Rom 1:12 - Yesus Aqa Anjam Bole

¹² Ijo areqalo agiende. E niŋgi qa bosiy niŋgi Yesus qa nuŋgo areqalo siŋgilateqnub qaji di unsiyqa dena ijo are siŋgilatqai. Ariya niŋgi dego e Yesus qa ijo areqalo siŋgilateqnum qaji di unsibqa dena nuŋgo are siŋgilatqab. Gam dena e ti niŋgi ti are siŋgilatosim sqom.

Rom 1:12 Iomraidhean Croise

Aposel 11:23

Aisiqa Qotei a naŋgi qa dego are boleiyoqnsiqa aqaryainjroqnej di unej. Unsiqa tulaŋ areboleboleiyej. Deqa a na naŋgi kalil are siŋgilatetnjroqnsiqa minjroqnej, “Niŋgi Tamo Koba Yesus gaigai dauryoqnsib soqniye.”

Rom 1:11

O was qu, e niŋgi nuŋgwajqa are koba qaleqnum. Di kiyaqa? E Mondor Bole aqa anjam niŋgi merŋgitqa dena nuŋgo are siŋgilatetŋgwajqa deqa.

Rom 1:13

O was qu, niŋgi endegsib qalieoiye. Bati gargekoba e bosiy niŋgi nuŋgwajqa are qaleqnum. Ijo areqalo agiende. Tamo uŋgasari sawa bei beiq di unub qaji naŋgo ambleq dia e waueqnamqa naŋgi are bulyoqnsib Yesus qa naŋgo areqalo siŋgilateqnub dego kere nuŋgo ambleq dia dego wauoqnitqa niŋgi qudei are bulyoqnsib Yesus qa nuŋgo areqalo siŋgilatoqnqab. Ariya wau gargekoba na gam getentetbeqnu deqa agi unum.

Rom 15:24

Deqa e Spen sawaq aiqa osiyqa e mati niŋgi qa bosiy nuŋgsiy niŋgi ti koba na sokiñalayitqa niŋgi iŋgi iŋgi qa aqaryaibibqa e Spen sawaq aiqai.

Rom 15:32

Deqa Qotei na marim e niŋgi qa bosiy nuŋgsiy dena e areboleboleibqas. Osiy niŋgi koba na aqaratosiy dena siŋgila oqai.

2 Korin 7:13

Nuŋgo kumbra dena gago are tulaŋ laejunu. Gago are laejunu deqa iga areboleboleigwo. Ariya niŋgi na Taitus aqa are gulube kobotetosib are boleteteb deqa iga olo tulaŋ areboleboleigwo.

Efesus 4:5

Tamo Koba qujai dego unu agi Kristus. Iga a qa qujai gago areqalo siŋgilateqnum. Iga kalil yanso qujai em.

2 Timoti 1:4

Nami e ni uratmqa laqnamqa ni e qa are ugeimonaqa akamem. E deqa are qaloqnsim ni olo numqajqa are koba unu. E ni numsiyqa tulaŋ areboleboleibqas.

Taitus 1:4

O Taitus, e na anjam endi neŋgreŋyosim ni qa qariŋyonum. Aqo ombla Kristen tamo kalil naŋgi ti gago areqalo qujai. Agi iga kalil Yesus qa gago areqalo siŋgilateqnum. Deqa ni ijo aŋgro bole bul. Gago Abu Qotei naŋgi Kristus Yesus agi iga eleŋej qaji wo naŋgi aiyel ni qa are boleinjrimqa ni lawo na soqnime.

2 Pita 1:1

E Saimon Pita. E Yesus Kristus aqa wau tamo. A na e qariŋbej deqa e aqa anjam marsim laqnum. Kristus a gago Qotei. A na iga padalo sawaq dena eleŋej. Niŋgi ti iga ti gago areqalo qujai. Agi iga kalil Yesus qa gago areqalo siŋgilateqnum. Yesus Kristus a kumbra tiŋtiŋ yeqnu qaji tamo. Aqa kumbra dena niŋgi a qa nuŋgo areqalo siŋgilateqnub. Agi iga a qa gago areqalo siŋgilateqnum dego kere.

2 Jon 1:4

Ino aŋgro qudei naŋgi anjam bole dauryeqnub e di qusim deqa e tulaŋ areboleboleibqo. Agi Abu Qotei a nami iga aqa anjam dauryqa mergej.

Jut 1:3

O ijo was bole, Qotei na iga kalil padalo sawaq dena eleŋej wau di aqa utru e na neŋgreŋyosiy niŋgi qa qariŋyqajqa are koba unu. Ariya e anjam bei dego neŋgreŋyosiy niŋgi qa qariŋyqa are qaleqnum. Anjam agiende. Jeu tamo naŋgi bosib Kristus aqa anjam bole ugeugeiyqa laqnib nuŋgo areqalo Kristus qa siŋgilateqnub qaji di niŋgi olo siŋgila na ojsibqa jeu tamo naŋgi di gotraŋnjroqniye. Iga Qotei aqa tamo uŋgasari unum deqa Qotei na gago areqalo tigeltetgonaqa iga Kristus aqa anjam bole gago areqaloq di siŋgilatejunum. Deqa tamo bei na anjam di olo bulyqa keresai.