Matyu 5:11 - Yesus Aqa Anjam Bole

¹¹ “Niŋgi na ijo ñam oqnsib e daurbeqnub deqa bunuqna tamo qudei naŋgi na niŋgi misiliŋgoqnsib niŋgi ugeugeiŋgoqnsib nuŋgo jejamu laŋa gisaŋyoqnqab. Di uŋgum. Niŋgi tulaŋ areboleboleiŋgeme.

Matyu 5:11 Iomraidhean Croise

Matyu 10:18

Naŋgi ijo ñam ugetqa maroqnsib deqa niŋgi joqoqnsib Rom naŋgo gate kokba ti naŋgo mandor kokba ti naŋgo ulatamuq dia niŋgi tigeltŋgoqnqab. Bati deqa niŋgi ijo anjam bole naŋgi minjroqnqab. Osib sawa bei bei qaji tamo naŋgi dego ijo anjam bole minjroqnqab.

Matyu 10:22

Niŋgi ijo ñam ejunub deqa tamo uŋgasari kalil naŋgi niŋgi qa are tulaŋ ugeinjroqnqas. Ariya tamo uŋgasari naŋgi ijo ñam siŋgila na ojsib gilsi gilsib diŋo bati itqab di Qotei na naŋgi oqas.

Matyu 10:25

Aŋgro a kobaqujaosimqa di aqa abu ombla kerekereqab. Kaŋgal tamo a powo koba osimqa di aqa tamo koba ombla kerekereqab. Jeu tamo naŋgi na tal aqa abu a ñam Belsebul waiyeqnub. Deqa iga qalieonum, naŋgi na aqa aŋgro naŋgi ñam tulaŋ ugedamu wainjrqab.”

Matyu 10:39

Tamo bei a aqa segi ŋambile qa areqalo kobaiyqas di a padalqas. Ariya tamo bei a e qa are qalsimqa aqa segi ŋambile uratqas di a olo ŋambile bole oqas.”

Matyu 19:29

Deqa tamo uŋgasari naŋgi ijo ñam qa are qaloqnsib naŋgo segi tal uratosib naŋgo was naŋgi, naŋgo jaja naŋgi, naŋgo ai wo abu wo naŋgi, naŋgo aŋgro naŋgi ti naŋgo wau kalil dego uratnjrsib e daurbqab tamo uŋgasari naŋgi di Qotei na iŋgi bole bole tulaŋ gargekoba olo enjrqas. Yimqa mondoŋ naŋgi ŋambile gaigai sqab.

Matyu 24:9

“Bati deqa naŋgi na niŋgi ojsib jaqatiŋ ti gulube ti eŋgwab. Osib niŋgi luŋgsib moiotŋgwab. Niŋgi ijo ñam ejunub deqa tamo uŋgasari kalil naŋgi niŋgi qa are tulaŋ ugeinjroqnqas.

Matyu 27:39

Ariya Yesus a ŋamburbas goge di gaiŋesonaqa tamo uŋgasari naŋgi aqa ulatamuq dena walwelosib gile beoqnsib a misiliŋyoqnsibqa gate gaiŋyoqnsib minjoqneb,

Mak 13:13

Bati deqa tamo kalil naŋgi niŋgi ijo ñam ejunub deqa niŋgi qa are tulaŋ ugeinjroqnqas. Ariya tamo uŋgasari ijo ñam siŋgila na ojsib gilsi gilsib diŋo bati itqab di Qotei na naŋgi oqas.”

Mak 13:9

“Deqa niŋgi geregere ŋam atsib soqniye. Kumbra kalil di brantosaisoqnimqa tamo qudei naŋgi bosib niŋgi ijo segi aŋgro unub deqa ojeleŋosib tamo kokba naŋgo ulatamuq dia niŋgi tigeltŋgoqnqab. Yimqa naŋgi na nuŋgo jejamuq di anjam gargekoba laŋa laŋa qametŋgoqnsib naŋgo Qotei tal miligiq dia niŋgi kumbaiŋgoqnqab. Niŋgi ijo ñam ejunub deqa naŋgi na niŋgi olo joqoqnsib Rom naŋgo mandor kokba ti Rom naŋgo gate kokba ti naŋgo ulatamuq dia niŋgi tigeltŋgoqnqab. Bati deqa Qotei na niŋgi siŋgila eŋgoqnimqa niŋgi ijo anjam geregere minjroqnqab.

Mak 4:17

Ariya anjam di naŋgo are miligiq tulaŋ guma aiosai. Deqa naŋgi sokiñalayibqa bunuqna Qotei aqa anjam gotraŋyo qaji tamo qudei naŋgi bosib naŋgi gulube enjrsib ugeugeinjrqab. Yimqa naŋgo areqalo Yesus qa siŋgilateqnub qaji di olo ulonqab.

Mak 8:35

Di kiyaqa? Tamo bei a aqa segi ŋambile qa areqalo kobaiyqas di a padalqas. Ariya tamo bei a e qa ti ijo anjam bole qa ti are qalsimqa aqa segi ŋambile uratqas di a olo ŋambile bole oqas.

