Rom 1:7 - Yesus Aqa Anjam Bole

⁷ Qotei a na niŋgi tamo uŋgasari Rom qureq di unub qaji niŋgi tulaŋ qalaqalaiŋgeqnu. A na niŋgi metŋgej deqa niŋgi aqa segi tamo uŋgasari unub. O was qu, e anjam endi neŋgreŋyosim niŋgi qa qariŋyonum. Gago Abu Qotei wo Tamo Koba Yesus Kristus wo naŋgi aiyel niŋgi qa are tulaŋ boleinjrimqa niŋgi lawo na soqniye.

Rom 1:7 Iomraidhean Croise

Matyu 5:16

Dego kere niŋgi puloŋ bul sosibqa boleq di kumbra bole bole yoqnibqa tamo uŋgasari naŋgi na nuŋgo kumbra di unoqnsib nuŋgo Abu laŋ qureq di unu qaji aqa ñam soqtoqnqab.”

Jon 20:17

Onaqa Yesus na Maria minjej, “Ni e ojaim. Di kiyaqa? E ijo Abu aqaq oqosaiunum deqa. Ariya ni ijo was naŋgoq gilsim endegsi minjre, ‘Yesus a marqo, “E ijo Abu aqaq olo oqwai. Ijo Abu agi nuŋgo Abu dego. Ijo Qotei agi nuŋgo Qotei dego.” ’ Ni gilsim naŋgi degsi minjre.”

Aposel 15:23

Yesus aqa tamo uŋgasari Jerusalem qureq di soqneb qaji naŋgi na anjam di neŋgreŋyosib naŋgi aiyel enjrnabqa Antiok qureq osi aieb. Naŋgi na anjam endegsib neŋgreŋyeb, “O Yesus aqa tamo uŋgasari kalil Antiok qureq di unub qaji, kaiye. Iga na anjam endi neŋgreŋyosim niŋgi qa qariŋyonum. Iga nuŋgo Kristen was. Iga Yesus aqa aŋgro 12-pela iga ti Kristen gate kokba iga ti anjam endi neŋgreŋyosim niŋgi qa qariŋyonum. Sawa bei bei qaji tamo Antiok qure ti Siria sawa ti Silisia sawa ti dia unub qaji niŋgi qa anjam endi qariŋyonum.

Aposel 9:13

Onaqa Ananaias na kamba Yesus minjej, “O Tamo Koba, tamo gargekoba naŋgi e merbeqnub, ‘Sol a na Jerusalem dia Yesus aqa tamo uŋgasari naŋgi tulaŋ ugeugeinjreqnu.’ Naŋgi e degsib merbeqnub.

Rom 1:6

Niŋgi dego Yesus Kristus aqa tamo uŋgasari unub. A na niŋgi metŋgej deqa niŋgi aqa anjam qusib dauryeqnub.

Rom 5:1

Ariya iga Yesus qa gago areqalo siŋgilatem deqa Qotei na iga tamo bole une saiqoji qa mergej. Gago Tamo Koba Yesus Kristus a jeu kobotej deqa iga Qotei ombla geregere unum.

Rom 5:5

Ariya iga laŋa tariŋosaieqnum. Qotei na aqa Mondor Bole iga egej deqa Mondor dena aqa qalaqalaiyo kumbra gago are miligiq di atej unu.

Rom 8:28

Iga qalieonum, Qotei na tamo uŋgasari kalil a tulaŋ qalaqalaiyeqnub qaji naŋgi geregere taqatnjreqnu. Deqa kumbra kalil naŋgoq di branteqnu qaji dena naŋgi olo boletnjreqnu. Tamo naŋgi di Qotei na nami oqa marsiq metnjrej.

Rom 9:25

Agi Hosea a nami Qotei aqa medabu osiqa anjam bei endegsi neŋgreŋyej unu, “Tamo nami ijo tamo sosai qaji naŋgi di e na olo ijo segi tamo qa minjrqai. Tamo nami e na qalaqalainjrosaioqnem qaji naŋgi di e na olo qalaqalainjrqai.

1 Korin 1:24

Ariya tamo uŋgasari Qotei na metnjrej qaji agi Juda ti Grik ti naŋgi qalieonub, Kristus a Qotei aqa siŋgila ti unu. A Qotei aqa powo ti dego unu.

1 Korin 16:23

Tamo Koba Yesus a niŋgi qa are boleiyeme.

Galesia 6:18

O was qu, gago Tamo Koba Yesus Kristus a niŋgi qa are boleiyosim nuŋgo qunuŋ taqatoqneme. Bole.

