Matyu 8:4 - Yesus Aqa Anjam Bole

⁴ Onaqa Yesus na olo minjej, “Ni une. Ino jejamu boleqo deqa ni tamo qudei naŋgi minjraim. Ni gilsim ino jejamu atra tamo osoryosim atraiyo qaji iŋgi iŋgi Moses a nami marej qaji di osim Qotei atraiyime. Yimqa tamo naŋgi ni numsib qalieqab, ino jejamu boleqo.”

Matyu 8:4 Iomraidhean Croise

Matyu 10:18

Naŋgi ijo ñam ugetqa maroqnsib deqa niŋgi joqoqnsib Rom naŋgo gate kokba ti naŋgo mandor kokba ti naŋgo ulatamuq dia niŋgi tigeltŋgoqnqab. Bati deqa niŋgi ijo anjam bole naŋgi minjroqnqab. Osib sawa bei bei qaji tamo naŋgi dego ijo anjam bole minjroqnqab.

Matyu 16:20

Osiqa aqa aŋgro naŋgi endegsi minjrej, “E Kristus. Niŋgi ijo ñam di ubtsib tamo qudei minjraib.”

Matyu 17:9

Ariya naŋgi Yesus ombla manaq dena olo aioqnsibqa Yesus a siŋgila na minjrej, “Kumbra niŋgi mana goge di unonub qaji di ubtsib tamo qudei minjraib. Bunuqna e Tamo Aŋgro moisiy olo subq na tigelotqa bati deqa niŋgi na ubtsib minjroqnqab.”

Matyu 3:15

Onaqa Yesus na kamba minjej, “Uŋgum. Ni ijo anjam dauryosim yansbe. Yimqa kumbra dena iga Qotei aqa areqalo kalil keretosim dauryqom.” Onaqa Jon a Yesus aqa anjam di dauryosiqa a yansej.

Matyu 5:17

Osiqa Yesus a olo anjam endegsi minjrej, “Niŋgi e qa endegsib are qalaib, ‘Yesus a Moses aqa dal anjam ti Qotei aqa medabu o qaji tamo naŋgo anjam ti taqal waiyqajqa bej.’ Niŋgi e qa degsib are qalaib. E deqa bosai. E anjam di kalil daurysiy keretqa bem.

Matyu 6:1

Osiqa Yesus a olo anjam endegsi minjrej, “Tamo bei a marqas, ‘E tamo uŋgasari naŋgi gisaŋnjrsiy naŋgo ŋamgalaq dia kumbra bole bole laŋa yoqnit naŋgi e nubsib ijo ñam soqtetboqnqab.’ Ariya niŋgi degyaib. Niŋgi degyqab di nuŋgo Abu laŋ qureq di unu qaji a niŋgi awai bole eŋgwasai.

Matyu 9:30

Ojnaqa naŋgo ŋamdamu poinjrnaqa naŋgi sawa uneb. Onaqa Yesus a siŋgila na minjrej, “Nuŋgo ŋamdamu boleqo deqa niŋgi tamo qudei naŋgi minjraib.”

Mak 13:9

“Deqa niŋgi geregere ŋam atsib soqniye. Kumbra kalil di brantosaisoqnimqa tamo qudei naŋgi bosib niŋgi ijo segi aŋgro unub deqa ojeleŋosib tamo kokba naŋgo ulatamuq dia niŋgi tigeltŋgoqnqab. Yimqa naŋgi na nuŋgo jejamuq di anjam gargekoba laŋa laŋa qametŋgoqnsib naŋgo Qotei tal miligiq dia niŋgi kumbaiŋgoqnqab. Niŋgi ijo ñam ejunub deqa naŋgi na niŋgi olo joqoqnsib Rom naŋgo mandor kokba ti Rom naŋgo gate kokba ti naŋgo ulatamuq dia niŋgi tigeltŋgoqnqab. Bati deqa Qotei na niŋgi siŋgila eŋgoqnimqa niŋgi ijo anjam geregere minjroqnqab.

Mak 3:12

Degsib minjeqnabqa Yesus a na naŋgi siŋgila na saidnjroqnej, “Niŋgi ijo ñam ubtsib maraib.”

