Matyu 8:1 - Yesus Aqa Anjam Bole

¹ Ariya Yesus a manaq dena aieqnaqa tamo uŋgasari tulaŋ gargekoba naŋgi a dauryosib aieb.

Matyu 8:1 Iomraidhean Croise

Matyu 12:15

Onaqa Yesus a naŋgo anjam di qalieosiqa qure di uratosiq walwelosiq gilej. A gileqnaqa tamo uŋgasari gargekoba naŋgi a dauryosib giloqneb. Deqa a na tamo uŋgasari kalil ma ti soqneb qaji naŋgi boletnjroqnej.

Matyu 15:30

Awesonaqa tamo uŋgasari tulaŋ gargekoba naŋgi na tamo siŋga qandamnjro qaji ti tamo ŋam qandimnjro qaji ti tamo jejamu lainjro qaji ti tamo meŋ siŋgilainjro qaji ti tamo ma utru segi segi so qaji naŋgi ti joqsibqa Yesus aqa areq di ateleŋeqnabqa a na naŋgi kalil boletnjroqnej.

Matyu 19:2

A di sonaqa tamo uŋgasari tulaŋ gargekoba naŋgi a dauryosib aqa areq di koroonabqa a na naŋgo ma tamo kalil naŋgi boletnjroqnej.

Matyu 20:29

Yesus a na aqa aŋgro naŋgi anjam degsi minjrsiq koboonaqa naŋgi joqsiqa koba na walwelosib aisib Jeriko qureq di branteb. Brantosib Jeriko qure ambleq na walwelosib olo Jeriko qure uratosib aieqnabqa tamo uŋgasari tulaŋ gargekoba naŋgi koba na Yesus dauryosib aioqneb.

Matyu 4:25

Bati deqa tamo uŋgasari tulaŋ gargekoba naŋgi Yesus dauryosib laqneb. Galili sawa naŋgi ti Dekapolis sawa naŋgi ti Jerusalem qure naŋgi ti Judia sawa naŋgi ti qure kalil Jordan ya taqal beiq di soqneb qaji naŋgi ti kalil Yesus aqa maŋwa yeqnaq unoqnsib deqa dauryosib laqneb.

Matyu 7:29

Di kiyaqa? Yesus aqa anjam maroqnej di siŋgila ti. Dal anjam qalie tamo naŋgo anjam maroqneb de ti keresai. Yesus a segi anjam aqa abu.

Matyu 8:18

Bati deqa Yesus a ŋam atej tamo uŋgasari tulaŋ gargekoba naŋgi aqa areq di koroesoqneb. Deqa a na aqa aŋgro naŋgi minjrej, “Iga qobuŋ gogetosim jaraiosim ya agu taqal beiq gilqom.”

Matyu 8:2

Onaqa tamo bei yu na aqa jejamu ugeeleŋej qaji a Yesus aqa areq bosiqa aqa siŋgaq dia siŋga pulutosiqa minjej, “O Tamo Koba, ni e boletbqa are soqnimqa e boletbe. E qalie, ni na e boletbqa kere.”

Mak 3:7

Onaqa Yesus aqa aŋgro naŋgi ti tigelosib tamo uŋgasari kalil naŋgi uratnjrsib alile aisib di sonabqa tamo uŋgasari tulaŋ gargekoba naŋgi anjam endegsib queb, “Yesus a maŋwa tulaŋ gargekoba yeleŋeqnu.” Degsib qusib deqa Yesus dauryosib alile aisib aqa areq di korooqneb. Galili sawa naŋgi ti Judia sawa naŋgi ti Jerusalem qure naŋgi ti Idumia sawa naŋgi ti qure kalil Jordan ya taqal beiq di soqneb qaji naŋgi ti Tair qure ti Saidon qure ti naŋgi kalil beleŋosib Yesus aqa areq di korooqneb.

Luk 5:15

Onaqa a gilsiqa a Yesus aqa anjam di dauryosai. Yesus na a boletej deqa mare mare laqnaqa aqa anjam tulaŋ kobaonaqa sawa sawa kalilq dia tamo uŋgasari gargekoba quekriteb. Deqa tamo uŋgasari tulaŋ gargekoba naŋgi Yesus aqa anjam quqwajqa marsibqa boqnsib aqa areq di korooqneb. A na naŋgo ma boletetnjrqajqa deqa ti aqa areq di korooqneb.