Matyu 4:10 - Yesus Aqa Anjam Bole

¹⁰ Onaqa Yesus na minjej, “Satan, ni ulaŋ. Qotei aqa anjam bei nami endegsib neŋgreŋyeb unu, ‘Ino Tamo Koba Qotei a segi qa louoqnsimqa aqa sorgomq di soqne.’”

Matyu 4:10 Iomraidhean Croise

Matyu 16:23

Onaqa Yesus a bulosiqa Pita koqyosiqa ŋiriŋtosiq minjej, “Ni Satan bul. Deqa ni ijo qoreq gile. Ni ijo gam getentetbaim. Ni Qotei aqa areqalo dauryosai. Ni mandam tamo naŋgo areqalo dauryonum. Dauryosim agi ni na anjam di merbonum.”

Luk 10:18

Onaqa Yesus na minjrej, “Kola minjal urur mandamq aieqnu dego kere Satan a urur laŋ goge dena uloŋosiq aieqnaq e unonum.

Luk 11:18

Dego kere Satan na aqa segi mondor uge naŋgi winjrqas di naŋgi poaiyelqab. Deqa a kiersim aqa mondor uge naŋgi olo taqatnjrqas? Di keresai. Niŋgi mareqnub, e Belsebul aqa siŋgila na mondor uge naŋgi winjreqnum.

Luk 13:16

Ariya uŋa endi a Abraham aqa leŋ. Satan na ma yonaqa wausau 18 ma ti soqnej. Deqa e kiyaqa yori bati qa aqa ma di uratit sqas? Sai. E boletqai.”

Luk 22:3

Onaqa Satan a Judas aqa miligiq aiej. Judas aqa ñam bei Iskariot. A dego Yesus aqa aŋgro 12-pela naŋgi deqaji bei.

Luk 22:31

Yesus a na aqa aŋgro naŋgi anjam degsi minjrsiq koboonaqa olo Pita minjej, “O Saimon, ni que. Ijo aŋgro kalil niŋgi dego quiye. Satan a na niŋgi uneq waiŋgwa marqo. Niŋgi siŋgila na tigelesosib e daurbqab kio e uratbosib jaraiqab kio di Satan a nuŋgo areqalo tenemtsim qalieqajqa deqa niŋgi uneq waiŋgwa marqo. Agi tamo naŋgi wit ñoqoryoqnsib damu eleŋeqnub dego kere.

Luk 4:8

Onaqa Yesus na minjej, “Moses a nami Qotei aqa anjam endegsi neŋgreŋyej unu, ‘Ino Tamo Koba Qotei a segi qa louoqnsimqa aqa sorgomq di soqne.’”

Jon 13:27

Anaiyonaq uynaq Satan a Judas aqa are miligiq ainaqa Yesus na minjej, “Ni kumbra yqam qaji di endego yoqujat.”

Aposel 26:18

Ni naŋgoq gilsim ijo anjam minjroqnimqa naŋgi e qa poinjroqnim ambru uratosib suwaŋoq bqab. Satan a na naŋgi joqej unu. Deqa ni na naŋgi are bulyetnjroqnimqa naŋgi Satan aqa siŋgila uratosib Qotei aqaq giloqnqab. Amqa e na naŋgo une kalil kobotetnjritqa naŋgi tamo uŋgasari nami e qa naŋgo areqalo siŋgilateb qaji naŋgi ti koba na ijo segi tamo uŋgasari boledamu sqab.’

Aposel 5:3

Onaqa Pita na minjej, “Ananaias, kiyaqa Satan a ino are miligiq aiqoqa ni Qotei aqa Mondor gisaŋyonum? Ino mandam awaiyonub silali osim kiyaqa oto bei ino segi qa marsim ulitonum?

1 Korin 5:5

Niŋgi koroesosibqa tamo di ojsib Satan aqa baŋq di atibqa Satan na a osim aqa jejamu gulube yqas. Yim mondoŋ Tamo Koba Yesus a olo bqajqa batiamqa Qotei na tamo di aqa qunuŋ olo oqas.

1 Korin 7:5

Deqa niŋgi nuŋgo jejamu getentaib. Ariya bati bei niŋgi nuŋgo uŋa wo ombla areqalo qujaitosib pailyqa bati atsib di niŋgi nuŋgo jejamu getentosib pailyoqniye. Ariya bunuqna pailyo bati koboamqa niŋgi nuŋgo jejamu olo turtiye. Niŋgi degyqasai di niŋgi nuŋgo segi jejamu geregere taqatqa keresai deqa Satan a na niŋgi osim sambala kumbraq olo waiŋgwas.

2 Korin 11:14

O was qu, niŋgi naŋgo kumbra di unsib niŋgi deqa tulaŋ prugaib. Iga qalie, Satan a dego gisaŋoqnsiqa aqa kumbra bulyoqnsiqa Qotei aqa laŋ aŋgro bole riaŋ ti unub qaji naŋgi buleqnu.

2 Korin 12:7

Qotei na kumbra tulaŋ boledamu e osorbej. Ariya e kumbra di unsiy deqa ijo segi ñam soqtosiy diqosiy laaim deqa Qotei na gulube tulaŋ uge sil luwit bul qariŋyonaq ijo jejamuq bej. Gulube di Satan na ojsiqa dena e ugeugeibeqnu.

2 Korin 2:11

E degyqai. Di kiyaqa? Tamo uge Satan a na iga gisaŋgosim ugeugeigo uge. Satan aqa areqalo ti aqa uli kumbra ti di iga bole qalieonum.

Jems 4:7

Deqa was qu, niŋgi nuŋgo segi ñam aguq atoqnsib Qotei aqa sorgomq di geregere soqniye. Sosib Satan gotraŋyoqniye. Yimqa Satan a na niŋgi uratŋgosim ulaŋqas.

1 Pita 5:9

Ariya niŋgi Kristus qa nuŋgo areqalo siŋgilatoqnsib Satan gotraŋyoqniye. Niŋgi qalie, niŋgi jaqatiŋ eqnub dego kere Qotei aqa tamo uŋgasari sawa sawa kalilq di unub qaji naŋgi dego jaqatiŋ eqnub.