Matyu 4:3 - Yesus Aqa Anjam Bole

³ Onaqa walawalaiyo tamo Satan a Yesus aqa areq bosiqa minjej, “Ni Qotei aqa Ŋiriamqa meniŋ kalil endi minjrim bem bulyibqa ni uye.”

Matyu 4:3 Iomraidhean Croise

Matyu 14:33

Onaqa tamo qobuŋq di soqneb qaji naŋgi Yesus aqa siŋgila di unsibqa naŋgi aqa ŋam soqtosib minjeb, “Bole, ni Qotei aqa Ŋiri.”

Matyu 16:16

Onaqa Saimon Pita na minjej, “Ni Kristus. Ni Qotei ŋambile gaigai unu qaji aqa segi Ŋiri qujai.”

Matyu 26:63

Onaqa Yesus a torei mequmej. A anjam bei yala marosai. Deqa atra tamo gate na olo nenemyej, “Qotei ŋambile gaigai unu qaji aqa ñam na e ni nenemmqai, ni Kristus e? Ni Qotei aqa Ŋiri e? Ni e merbe.”

Matyu 3:17

Unnaqa laŋ goge dena Qotei a anjam marnaqa tamo uŋgasari naŋgi aqa kakoro queb. A endegsi marnaq queb, “Di ijo aŋgro qujai. E na a tulaŋ qalaqalaiyeqnum. E a qa tulaŋ areboleboleibqo.”

Mak 1:1

Qotei aqa Ŋiri Yesus Kristus aqa anjam bole e utruq na saqai.

Mak 3:11

Tamo mondor uge uge na ojeleŋo qaji naŋgi dego Yesus aqa areq boqneb. Boqnsibqa mondor uge naŋgi na Yesus unoqnsib aqa siŋgaq dia siŋga pulutoqnsib maoqnsib minjoqneb, “Ni Qotei aqa Ŋiri.”

Luk 1:35

Onaqa laŋ aŋgro na minjej, “Qotei aqa Mondor Bole a ni qa aisimqa Tamo Koba Qotei aqa siŋgila ni emqas. Deqa a ino leŋq dena ŋambabosimqa aqa so tulaŋ boledamu sqas. Deqa a Qotei aqa kumbra ti sqas. Naŋgi a qa maroqnqab, ‘A Qotei aqa Ŋiri.’

Luk 22:70

Yesus a naŋgi degsi minjrnaqa naŋgi na nenemyeb, “Deqa ni Qotei aqa Ŋiri e?” Onaqa a na kamba minjrej, “Od. Agi niŋgi na maronub di kere.”

Luk 4:3

Onaqa Satan na minjej, “Ni Qotei aqa Ŋiriamqa meniŋ kalil endi minjrim bem bulyibqa ni uye.”

Luk 4:41

Mondor uge gargekoba dego Yesus na winjreqnaqa naŋgi na tamo uŋgasari naŋgi uratnjroqnsib jaraioqneb. Jaraioqnsib tulaŋ koba leleŋoqnsib Yesus minjoqneb, “Ni Qotei aqa Ŋiri.” Yeqnabqa Yesus a siŋgila na minjroqnej, “Niŋgi ijo ñam ubtsib maraib.” Degsi saidnjroqnej. Di kiyaqa? Naŋgi qalie, Yesus a Kristus deqa.

Luk 4:9

Onaqa Satan na Yesus olo osiqa Jerusalem qureq aisiq atra tal quraq oqsiq goge dia Yesus atsiqa minjej, “Ni Qotei aqa Ŋiriamqa endena prugosim mandamq aie.

Jon 1:34

Qotei a na e degsi merbonaqa e tamo di unsimqa marem, ‘Bole, tamo di a Qotei aqa Ŋiri.’”

Jon 1:49

Onaqa Nataniel a Yesus aqa anjam di qusiqa minjej, “O Qalie Tamo Koba, ni degsi maronum deqa e poibqo, ni Qotei aqa Ŋiri. Ni Israel naŋgo Mandor Koba.”

