Matyu 6:1 - Yesus Aqa Anjam Bole

¹ Osiqa Yesus a olo anjam endegsi minjrej, “Tamo bei a marqas, ‘E tamo uŋgasari naŋgi gisaŋnjrsiy naŋgo ŋamgalaq dia kumbra bole bole laŋa yoqnit naŋgi e nubsib ijo ñam soqtetboqnqab.’ Ariya niŋgi degyaib. Niŋgi degyqab di nuŋgo Abu laŋ qureq di unu qaji a niŋgi awai bole eŋgwasai.

Matyu 6:1 Iomraidhean Croise

Matyu 16:27

E Tamo Aŋgro. Mondoŋ e ijo Abu aqa riaŋ ti sosiy aqa laŋ aŋgro naŋgi joqsiy bosiy tamo uŋgasari kalil naŋgo kumbra segi segi qa peginjrsiy naŋgo segi segi awai keretsiy enjrqai.

Matyu 16:6

Deqa Yesus a na naŋgi endegsi minjrej, “Niŋgi geregere ŋam atsib soqniye. Farisi ti Sadyusi ti naŋgo bem tiyeqnu qaji sum dena bem tiyekritosim tulaŋ kobaqujaqas. Deqa niŋgi geregere ŋam atsib soqniye.”

Matyu 23:13

Osiqa Yesus a olo anjam endegsi minjrej, “O dal anjam qalie tamo ti Farisi ti niŋgi ŋam atiye. Niŋgi anjam maro aiyelteqnub qaji tamo. Deqa tamo uŋgasari naŋgi laŋ qureq oqwajqa gam itqa mareqnabqa niŋgi na gam getentetnjreqnub. Niŋgi segi na laŋ qureq oqwajqa gam itqa keresai. Deqa tamo uŋgasari naŋgi dego laŋ qureq oqwajqa gam itqa yeqnab niŋgi na gam getentetnjreqnub. Nuŋgo une deqa niŋgi tulaŋ padalougetqab.

Matyu 23:5

Kumbra kalil Farisi naŋgi yeqnub qaji di tamo naŋgi unoqnsib naŋgo ñam soqtoqnqajqa deqa yeqnub. Deqa naŋgi Qotei aqa dal anjam mutu qudei pepa kiñilalaq dia neŋgreŋyoqnsibqa lopo miligiq di jigeleŋoqnsib naŋgo lanjaq dia gara ñeŋgi na qosisib laqnub. Naŋgo gara jugo mutuq dia dego naŋgi gara burbur neŋgreŋ ti wala bole bole tontoqnsib walweleqnub.

Matyu 25:40

“Naŋgi na e degsib nenembibqa e na kamba minjrqai, ‘Niŋgi quiye. E bole merŋgwai. Niŋgi na ijo was naŋgi sougetejunub qaji geregereinjroqneb di agi niŋgi e dego gereiboqneb.’

Matyu 5:16

Dego kere niŋgi puloŋ bul sosibqa boleq di kumbra bole bole yoqnibqa tamo uŋgasari naŋgi na nuŋgo kumbra di unoqnsib nuŋgo Abu laŋ qureq di unu qaji aqa ñam soqtoqnqab.”

Matyu 5:46

Ariya tamo uŋgasari niŋgi qa boleeqnub qaji naŋgi qa segi niŋgi kamba boleoqnqab di kumbra tulaŋ bolesai. Nuŋgo kumbra deqa Qotei a niŋgi awai bole eŋgwasai. Takis o qaji tamo naŋgi dego kumbra degyeqnub.

Matyu 5:48

Nuŋgo Abu laŋ qureq di unu qaji a gaigai kumbra bole tiŋtiŋ keretsiq yeqnu dego kere niŋgi nuŋgo Abu aqa kumbra di dauryosib kumbra bole tiŋtiŋ keretsib yoqniye.”

Matyu 6:16

Osiqa Yesus a olo anjam endegsi minjrej, “Niŋgi ya uratosib qurieŋqa marsibqa gisaŋ tamo naŋgi qurieŋeqnub niŋgi degyaib. Gisaŋ tamo naŋgi qurieŋoqnsibqa ulatamu ugeinjreqnaqa tamo uŋgasari naŋgo ŋamdamuq di laqnabqa unjroqnsib naŋgo ñam soqteqnub. Deqa niŋgi quiye. E bole merŋgwai. Tamo naŋgi kumbra degyeqnub qaji Qotei na awai bole enjrqasai. Naŋgo awai agi tamo uŋgasari naŋgi na naŋgo ñam soqtetnjreqnub di kere.

Matyu 6:9

“Deqa niŋgi endegsib Qotei pailyoqniye, ‘O gago Abu, ni laŋ goge di unum. Ino ñam tulaŋ boledamu. Deqa iga na ino ñam getentoqnqom.

Mak 8:15

Degsi mareqnabqa Yesus a naŋgo anjam di qusiqa yawo anjam bei endegsi minjrej, “Niŋgi geregere ŋam atsib soqniye. Bem tiyeqnu qaji sum Farisi naŋgo bem ti bulyimqa bem dena tiyekritosim tulaŋ kobaqujaqas. Herot aqa bem dego tiyekritosim tulaŋ kobaqujaqas. Deqa niŋgi geregere ŋam atsib soqniye.”