Efesus 1:2

Gago Abu Qotei wo Tamo Koba Yesus Kristus wo naŋgi aiyel niŋgi qa are boleinjroqnim niŋgi lawo na soqniye.

Efesus 6:23

O Kristen was qu kalil, Abu Qotei wo Tamo Koba Yesus Kristus wo naŋgi aiyel na nuŋgo are latetŋgebe. Osib niŋgi aqaryaiŋgibqa niŋgi naŋgi aiyel qa nuŋgo areqalo siŋgilatoqnsib qalaqalaiyo kumbra dauryoqniye.

Filipai 1:2

Gago Abu Qotei wo Tamo Koba Yesus Kristus wo naŋgi aiyel niŋgi qa are boleinjrimqa niŋgi lawo na soqniye.

Filipai 4:13

Kristus a segi na e siŋgilatbeqnu deqa aqa siŋgila dena e kumbra kalil yqa kere.

Filipai 4:20

Qotei a gago Abu. A segi Qotei bole. Deqa iga bati gaigai aqa ñam soqtoqnqom. Bole.

Filipai 4:23

Tamo Koba Yesus Kristus a niŋgi qa are tulaŋ boleiyosim nuŋgo qunuŋ geregere taqateme.

Kolosi 1:2

Aqo gago was Timoti wo anjam endi neŋgreŋyosim niŋgi Qotei aqa segi tamo uŋgasari Kolosi qureq di unub qaji niŋgi qa qariŋyonum. Niŋgi gago Kristen was bole. Niŋgi Kristus qa nuŋgo areqalo siŋgilatejunub. Gago Abu Qotei a niŋgi qa are boleiyimqa niŋgi lawo na soqniye.

Kolosi 3:12

Qotei a niŋgi aqa segi tamo uŋgasari sqa marsiq giltŋgej deqa a na niŋgi tulaŋ qalaqalaiŋgeqnu. Deqa niŋgi kumbra endegyoqniye. Niŋgi nuŋgo Kristen was naŋgi qa duloqnsib kumbra bole bole enjroqniye. Osib niŋgi nuŋgo segi ñam tentoqnsib tamo naŋgi lawo na gereinjroqniye. Tamo qudei naŋgi na niŋgi une bei eŋgibqa niŋgi kamba olo naŋgi qa urur minjiŋ oqaiq.

Kolosi 3:15

Kristus a na iga lawo kumbra egeqnu. Lawo kumbra dena nuŋgo are miligi taqatesoqneme. Qotei na niŋgi metŋgej deqa niŋgi jejamu qujai bul sosib are qujaitosib soqniye. Sosib deqa niŋgi gaigai Qotei biŋiyoqniye.

1 Tesalonaika 1:1

Iga Pol na Sailas na Timoti na iga qalub anjam endi neŋgreŋyosim niŋgi tamo uŋgasari Tesalonaika qureq dia Yesus aqa ñam qa koroosib loueqnub qaji niŋgi qa qariŋyonum. Niŋgi Abu Qotei wo Tamo Koba Yesus Kristus wo naŋgi aiyel taqnjrejunub. Qotei a niŋgi qa are boleiyimqa niŋgi lawo na soqniye.

1 Tesalonaika 1:3

Niŋgi Kristus qa nuŋgo areqalo siŋgilateqnub deqa niŋgi kumbra bole bole yeqnub. Agi niŋgi na tamo kalil naŋgi tulaŋ qalaqalainjroqnsib naŋgi qa wau bole yeqnub. Mondoŋ gago Tamo Koba Yesus Kristus a olo bqas anjam di niŋgi nuŋgo are miligiq di siŋgilatoqnsib a qa tariŋeqnub. Iga nuŋgo kumbra deqa are qaloqnsim deqa iga nuŋgo ñam maroqnsim gago Abu Qotei biŋiyeqnum.

1 Tesalonaika 1:4

O was qu, Qotei a niŋgi tulaŋ qalaqalaiŋgeqnu. A na niŋgi aqa segi qa marsiq giltŋgej. Di iga qalieonum.

1 Tesalonaika 4:7

Qotei a na iga kumbra jigat yqajqa deqa metgosai. Iga gago segi jejamu osim Qotei yekritosim aqa segi kumbra boleq di sosim dauryqajqa deqa metgej.

1 Tesalonaika 5:28

Gago Tamo Koba Yesus Kristus a niŋgi qa are boleiyeme.

2 Tesalonaika 1:2

Gago Abu Qotei wo Tamo Koba Yesus Kristus wo naŋgi aiyel niŋgi qa are boleinjrimqa niŋgi lawo na soqniye.