Jon 20:31

Niŋgi ijo anjam endi sisiyosib Yesus qa nuŋgo areqalo siŋgilatosib a bole Kristus Qotei aqa Ŋiri degsi poiŋgwajqa deqa e na anjam endi neŋgreŋyonum. Yimqa niŋgi Yesus aqa ñam na ŋambile gaigai sqab.

Jon 9:35

Farisi naŋgi na tamo di taqalq waiyonab Yesus a degsi qusiqa a qa ŋamosiq itosiq minjej, “Ni Tamo Aŋgro qa ino areqalo siŋgilatonum e?”

2 Korin 1:19

Nami e na Sailas na Timoti na iga qalub Qotei aqa Ŋiri Yesus Kristus aqa anjam palontosim niŋgi merŋgoqnem. Niŋgi qalie, Yesus a dego laŋa odoqnsiq olo saidosaieqnu. A gaigai Qotei aqa ñam na odeqnu.

Galesia 2:20

Osim e olo ŋambile bunuj em. Ariya ŋambile di ijo segi ŋambile sai. Kristus a segi ijo are miligiq di ŋambile unu. Deqa bini kumbra kalil e mandamq endi yeqnum qaji di e Qotei aqa Ŋiri qa ijo areqalo siŋgilatosim yeqnum. Agi Qotei aqa Ŋiri a na e tulaŋ qalaqalaibosiq deqa a aqa segi ŋambile uratosiq e qa moiej.

1 Tesalonaika 3:5

Utru deqa e niŋgi qa tariŋqa keresai. Deqa e Timoti qariŋyonam niŋgi qa bej. E endegsi are qalem. Walawalaiyo tamo Satan a na niŋgi uneq waiŋgwoqa niŋgi na gago wau di laŋa ulontosib nuŋgo areqalo Yesus qa siŋgilatqa uratonub kio? E di qalieqajqa deqa Timoti qariŋyonam niŋgi qa bej.

Hibru 12:16

Niŋgi na tamo naŋgi saidnjribqa naŋgi sambala kumbra yaib. Osib tamo naŋgi Qotei qoreiyqajqa dego saidnjriye. Agi nami Iso na Qotei qoreiyosiqa a aŋgro matu soqnej deqa are qalosaiosiq iŋgi bole kalil aqa abu na nami a yqajqa minjej qaji di bati qujai qa qariŋyosiq dena iŋgi awaiyosiq uyej.

Hibru 4:14

Ariya gago atra tamo kobaquja unu. A laŋ qureq oqsiq di unu. A Qotei aqa Ŋiri Yesus. Deqa iga a qa gago areqalo siŋgilatoqnsim aqa ñam boleq na maroqnqom.

Hibru 7:3

Melkisedek a abu saiqoji. A ai saiqoji. A leŋ bei saiqoji dego. Aqa ŋambabo bati di iga qaliesai. Aqa moiqajqa bati di dego iga qaliesai. Deqa a Qotei aqa Ŋiri bul. Deqa a bati gaigai atra tamo sqas.

1 Jon 3:8

Satan a nami une atsiq boqnej agi bini degsi unu. Deqa tamo a une atoqnqas di a Satan aqa tamo sqas. Ariya Qotei aqa Ŋiri a Satan aqa wau kobotqa bej.

Uli Anjam 2:10

Bunuqna ni jaqatiŋ koba oqam. Ni deqa ulaaim. Ni que. Satan a na niŋgi qudei ojeleŋosim tonto talq breiŋgwas. Breiŋgimqa niŋgi ijo ñam geregere ojqab kio ijo ñam uratosib uloŋqab kio di Satan a nuŋgo areqalo unsim qalieqajqa deqa niŋgi tonto talq breiŋgwas. Niŋgi bati 10-pela gulube ti jaqatiŋ ti sqab. Ariya niŋgi e qa nuŋgo areqalo siŋgilatosib soqniye. Sosib sosib gilsib jeu tamo naŋgi na niŋgi liŋgib moreŋqab. Amqa e na niŋgi ŋambile eŋgwai. Ŋambile di nuŋgo awai boledamu.