Mak 5:43

Onaqa Yesus a naŋgi siŋgila na endegsi minjrej, “Niŋgi ijo kumbra endi unonub deqa niŋgi ijo ñam ubtsib tamo qudei minjraib.” Osiqa aqa ai wo abu wo minjrej, “Niŋgi iŋgi goisib aŋgro endi anaiyiye.”

Mak 6:11

Tamo bei na niŋgi gereiŋgwa uratimqa kio nuŋgo anjam quqwa asgiyimqa kio niŋgi qure di uratqa oqnsib nuŋgo siŋga tatal tumbrum butuyoqniye. Yimqa naŋgi nuŋgo kumbra di unsib poinjrqas, ‘Bole, iga kumbra ugetonum.’”

Mak 7:36

Onaqa Yesus a na tamo uŋgasari naŋgi endegsi minjrej, “Niŋgi kumbra unonub endi tamo qudei naŋgi ubtsib minjraib.” Degsi minjrnaqa naŋgi aqa anjam di quetosai. Naŋgi giloqnsibqa Yesus aqa kumbra deqa mare mare laqneb.

Mak 8:30

Pita a anjam degsi ubtonaqa Yesus na aqa aŋgro naŋgi siŋgila na getentnjrsiqa minjrej, “Niŋgi anjam di tamo qudei minjraib.”

Mak 9:9

Ariya naŋgi Yesus ombla manaq dena olo aioqnsibqa Yesus na minjrej, “Kumbra niŋgi mana goge di unonub qaji di ubtsib tamo qudei minjraib. Bunuqna e Tamo Aŋgro moisiy olo subq na tigelotqa bati deqa niŋgi na ubtsib minjroqnqab.”

Luk 17:14

Onaqa Yesus a naŋgi unjrsiqa minjrej, “Niŋgi olo puluosi aisib nuŋgo jejamu atra tamo naŋgi osornjriye.” Degsi minjrnaqa naŋgi aioqnsibqa gamq dia naŋgo yu kalil koboonaqa naŋgo jejamu boleonaq uneb.

Luk 21:13

Bati deqa Qotei na gam waqtetŋgoqnimqa niŋgi aqa anjam geregere palontosib minjroqnqab.

Luk 4:41

Mondor uge gargekoba dego Yesus na winjreqnaqa naŋgi na tamo uŋgasari naŋgi uratnjroqnsib jaraioqneb. Jaraioqnsib tulaŋ koba leleŋoqnsib Yesus minjoqneb, “Ni Qotei aqa Ŋiri.” Yeqnabqa Yesus a siŋgila na minjroqnej, “Niŋgi ijo ñam ubtsib maraib.” Degsi saidnjroqnej. Di kiyaqa? Naŋgi qalie, Yesus a Kristus deqa.

Luk 5:14

Onaqa Yesus na minjej, “Ino jejamu boleqo deqa ni tigelosim gile. Ariya ni tamo qudei naŋgi ijo ñam ubtsim minjraim. Ni gilsim ino jejamu atra tamo osoryosim atraiyo qaji iŋgi iŋgi Moses nami marej qaji di osim Qotei atraiyime. Yimqa tamo uŋgasari naŋgi ni numsib marqab, ‘Bole, ino jejamu boleqo.’”

Luk 8:56

Aqa ai wo abu wo naŋgi Yesus aqa siŋgila di unsib deqa naŋgi tulaŋ prugeleŋeb. Onaqa Yesus na minjrej, “Niŋgi ijo kumbra endi unonub deqa niŋgi ijo ñam ubtsib tamo qudei minjraib.”

Luk 9:21

Pita a anjam degsi marnaqa Yesus a na aqa aŋgro naŋgi siŋgila na getentnjrsiqa minjrej, “Niŋgi anjam di ubtsib tamo qudei minjraib.”

Jon 5:41

“E mandam tamo naŋgoq dena ñam koba oqajqa e deqa are qalsim anjam endi marosaieqnum.

Jon 7:18

Tamo bei aqa segi areqalo na anjam marqas di a aqa segi ñam soqtqa osim deqa anjam marqas. Ariya Qotei agi e qariŋbej qaji aqa ñam e soqtqa osim deqa anjam mareqnum. Deqa e tamo bole. E gisaŋ tamo sai.

Jon 8:50

E ijo segi ñam soqtqa are qalosaieqnum. Ijo Abu a segi na ijo ñam soqtetbeqnu. Agi a na qujai nuŋgo une qa niŋgi pegiŋgwas.