2 Tesalonaika 3:16

Tamo Koba Yesus a lawo kumbra qa utru. Deqa a na nuŋgo are latetŋgimqa niŋgi gaigai are lawo na soqniye. Tamo Koba Yesus a niŋgi kalil koba na soqnebe.

2 Tesalonaika 3:18

Gago Tamo Koba Yesus Kristus a niŋgi kalil qa are boleiyeme.

1 Timoti 1:2

O Timoti, e na anjam endi neŋgreŋyosim ni qa qariŋyonum. E nami Yesus aqa anjam ni mermonam qusimqa ino areqaloq di siŋgilatem. Deqa ni ijo aŋgro bole bulonum. Gago Abu Qotei wo gago Tamo Koba Kristus Yesus wo naŋgi aiyel ni qa dulosib are boleinjrimqa ni are lawo na soqnime.

1 Timoti 6:2

Kaŋgal tamo qudei naŋgo wau qa gate naŋgi Kristen tamo. Deqa ni na kaŋgal tamo naŋgi di minjrimqa naŋgi endegsib are qalaib, “Gago wau qa gate naŋgi gago Kristen was qu. Deqa uŋgum, iga naŋgo anjam gotraŋyoqnqom.” Naŋgi degsib are qalaib. Ni na naŋgi minjrimqa naŋgi endegsib are qalqab, “Gago wau qa gate naŋgi Kristen tamo bole. Deqa iga na naŋgi qalaqalainjroqnqom.” Naŋgi degsib are qalqab di naŋgi naŋgo wau qa gate naŋgi geregere wauetnjroqnqab. O Timoti, ni gaigai Kristen tamo uŋgasari naŋgi kumbra bole dauryqajqa minjroqnsim are tigeltetnjroqnimqa naŋgi kumbra bole kalil e nami mermonum qaji di yoqnqab.

2 Timoti 1:2

O Timoti, ni ijo aŋgro bole. E na anjam endi neŋgreŋyosim ni qa qariŋyonum. Qotei Abu wo gago Tamo Koba Kristus Yesus wo naŋgi aiyel ni qa dulosib are boleinjrimqa ni are lawo na soqnime.

2 Timoti 4:22

Tamo Koba Yesus a na ino qunuŋ geregere taqateme. Osim niŋgi kalil qa are boleiyeme.

Taitus 1:4

O Taitus, e na anjam endi neŋgreŋyosim ni qa qariŋyonum. Aqo ombla Kristen tamo kalil naŋgi ti gago areqalo qujai. Agi iga kalil Yesus qa gago areqalo siŋgilateqnum. Deqa ni ijo aŋgro bole bul. Gago Abu Qotei naŋgi Kristus Yesus agi iga eleŋej qaji wo naŋgi aiyel ni qa are boleinjrimqa ni lawo na soqnime.

Filemon 1:25

Tamo Koba Yesus Kristus a niŋgi qa are boleiyosim nuŋgo qunuŋ geregere taqatoqneme.

Filemon 1:3

Gago Abu Qotei wo Tamo Koba Yesus Kristus wo naŋgi aiyel niŋgi qa are boleinjrimqa niŋgi lawo na soqniye.

Jems 1:1

E Jems. E Qotei wo Tamo Koba Yesus Kristus wo naŋgo wau tamo. Niŋgi Israel naŋgo moma utru 12-pela naŋgo leŋ deqaji. Niŋgi nuŋgo segi segi qure utru uratosib jaraiosib sawa sawa kalil keretosib di unub. Deqa e na anjam endi neŋgreŋyosim niŋgi qa qariŋyonum. O was niŋgi kaiye.

1 Pita 1:15

Qotei a gaigai aqa segi kumbra boleq di sosiq dauryeqnu. Deqa niŋgi dego nuŋgo jejamu osib Qotei yekritosib aqa kumbra boleq di sosib walweloqniye. Utru deqa Qotei na niŋgi aqa segi tamo sqa marsiq niŋgi metŋgej.

1 Jon 3:1

Bole, gago Abu Qotei a na iga tulaŋ qalaqalaigeqnu! A na iga aqa segi aŋgro tiŋtiŋ sqa marsiq iga giltgej. Deqa iga bole qalieonum, iga Qotei aqa aŋgro bole. Tamo naŋgi mandamq endi unub qaji naŋgi Qotei qa qaliesai. Deqa naŋgi iga qa dego qaliesai.

2 Jon 1:3

Abu Qotei wo aqa Ŋiri Yesus Kristus wo naŋgi aiyel anjam bole na ti qalaqalaiyo kumbra na ti iga qa are tulaŋ boleinjrsim dulibqa iga lawo na sqom.

