Matyu 9:6 - Yesus Aqa Anjam Bole

⁶ Ariya e Tamo Aŋgro e mandamq endia siŋgila ti unum deqa e na tamo naŋgo une kobotetnjrqa kere. Niŋgi degsib qalieqajqa deqa e na tamo di boletqai.” Yesus a na naŋgi degsi minjrsiqa tamo jejamu laiyej qaji di koqyosiqa minjej, “Ni tigelosim ino sapera osim ino talq gile.”

Matyu 9:6 Iomraidhean Croise

Matyu 4:24

Onaqa tamo uŋgasari kalil Siria sawaq di soqneb qaji naŋgi anjam endegsib queb, “Yesus a maŋwa tulaŋ gargekoba yeleŋeqnu.” Degsib qusib deqa naŋgo ma tamo kalil joqsib Yesus aqa areq osi beleŋeb. Tamo ma utru segi segi osi beleŋeb. Tamo jejamu jaqatiŋnjro qaji naŋgi ti tamo mondor uge uge na ojeleŋo qaji naŋgi ti tamo gate na nanarioqnsib maŋgaloqneb qaji naŋgi ti tamo jejamu lainjro qaji naŋgi ti kalil joqsib beqnab Yesus na boletnjroqnej.

Matyu 8:20

Onaqa Yesus na minjej, “Bauŋ juwaŋ naŋgi tal ti. Agi sub miligiq di ŋereŋeqnub. Qebari naŋgi simi ti. Deqa naŋgi simiq di ŋereŋeqnub. Ariya e Tamo Aŋgro ŋeiqajqa tal saiqoji. Deqa ni e daurbqajqa gulube koba.”

Matyu 9:2

Brantosib sonabqa tamo qudei naŋgi na tamo bei jejamu laiyej qaji a saperaq di atsib Yesus aqa areq osi beb. Onaqa Yesus a tamo naŋgi di naŋgo areqalo unej naŋgo areqalo qujai Yesus na tamo di boletqa kere. Degsi unsiq deqa tamo jejamu laiyej qaji di minjej, “O ijo aŋgro, ni areboleimeme. Ino une kalil e na kobotetmonum.”

Matyu 9:5

Anjam kie e na tamo jejamu laiyqo qaji di minjqajqa wau koba sai? ‘Ino une kalil e na kobotetmonum,’ anjam de kio, ‘Ni tigelosim walwel,’ anjam de kio?

Matyu 9:7

Degsi minjnaqa aqa jejamu boleonaqa a tigelosiqa aqa talq gilej.

Mak 2:10

Ariya e Tamo Aŋgro e mandamq endia siŋgila ti unum deqa e na tamo naŋgo une kobotetnjrqa kere. Niŋgi degsib qalieqajqa deqa e na tamo di boletqai.” Yesus a na naŋgi degsi minjrsiqa tamo jejamu laiyej qaji di koqyosiqa minjej,

Mak 2:7

“Yesus a kiyaqa anjam degsi marqo? A Qotei misiliŋyqo. Yai na tamo naŋgo une kobotqa kere? Qotei a segi qujai.”

Luk 5:21

Onaqa dal anjam qalie tamo naŋgi ti Farisi naŋgi ti tal dia awesoqneb qaji naŋgi Yesus aqa anjam di qusibqa naŋgo areqalo na mareb, “Yesus a Qotei misiliŋyqo. Yai na tamo naŋgo une kobotqa kere? Qotei a segi qujai.”

Jon 10:28

E naŋgi ŋambile enjritqa naŋgi ŋambile gaigai sqab. Deqa naŋgi padalqasai bolesai. Tamo bei na naŋgi ijo baŋq dena yaibqa keresai.

Jon 17:2

Di kiyaqa? Ni na e siŋgila ebem. Osim e na tamo uŋgasari kalil naŋgo gate sqa marsim e giltbem. Deqa tamo uŋgasari ni na e ebem qaji naŋgi di e na ŋambile enjritqa naŋgi ŋambile gaigai sqab.

Jon 5:27

E Tamo Aŋgro. Deqa ijo Abu na e ñam ebej. Ñam dena e na tamo uŋgasari naŋgo kumbra qa peginjrqai.

Jon 5:8

Onaqa Yesus na minjej, “Ni tigelosim ino sapera qoboiyosim walwel.”

Aposel 5:31

Yesus qujai di Qotei na laŋ qureq osi oqsiqa aqa baŋ woq di awotej. Deqa Yesus a gago Tamo Koba. A na qujai iga eleŋamqa iga padalqasai. Yesus qujai dena iga Israel tamo uŋgasari are bulyetgsim gago une kobotetgwas.

2 Korin 2:10

Ariya niŋgi na tamo di aqa une kobotetqab di e kamba dego aqa une kobotetqai. E tamo bei aqa une kobotetqai di e Kristus aqa ŋamgalaq dia kobotetqai. E niŋgi aqaryaiŋgwa osiy deqa kobotetqai.

2 Korin 5:20

Deqa iga Kristus aqa medabu osim aqa anjam marsim laqnum. Qotei a gago medabu na tamo kalil naŋgi metnjreqnu. Iga na tamo kalil naŋgi Kristus aqa anjam palontosim endegsi minjreqnum, “Niŋgi jeu kumbra uratosib Qotei ombla are qujaitosib soqniye.”

Efesus 4:32

Osib nuŋgo Kristen was naŋgi kumbra bole bole enjroqnsib naŋgi qalaqalainjroqnsib naŋgo une kobotetnjroqniye. Qotei a Kristus aqa ñam na nuŋgo une kalil kobotetŋgej deqa niŋgi na kamba olo nuŋgo was naŋgo une dego kobotetnjroqniye.

Kolosi 3:13

Kristen tamo bei na niŋgi gulube eŋgimqa uŋgum gulube di qoboiyosib aqa une kobotetiye. Tamo Koba Kristus a na nuŋgo une kobotetŋgej deqa niŋgi dego degyiye.