Matyu 6:3 - Yesus Aqa Anjam Bole

³ Deqa ni degyaim. Ni tamo uŋgasari iŋgi iŋgi saiqoji unub qaji naŋgi aqaryainjrqa osimqa baŋ qonaŋ na ulitsim aqaryainjrimqa baŋ wo a qalieqasai.

Matyu 6:3 Iomraidhean Croise

Matyu 12:19

A ŋiriŋ anjam maroqnqasai. A leleŋkobaoqnqasai. Gamq dia tamo uŋgasari naŋgi aqa kakoro quoqnqasai.

Matyu 6:2

“Tamo uŋgasari iŋgi iŋgi saiqoji unub qaji di ni na aqaryainjrqa osimqa gisaŋ tamo naŋgi kumbra yeqnub di ni degyaim. Gisaŋ tamo naŋgi dena tamo uŋgasari iŋgi iŋgi saiqoji unub qaji naŋgi aqaryainjrqa oqnsib tamo qudei naŋgi qariŋnjreqnab gul anjamosib namoeqnab tamo kalil naŋgi na naŋgi unjroqnsib naŋgo ñam soqteqnub. Tamo naŋgi di Qotei tal miligiq dia, gam kokbaq dia kumbra degyeqnub. Deqa niŋgi quiye. E bole merŋgwai. Qotei a tamo naŋgi di awai bole enjrqasai. Naŋgo awai agi tamo uŋgasari naŋgi na naŋgo ñam soqtetnjreqnub di kere.

Matyu 6:4

Di yawo anjam. Aqa damu endegsi unu. Ni uli na tamo uŋgasari iŋgi iŋgi saiqoji unub qaji naŋgi aqaryainjrimqa tamo kalil naŋgi qalieqasai. Ni kumbra bole di uli na yeqnam ino Abu a segi na uneqnu. Deqa a segi na ni awai bole emqas.”

Matyu 8:4

Onaqa Yesus na olo minjej, “Ni une. Ino jejamu boleqo deqa ni tamo qudei naŋgi minjraim. Ni gilsim ino jejamu atra tamo osoryosim atraiyo qaji iŋgi iŋgi Moses a nami marej qaji di osim Qotei atraiyime. Yimqa tamo naŋgi ni numsib qalieqab, ino jejamu boleqo.”

Matyu 9:30

Ojnaqa naŋgo ŋamdamu poinjrnaqa naŋgi sawa uneb. Onaqa Yesus a siŋgila na minjrej, “Nuŋgo ŋamdamu boleqo deqa niŋgi tamo qudei naŋgi minjraib.”

Mak 1:44

Ariya ni tamo qudei naŋgi ijo ñam ubtsim minjraim. Ni gilsim ino jejamu atra tamo osoryosim atraiyo qaji iŋgi iŋgi Moses nami marej qaji di osim Qotei atraiye. Yimqa tamo uŋgasari naŋgi ni numsib marqab, ‘Bole, ino jejamu boleqo.’”

Jon 7:4

Tamo bei na aqa kumbra babtqa osimqa a uliosim yqasai. Deqa ni ino maŋwa boleq na yqa marsimqa ni tamo uŋgasari kalil naŋgo ŋamgalaq di tigelosim yoqne.”