Uli Anjam 2:1

Yesus a na e degsi merbsiqa olo endegsi merbej, “Efesus qureq dia tamo uŋgasari naŋgi ijo ñam qa koroosib loueqnub qaji naŋgo laŋ aŋgro qa anjam endegsim neŋgreŋyosim aqaq qariŋye, ‘E Yesus. E ijo baŋ wo na bongar 7-pela ojejunum. E lam 7-pela gol na gereiyo qaji naŋgo ambleq di walweleqnum. E na anjam endi ni qa qariŋyonum.

Uli Anjam 2:12

Yesus a na e degsi merbsiqa olo endegsi merbej, “Pergamum qureq dia tamo uŋgasari naŋgi ijo ñam qa koroosib loueqnub qaji naŋgo laŋ aŋgro qa anjam endegsi neŋgreŋyosim aqaq qariŋye, ‘E Yesus. E serie olekoba tulaŋ qala uge qala aiyel ojejunum. E na anjam endi ni qa qariŋyonum.

Uli Anjam 2:18

Yesus a na e degsi merbsiqa olo endegsi merbej, “Taiataira qureq dia tamo uŋgasari naŋgi ijo ñam qa koroosib loueqnub qaji naŋgo laŋ aŋgro qa anjam endegsi neŋgreŋyosim aqaq qariŋye, ‘E Yesus. E Qotei aqa Ŋiri. Ijo ŋamdamu ŋam puloŋ bul puloŋeqnu. Ijo siŋga minjaleqnu. Bras geregere ñomyeqnab minjaleqnu dego kere. E na anjam endi ni qa qariŋyonum.

Uli Anjam 2:29

Tamo a dabkala ti sqas di a anjam Qotei aqa Mondor Bole na tamo uŋgasari qure qureq dia ijo ñam qa koroosib loueqnub qaji naŋgi minjreqnu di geregere quem.’ O Jon, ni anjam degsi neŋgreŋyosim Taiataira naŋgo laŋ aŋgro aqaq qariŋye.”

Uli Anjam 2:8

Yesus a na e degsi merbsiqa olo endegsi merbej, “Smerna qureq dia tamo uŋgasari naŋgi ijo ñam qa koroosib loueqnub qaji naŋgo laŋ aŋgro qa anjam endegsi neŋgreŋyosim aqaq qariŋye, ‘E Yesus. E segi qujai namoq di unum. E segi qujai bunuq di sqai. Nami e moiem. Bini e olo ŋambile unum. E na anjam endi ni qa qariŋyonum.

Uli Anjam 22:21

Tamo Koba Yesus a tamo uŋgasari kalil naŋgi qa are tulaŋ boleiyeme.

Uli Anjam 3:14

Yesus a na e degsi merbsiqa olo endegsi merbej, “Laodisia qureq dia tamo uŋgasari naŋgi ijo ñam qa koroosib loueqnub qaji naŋgo laŋ aŋgro qa anjam endegsim neŋgreŋyosim aqaq qariŋye, ‘E Yesus. E Qotei aqa anjam maro qaji tamo. E endegsi mareqnum, “Qotei aqa anjam kalil bole.” Anjam kalil Qotei a nami marej qaji di e olo geregere palontoqnsim mareqnum. Iŋgi iŋgi kalil Qotei na gereiyej qaji di aqa utru agi e segi qujai. Deqa e na anjam endi ni qa qariŋyonum.

Uli Anjam 3:22

Tamo a dabkala ti sqas di a anjam Qotei aqa Mondor Bole na tamo uŋgasari qure qureq dia ijo ñam qa koroosib loueqnub qaji naŋgi minjreqnu di geregere quem.’ O Jon, ni anjam degsim neŋgreŋyosim Laodisia naŋgo laŋ aŋgro aqaq qariŋye.” Yesus a na e degsi merbej.

Uli Anjam 3:7

Yesus a na e degsi merbsiqa olo endegsi merbej, “Filadelfia qureq dia tamo uŋgasari naŋgi ijo ñam qa koroosib loueqnub qaji naŋgo laŋ aŋgro qa anjam endegsim neŋgreŋyosim aqaq qariŋye, ‘E Yesus. E Qotei aqa tamo bole tiŋtiŋ. E kumbra bole qa utru. Devit a nami mandor koba soqnej dego kere e kamba aqa wau osim Qotei aqa tamo uŋgasari naŋgi taqatnjreqnum. E siraŋ bei waqtqai di tamo bei na getentqa keresai. E getentqai di tamo bei na waqtqa keresai. E na anjam endi ni qa qariŋyonum.