Rom 1:2 - Yesus Aqa Anjam Bole

² Tulaŋ nami Qotei na aqa medabu o qaji tamo naŋgi minjrnaqa naŋgi aqa anjam bole di osib neŋgreŋyeb unu. Neŋgreŋ di Qotei aqa segi neŋgreŋ.

Rom 1:2 Iomraidhean Croise

Matyu 1:22

Kumbra kalil di brantej deqa anjam bei Tamo Koba Qotei aqa medabu o tamo bei nami marej qaji di aqa damu dego brantej. A endegsi marej,

Luk 1:70

Anjam di Qotei na nami aqa segi medabu o qaji tamo naŋgi minjreqnaqa naŋgi qusib palontoqneb.

Aposel 10:43

O was qu, Qotei aqa medabu o qaji tamo kalil naŋgi nami Yesus qa endegsib maroqneb, ‘Qotei na tamo kalil Kristus qa naŋgo areqalo siŋgilateqnub qaji aqa ñam na naŋgo une kobotetnjrqas.’”

Aposel 13:32

“Nami Qotei na gago moma naŋgi endegsi minjrej, ‘E na Kristus qariŋyitqa a nuŋgoq bosim niŋgi oqas.’ Qotei aqa anjam bole di aqo Barnabas wo na niŋgi merŋgeqnum.

Aposel 26:6

Bini e ino ulatamuq endia tigelejunum. Di kiyaqa? E ijo areqalo Qotei qa siŋgilatosim anjam a nami gago moma naŋgi minjrej qaji di aqa damu brantqajqa deqa e tariŋoqnsim unum. Utru deqa naŋgi na e tigeltbonub.

Rom 16:26

Ariya bini Qotei na anjam di olo boleq atej. Qotei ŋambile gaigai unu qaji a marnaqa aqa medabu o qaji tamo naŋgi anjam di neŋgreŋyonab sonaqa iga na olo anjam di osim tamo uŋgasari sawa sawa kalilq di unub qaji naŋgi minjre minjre laqnum. Deqa naŋgi uli anjam di quoqnsib poinjreqnu. Qotei na anjam di boleq atej. Di kiyaqa? Tamo uŋgasari sawa bei beiq di unub qaji naŋgi anjam di qusib naŋgo areqaloq di siŋgilatosib dauryqajqa deqa.

Rom 3:2

Deqa e niŋgi kamba endegsi merŋgwai. Qotei a na iŋgi tulaŋ bole bole Juda naŋgi enjrej. Iŋgi bole bei agiende. A na Juda naŋgi aqa anjam taqatqajqa deqa wau enjrej.

Rom 3:21

O was qu, iga tamo bole une saiqoji sqajqa gam bei unu. Iga dal anjam dauryoqnqom gam dena sai. Qotei na gam bei babtosiqa iga osorgej. Nami Moses a gam deqa marsiq dal anjamq di neŋgreŋyej unu. Qotei aqa medabu o qaji tamo kalil naŋgi dego gam deqa marsib anjam neŋgreŋyeb.

Taitus 1:2

E na naŋgi aqaryainjritqa naŋgi ŋambile qa tariŋoqnsib sqajqa deqa e waueqnum. Ŋambile di agi Qotei na naŋgi enjrimqa naŋgi ŋambile gaigai sqab. Tulaŋ nami Qotei a iŋgi iŋgi kalil atosaisosiqa a na ŋambile di iga egwajqa marej. A bole marej. A gisaŋosaieqnu.