Luk 11:35

Deqa niŋgi geregere ŋam atsib soqniye. Nuŋgo jejamu suwaŋejunu di olo ambruo uge.

Luk 12:1

Onaqa tamo uŋgasari tulaŋ gargekoba naŋgi Yesus unqajqa bosib koroosib jujuŋkobaeb. Siŋga waiysib walwelqa keresai. Deqa tamo qudei naŋgi na tamo qudei naŋgo siŋga sosetnjroqneb. Onaqa Yesus na aqa aŋgro naŋgi joqsiqa naŋgi sasalosib a na minjrej, “Farisi naŋgo kumbra tulaŋ ugedamu. Deqa niŋgi geregere ŋam atsib soqniye. Farisi naŋgo kumbra uge di tulaŋ kobaqas. Bem tiyosim kobaqujaeqnu dego kere. Naŋgo kumbra uge agi marqai. Naŋgi gisaŋ ani. Babaŋ na naŋgi tamo bole. Ariya naŋgo are miligi uge.

Luk 12:15

Degsi minjsiqa tamo uŋgasari kalil naŋgi endegsi minjrej, “Niŋgi ñoro koba ti sqajqa deqa are koba qaloqnaib. Niŋgi ñoro koba ti sqab dena niŋgi ŋambile bole oqa keresai. Niŋgi ijo anjam deqa geregere are qaliye.”

Luk 16:15

Onaqa Yesus na kamba Farisi naŋgi minjrej, “Niŋgi mareqnub, ‘Iga kumbra bole yo qaji tamo. Tamo uŋgasari naŋgo ŋamdamuq dia iga kumbra bole bole yeqnum.’ Niŋgi degsib mareqnub. Ariya nuŋgo are miligi di Qotei a segi qalie. Di kiyaqa? Kumbra qudei tamo naŋgi arearetnjreqnu qaji di Qotei aqa ŋamdamuq di tulaŋ ugedamu.

Jon 12:43

Naŋgi degsib are qaleb. Di kiyaqa? Naŋgi tamo na naŋgo ñam soqtqajqa arearetnjroqnej. Naŋgi Qotei na naŋgo ñam soqtqajqa arearetnjrosaioqnej.

Jon 5:44

Niŋgi nuŋgo segi was naŋgoq dena ñam koba oqajqa are qaleqnub. Ariya Qotei a segi qujai unu. Niŋgi aqaq dena ñam koba oqajqa are qalosaieqnub. Niŋgi kumbra degyeqnub deqa niŋgi kiersib e qa nuŋgo areqalo siŋgilatqab? Di keresai.

Aposel 3:12

Tamo uŋgasari naŋgi bosib koroeeqnab Pita a naŋgi unjrsiqa endegsi minjrej, “O Israel tamo uŋgasari, niŋgi kiyaqa aqo aiyel tamo di boletonum unsibqa are koba qaleqnub? Niŋgi kiyaqa aqo aiyel nigsibqa endegsib are qalonub, ‘Naŋgo segi siŋgila na ti kumbra bole na ti tamo di boletonubqa walwelqo?’ Niŋgi degsib are qalaib.

Galesia 6:12

Niŋgi quiye. Tamo naŋgi niŋgi muluŋ breiŋgwa siŋgilaeqnub qaji naŋgi ñam koba ti sqajqa deqa yeqnub. Naŋgi tamo naŋgi qa ulaoqnsib deqa endegsib are qaleqnub, “Iga Kristus aqa ŋamburbas qa anjam gago areqaloq di siŋgilatimqa tamo naŋgi di unsib iga ugeugeigaib deqa iga na tamo naŋgi muluŋ breinjrqom.” Naŋgi degsib are qaleqnub.

Hibru 11:26

Osiqa olo endegsi are qalej, “E Kristus aqa ñam qa jemai oqai di kere. Mondoŋ e awai tulaŋ boledamu oqai. Awai dena silali ti ñoro ti Isip di unu qaji di tulaŋ buŋyejunu.” Moses a awai boledamu di oqa marsiq deqa a degsi aqa areqalo siŋgilatej.

Hibru 2:1

Qotei aqa Ŋiri a ñam kobaquja ej deqa aqa anjam iga nami quoqnem qaji di iga olo siŋgila na ojsim dauryqom. Iga dauryqasai di iga uloŋosim olo aqa anjam dauryqa urato uge.

Hibru 6:10

Niŋgi wau bolequja yoqnsib Qotei tulaŋ qalaqalaiyoqnsib aqa segi tamo uŋgasari naŋgi geregereinjroqneb. Niŋgi nami degyoqneb agi bini niŋgi degyeqnub. Qotei a tamo uge sai. A tamo bole deqa a nuŋgo kumbra di unoqnsiq olo are walyosaieqnu.

2 Jon 1:8

Deqa niŋgi geregere ŋam atoqniye. Gago wau iga nami nuŋgo ambleq di yoqnem qaji di niŋgi olo urato uge. Niŋgi siŋgila na tigeloqniye. Osib di niŋgi awai bole oqab.