Luk 21:12

“Ariya kumbra kalil di brantosaisoqnibqa namoqna tamo qudei naŋgi na bosib niŋgi jeutŋgoqnsib ugeugeiŋgoqnsib ojeleŋoqnqab. Ojeleŋoqnsib Juda gate kokba naŋgo ulatamuq dia niŋgi tigeltŋgoqnibqa naŋgi na nuŋgo jejamuq di anjam gargekoba qametŋgoqnsib niŋgi tonto talq di breiŋgoqnqab. Niŋgi ijo ñam ejunub deqa naŋgi na niŋgi joqsib Rom naŋgo mandor kokba ti naŋgo gate kokba ti naŋgo ulatamuq dia niŋgi tigeltŋgoqnqab.

Luk 21:17

Niŋgi ijo ñam ejunub deqa tamo uŋgasari kalil naŋgi niŋgi qa tulaŋ ugeoqnsib jeutŋgoqnqab.

Luk 6:22

“Niŋgi ijo ñam oqnsib e daurbeqnub deqa bunuqna tamo qudei naŋgi na niŋgi jeutŋgoqnsib misiliŋgoqnsib nuŋgo ñam ugeugeiyoqnqab. Nami naŋgo moma naŋgi na Qotei aqa medabu o qaji tamo naŋgi degsib ugeugeinjroqneb. Dego kere bunuqna naŋgi niŋgi dego ugeugeiŋgoqnqab. Di kiyaqa? Niŋgi na e Tamo Aŋgro daurbeqnub deqa. Di uŋgum. Naŋgi niŋgi ugeugeiŋgibqa niŋgi tulaŋ areboleboleiŋgeme. Niŋgi quiye. Nuŋgo awai bole agi laŋ goge di unu. Bunuqna niŋgi oqsib awai di itqab.

Luk 9:24

Tamo bei a aqa segi ŋambile qa areqalo kobaiyqas di a padalqas. Ariya tamo bei a e qa are qalsimqa aqa segi ŋambile uratqas di a olo ŋambile bole oqas.

Jon 15:21

Ariya jeu tamo naŋgi ijo Abu e qariŋbej qaji a qa qaliesai. Deqa naŋgi na niŋgi ugeugeiŋgoqnqab. Di kiyaqa? Niŋgi ijo ñam ejunub deqa.

Jon 9:28

Onaqa Farisi naŋgi na tamo di misiliŋyosib minjeb, “Ni Yesus aqa aŋgro. Iga Moses aqa aŋgro.

Aposel 9:16

A ijo ñam qa gulube gargekoba itoqnqas. Gulube di e na osoryoqnitqa itoqnqas.”

Rom 8:36

Bole, iŋgi uge uge di gagoq di brantoqnqab. Agi Qotei aqa anjam bei nami endegsib neŋgreŋyeb unu, “O Qotei, iga ino segi tamo uŋgasari unum deqa bati gaigai jeu tamo naŋgi na iga lugoqnsib moiotgeqnub. Naŋgi iga kaja du du bul nugoqnsib lugeqnub.”

1 Korin 4:10

Iga Kristus aqa ñam osi laqnum deqa iga nanari tamo bul unum. Ariya niŋgi Kristus aqa kumbra qa tulaŋ qalie unub. Iga siŋgila saiqoji unum. Ariya niŋgi siŋgila ti unub. Iga ñam saiqoji unum. Ariya niŋgi ñam ti unub.

2 Korin 4:11

Iga Yesus aqa wau ojeqnum deqa iga mandamq endi sonamqa gago jeu tamo naŋgi na bati gaigai iga moiotgwa laqnub. Kumbra dena Yesus aqa ŋambile dego gago jejamuq di olo branteqnaq tamo uŋgasari naŋgi uneqnub.

Filipai 1:29

Niŋgi quiye. Qotei na niŋgi giltŋgej deqa niŋgi Kristus aqa wau ojeqnub. Niŋgi a qa nuŋgo areqalo siŋgilatqajqa deqa segi niŋgi giltŋgosai. Niŋgi aqa ñam qa jaqatiŋ oqajqa deqa ti niŋgi giltŋgej.

1 Pita 2:23

Agi jeu tamo naŋgi na Kristus misiliŋ-yoqnsib anjam uge uge minjoqneb. Ariya a deqa kamba anjam uge bei naŋgi minjrosaioqnej. Naŋgi na Kristus jaqatiŋ koba yeqnab a deqa kamba naŋgi olo jaqatiŋ enjrqajqa marosaioqnej. A aqa segi jejamu osiqa Qotei aqa baŋq di uratej. Qotei agi tamo kalil naŋgi kumbra bole tiŋtiŋ na peginjreqnu qaji.

1 Pita 4:14

Niŋgi Kristus aqa ñam ojejunub deqa jeu tamo naŋgi na niŋgi misiliŋgwab di uŋgum. Niŋgi deqa areboleboleiŋgem. Di kiyaqa? Niŋgi qalie, Qotei aqa Mondor ñam koba ti siŋgila ti unu qaji a na niŋgi beterŋgejunu deqa.

Uli Anjam 2:3

Ni ijo ñam ojejunum deqa tamo qudei naŋgi na ni numoqnsib ugeugei-meqnub. Ariya e qalieonum, ni siŋgila na tigeloqnsimqa gulube di qoboiyeqnum. Ni asgimosaieqnu.