Matyu 7:6 - Yesus Aqa Anjam Bole

⁶ “Niŋgi iŋgi boledamu osib bauŋ naŋgi enjraib. Enjrqab di naŋgi iŋgi di uratsib bosib niŋgi uñiŋgwab. Niŋgi kolilei bole bole osib bel naŋgi enjraib. Enjrqab di naŋgi kolilei di mandamq di waiysib naŋgo siŋga na soseleŋqab.”

Matyu 7:6 Iomraidhean Croise

Matyu 15:26

Onaqa Yesus na kamba minjej, “Iga aŋgro du du naŋgo iŋgi yainjrsim olo bauŋ naŋgi anainjrqom di kumbra bolesai.”

Matyu 24:10

Bati deqa tamo uŋgasari gargekoba e qa naŋgo areqalo siŋgilato qaji naŋgi ijo ñam ulontosib naŋgi segi segi jeu sosibqa naŋgo segi was naŋgi ojeleŋoqnsib tamo uge naŋgo baŋq di atoqnqab.

Matyu 7:5

Ni gisaŋ tamo. Ni mati ŋampaŋ kobaquja ino segi ŋamgalaq di unu qaji di taqal waiysim ŋamdamu suwaŋmimqa ariya degam ŋam ñeŋgi kiñala ino was aqa ŋamgalaq di unu qaji di geregere unsim taqal waiyete.

2 Korin 11:26

Bati gargekoba e sawa isaq siŋga na walweloqnem. Ya koba doqnsiqa e ya na padaltbqa jojomoqnej. E gamq di walweleqnamqa bajiŋ tamo naŋgi gam getentoqnsibqa e lubqa laqneb. Juda tamo naŋgi ti sawa bei bei qaji tamo naŋgi ti dego e lubqa laqneb. Qure qureq dia, wadau sawaq dia, yuwalq dia dego e padalqa jojomoqnem. Gisaŋ Kristen naŋgi na dego e ugeugeibqa laqneb.

Filipai 3:2

Niŋgi geregere ŋam atsib soqniye. Tamo qudei naŋgi bauŋ juwaŋ bul sosib kumbra uge uge yoqnsib laqnub. Tamo deqaji naŋgi Israel naŋgo kumbra dauryqajqa tulaŋ siŋgilaoqnsib deqa naŋgi na iga kalil muluŋ waigwajqa mareqnub. Naŋgo muluŋ di bolesai.

Hibru 10:29

Ariya tamo bei a Qotei aqa Ŋiri qoreiyosim aqa ñam ugeugeiyqas di niŋgi kiersib are qalqab? Tamo di aqa une deqa a gulube tulaŋ kobaquja oqas. Kristus aqa leŋ na Qotei aqa anjam bunuj siŋgilatej deqa tamo di a anjam di dauryosiq a Qotei aqa segi tamo tiŋtiŋ soqnej. Ariya bunuqna a olo Yesus aqa leŋ di ugeugeiyosim Qotei aqa Mondor iga qa are boleiyeqnu qaji aqa ñam ugetqas di a une tulaŋ kobaquja yqas.

Hibru 6:6

Ariya bunuqna tamo naŋgi di olo uloŋosib Qotei aqa anjam qoreiyeb. Deqa naŋgi olo bunuqna puluosib are bulyqajqa gam saiinjrej. Naŋgo kumbra dena naŋgi na Qotei aqa Ŋiri Yesus olo ŋamburbasq di qamobulosib tamo uŋgasari naŋgo ŋamgalaq di aqa ñam ugeugeiyeb.

2 Pita 2:22

Tamo naŋgi di bauŋ ti bel ti bul. Agi anjam bole bei endegsi unu, “Bauŋ naŋgo kumbra agiende. Naŋgi ŋiloqnsib olo puluoqnsib naŋgo ŋilo uyeqnub.” Anjam bei dego unu, “Bel naŋgo kumbra agiende. Naŋgi yaq di yaloqnsib olo boqnsib jagiq di briŋeqnub.”

Uli Anjam 22:15

Tamo naŋgi kumbra uge uge yeqnub qaji naŋgi Qotei aqa qure koba di miligiq gilqasai. Naŋgi oqeq di sqab. Tamo gumaniŋo qaji, quñam qalo qaji, sambala kumbra yo qaji, leŋ ojo qaji, gisaŋ qotei biŋinjro qaji, gisaŋ kumbra dauryqajqa tulaŋ arearetnjro qaji naŋgi Qotei aqa qure koba di miligiq gilqasai. Naŋgi oqeq di sqab.