Matyu 4:7 - Yesus Aqa Anjam Bole

⁷ Onaqa Yesus na kamba Satan minjej, “Qotei aqa anjam bei dego endegsib neŋgreŋyeb unu, ‘Ni ino Tamo Koba Qotei aqa siŋgila unqa osimqa ni na kumbra bei laŋa yaim. A ni aqaryaimqas kio sai kio di unqa osimqa kumbra bei laŋa yaim.’”

Matyu 4:7 Iomraidhean Croise

Matyu 21:16

Osib Yesus minjeb, “Aŋgro du du naŋgi leleŋoqnsib anjam mareqnub di ni queqnum e?” Onaqa Yesus na kamba minjrej, “Od, e naŋgo anjam queqnum. Deqa e niŋgi merŋgwai. Qotei aqa anjam bei nami endegsib neŋgreŋyeb unu, ‘O Abu, aŋgro du du naŋgi na ino ñam soqteqnub.’ Anjam di niŋgi nami sisiyosai kio?”

Matyu 21:42

Naŋgi degsib Yesus minjnabqa a na olo minjrej, “Qotei aqa anjam bei unu. Niŋgi anjam di nami sisiyosai kio? Agi anjam nami endegsib neŋgreŋyeb unu, ‘Tal gereiyo qaji tamo naŋgi na tal aqa ai arqsibqa uge qa marsib taqal waiyeb. Onaqa tal aqa ai di Qotei na olo osiq tumaq di tigeltej unu. Tal aqa ai di tal siŋgilatqajqa deqa tigeltej unu. Tamo Koba Qotei a segi na tal aqa ai di tigeltej deqa iga unsim mareqnum, “Tal aqa ai di tulaŋ bolequja.” ’

Matyu 4:10

Onaqa Yesus na minjej, “Satan, ni ulaŋ. Qotei aqa anjam bei nami endegsib neŋgreŋyeb unu, ‘Ino Tamo Koba Qotei a segi qa louoqnsimqa aqa sorgomq di soqne.’”

Matyu 4:4

Degsi minjnaqa Yesus na kamba minjej, “Qotei aqa anjam bei nami endegsib neŋgreŋyeb unu, ‘Tamo naŋgi iŋgi na segi ŋambile sqasai. Anjam kalil Qotei aqa medabuq na branteqnu qaji dena naŋgi ŋambile sqab.’”

Luk 4:12

Onaqa Yesus na kamba Satan minjej, “Qotei aqa anjam bei dego endegsib neŋgreŋyeb unu, ‘Ni ino Tamo Koba Qotei aqa siŋgila unqa osimqa ni na kumbra bei laŋa yaim. A ni aqaryaimqas kio sai kio di unqa osimqa kumbra bei laŋa yaim.’”

Aposel 15:10

Deqa niŋgi kiyaqa Kristen tamo uŋgasari naŋgi muluŋ unsib Moses aqa dal anjam dauryqajqa anjam di minjroieqnub? Nuŋgo kumbra dena niŋgi na naŋgi gulube koba enjreqnub. Gulube di nami gago moma naŋgi oqa keresai. Bini iga na dego gulube di oqa keresai. Niŋgi endegsib are qalonub kio, ‘Qotei a gago kumbra di unqasai.’ Degosib niŋgi yonub.

Aposel 5:9

Degsi minjnaqa Pita na minjej, “Kiyaqa ni ino gumbuluŋ wo anjam keretosib kumbra uge di yonub? Niŋgi maronub, ‘Tamo Koba Qotei aqa Mondor a gago kumbra di unqasai.’ Degosib niŋgi yonub. Ni que. Aŋgro wala ino gumbuluŋ subq atonub qaji naŋgi bosib siraŋmeq di tigelonub. Naŋgi ni dego qoboimosib gilsib subq atqab.”

1 Korin 10:9

Iga Kristus aqa kumbra tenemtosim laŋa pegiyqasai. Agi gago moma qudei naŋgi Tamo Koba Qotei aqa kumbra tenemtoqnsib laŋa pegiyoqneb deqa Qotei na amal uge qariŋnjrnaqa bosib naŋgi uñinjrnab moreŋeb.

Hibru 3:9

Bunuqna naŋgi ijo siŋgila bati gaigai unoqneb gilsi gilsiq wausau 40 koboej. Ariya naŋgi deqa e qa are qalosaioqneb.