjraim deqa olo yawo anjam bei endegsi minjrej, “Qure beiq dia anjam pegiyo tamo bei soqnej. Tamo di aqa kumbra bolesai. A Qotei ulaiyosaioqnej. A tamo uŋgasari naŋgi qa dego are qalosaioqnej.

Aposel 12:5

Pita a tonto talq di sonaqa Yesus aqa tamo uŋgasari naŋgi siŋgila na Pita qa pailyoqneb.

Aposel 19:21

Bati bei Qotei aqa Mondor na Pol areqalo yonaqa a endegsi marej, “E Masedonia sawa ti Akaia sawa ti dia walweloqnsiyqa dena aisiy Jerusalem qureq di brantqai.” Osiqa marej, “Di koboamqa e Jerusalem uratosiy gilsiy Rom qure dego unqai.”

Aposel 24:14

“Ijo une qujai agiende. E Yesus aqa gam dauryeqnum. Juda tamo kokba naŋgi mareqnub, ‘Gam di bolesai. Gam dena tamo uŋgasari naŋgi ŋiriŋoqnsib poeleŋeqnub.’ Gam di qujai e dauryoqnsimqa gago moma naŋgo Qotei qa louoqnsimqa Moses aqa dal anjam ti Qotei aqa medabu o tamo naŋgo anjam nami neŋgreŋyeb qaji deqa ti ijo areqalo siŋgilatejunum.

Aposel 27:23

Ya qolo ijo Qotei agi e bati gaigai a qa loueqnum qaji aqa laŋ aŋgro bei bosiqa ijo areq di tigelosiq merbej, ‘O Pol, ni ulaaim. Ni Mandor Koba Sisar aqa ulatamuq di tigelqam. Deqa Qotei na ni taqatmim ni padalqasai. Tamo kalil ni ombla qobuŋ na gileqnub qaji naŋgi dego taqatnjrim naŋgi padalqasai.’ Laŋ aŋgro na e degsi merbej.

Aposel 3:26

Osiqa bunuqna aqa wau tamo Yesus osiqa qariŋyonaq namoqna nuŋgoq aiej. Yesus a nuŋgoq aisim niŋgi kalil aqaryaiŋgimqa niŋgi nuŋgo kumbra uge kalil uratqajqa deqa are qalsiq Yesus qariŋyonaq nuŋgoq aiej.”

Rom 9:1

E Kristus aqa tamo deqa e niŋgi anjam bole merŋgwai. E niŋgi gisaŋ anjam merŋgwasai. Qotei aqa Mondor na e areqalo ebeqnu deqa e qalieonum, ijo anjam endi bole.

2 Korin 1:23

O was qu, Qotei na ijo anjam siŋgilateqnu deqa e aqa ñam na bole maronum, e niŋgi gulube eŋgaim deqa e olo Korin qureq bosai.

2 Korin 11:31

Tamo Koba Yesus aqa Abu Qotei a qalie, e anjam bole maronum. E gisaŋosai. Deqa iga bati gaigai aqa ñam soqtoqnqom.

Galesia 1:20

Ijo anjam e na neŋgreŋyonum qaji endi anjam bole. E Qotei aqa ŋamgalaq di anjam bole merŋgonum. E niŋgi gisaŋgosai.

Efesus 6:18

Niŋgi Qotei aqa Mondor aqa siŋgila na gaigai Qotei pailyoqniye. Niŋgi aqar ataib. Niŋgi gaigai Qotei na niŋgi aqaryaiŋgwa maroqnsib siŋgila na pailyoqniye. Niŋgi pailyo urato uge deqa niŋgi geregere ŋam atoqnsib soqniye. Sosib niŋgi gaigai Qotei na aqa segi tamo uŋgasari naŋgi aqaryainjrqajqa deqa are qaloqnsib naŋgi qa pailyoqniye.

Filipai 1:3

E bati gaigai niŋgi qa are qaloqnsim deqa e ijo Qotei biŋiyeqnum.

Filipai 1:4

E niŋgi qa pailyoqnsimqa e bati gaigai arebolebole na pailyeqnum.

Filipai 2:22

Timoti aqa kumbra tulaŋ boledamu di niŋgi qalie. Niŋgi qalie, a na e aqaryaiboqnsiqa Yesus aqa anjam bole mare mare laqnu. Aŋgro naŋgi na naŋgo abu naŋgi aqaryainjreqnub dego kere Timoti a na e aqaryaibeqnu.

Filipai 3:3

Ariya iga Israel tamo tiŋtiŋo unum. Agi iga Qotei aqa aŋgro unum. Iga muluŋ bole aio qaji. Deqa iga Qotei aqa Mondor aqa siŋgila na Qotei qa louoqnsim Kristus Yesus aqa ñam soqteqnum. Iga qalie, tamo naŋgo jejamu na kumbra dauryqab kumbra dena naŋgi aqaryainjrqa keresai bolesai.

1 Tesalonaika 1:2

Iga gaigai niŋgi qa are qaloqnsim deqa Qotei biŋiyeqnum. Osim nuŋgo ñam gaigai maroqnsim pailyeqnum.

1 Tesalonaika 3:10

Iga qanam ti qolo ti endegsi Qotei pailyeqnum, “O Abu, ni na iga odgimqa iga Tesalonaika Kristen naŋgi qa gilsim unjrqom. Unjrsim naŋgo areqalo Yesus qa siŋgilateqnub qaji di truquinjrimqa iga na olo siŋgilatetnjrqom.” Iga degsim Qotei pailyeqnum.

1 Tesalonaika 5:17

Sosib gaigai pailyoqniye.

1 Timoti 2:7

Qotei a na e aqa anjam marsiy laqajqa deqa osiq e giltbej. Deqa e aqa anjam marqajqa wau ti. E bole mermonum. E gisaŋosai. E sawa bei bei qaji tamo uŋgasari naŋgi qa gilsiy Qotei aqa anjam minjroqnitqa naŋgi qusib Kristus qa naŋgo areqalo siŋgilatosib aqa anjam bole poinjrqajqa deqa osiqa e wau ebej.

2 Timoti 1:3

Ijo moma utru naŋgi nami kumbra tiŋtiŋ na Qotei aqa wau ojoqneb dego kere e bini kumbra qujai dena Qotei aqa wau ojeqnum. Ijo are miligiq di e qalieonum, e Qotei aqa ŋamgalaq di une bei saiqoji. E qolo ti qanam ti Qotei pailyoqnsim ni qa are qaloqnsim Qotei biŋiyeqnum.

Filemon 1:4

Bati e ijo Qotei pailyoqnsimqa e ni qa are qaloqnsim deqa e Qotei biŋiyeqnum.