Matyu 3:7 - Yesus Aqa Anjam Bole

⁷ Bati deqa Farisi tamo ti Sadyusi tamo ti tulaŋ gargekoba naŋgi Jon na yansnjrqa marsibqa aqa areq beqnabqa unjrsiqa naŋgi endegsi minjroqnej, “Niŋgi amal uge bul. Qotei a niŋgi qa minjiŋ ani oqetqo deqa a na niŋgi ŋolawotŋgwas. Yai na niŋgi merŋgwoqa Qotei aqa minjiŋ nuŋgoq aiaim deqa ulaosib ijoq bonub?

Matyu 3:7 Iomraidhean Croise

Matyu 12:24

Naŋgi degsib mareqnabqa Farisi naŋgi qusibqa saidnjrsib minjreb, “Sai. Mondor uge naŋgo gate koba Belsebul a Yesus aqa jejamuq di unu. Deqa siŋgila dena Yesus na mondor uge naŋgi winjreqnu.”

Matyu 12:34

Niŋgi tamo uge. Niŋgi amal uge bul. Niŋgi kiersib anjam bole maroqnqab? Tamo naŋgo areqalo naŋgo are miligiq di unu qaji di naŋgo medabuq na branteqnu.

Matyu 15:12

Yesus a na tamo uŋgasari naŋgi anjam degsi minjrsiq koboonaqa aqa aŋgro naŋgi aqa areq bosib minjeb, “Farisi naŋgi ino anjam di qusib ni qa are ugeinjrqo. Di ni qalie e?”

Matyu 16:1

Onaqa Farisi naŋgi ti Sadyusi naŋgi ti Yesus aqa areq bosibqa a anjam bei grotimqa qusib naŋgi a ojqajqa deqa gisaŋyosib minjeb, “Ni endego Qotei aqa maŋwa bei babtimqa iga unsim dena poigwas, ni Qotei aqa wau ojeqnum.”

Matyu 16:6

Deqa Yesus a na naŋgi endegsi minjrej, “Niŋgi geregere ŋam atsib soqniye. Farisi ti Sadyusi ti naŋgo bem tiyeqnu qaji sum dena bem tiyekritosim tulaŋ kobaqujaqas. Deqa niŋgi geregere ŋam atsib soqniye.”

Matyu 22:15

Onaqa Farisi naŋgi jaraiosib naŋgi anjam kie Yesus nenemyibqa a anjam grotimqa qusib naŋgi a ojqajqa deqa qairoqneb.

Matyu 22:23

Onaqa bati qujai deqa Sadyusi tamo qudei naŋgi Yesus a nenemyqa beb. Sadyusi naŋgi mareqnub, “Tamo moreŋo qaji naŋgi olo subq na tigelqasai.” Deqa naŋgi bosib Yesus endegsib nenemyeb,

Matyu 22:34

Yesus a Sadyusi naŋgi anjam degsi minjrnaqa naŋgi na kamba olo anjam bei minjqa keresaiinjrnaqa Farisi naŋgi di qusib olo Yesus aqa areq beb.

Matyu 23:33

Niŋgi amal uge bul. Deqa mondoŋ Qotei a nuŋgo une qa merŋgsim niŋgi ŋamyuoq breiŋgwas. Yimqa niŋgi kiersib olo bole sqab? Keresai.

Matyu 5:20

E niŋgi endegsi merŋgwai. Niŋgi Qotei aqa areqalo dauryqa uratosib nuŋgo kumbra bole a dal anjam qalie tamo naŋgi ti Farisi ti naŋgo kumbra bole buŋyqasai di Qotei a niŋgi taqatŋgosim nuŋgo Mandor Koba sqasai. Deqa niŋgi laŋ qureq oqwa keresai.”

Mak 12:13

Jaraiosib Farisi naŋgi ti Herot aqa wau tamo qudei ti naŋgoq gilsib minjreb, “Niŋgi Yesus aqaq gilsib a gisaŋyosib anjam bei nenemyibqa a anjam grotimqa di iga qusim ojqom.” Degsib minjrsib naŋgi qariŋnjrnab Yesus aqa areq gilsib gisaŋyosib minjeb, “O Qalie Tamo Koba, iga qalie, ni anjam bole maro qaji tamo. Ni anjam bole segi tamo uŋgasari naŋgi minjroqnsim Qotei aqa kumbra osornjreqnum. Ni tamo bei ulaiyosaieqnum. Ni tamo ñam ti naŋgi anjam bei minjroqnsim olo tamo ñam saiqoji naŋgi anjam bei minjrosaieqnum. Ni anjam qujai tamo kalil naŋgi minjreqnum. Deqa ni iga merge. Iga Sisar takis yqom e? Yqasai e? Takis atqom kio sai kio? Ni kiersi are qalonum?”

Mak 12:18

Onaqa bati qujai deqa Sadyusi tamo qudei naŋgi Yesus a nenemyqa beb. Sadyusi naŋgi mareqnub, “Tamo moreŋo qaji naŋgi olo subq na tigelqasai.” Deqa naŋgi bosib Yesus endegsib nenemyeb,

Mak 8:15

Degsi mareqnabqa Yesus a naŋgo anjam di qusiqa yawo anjam bei endegsi minjrej, “Niŋgi geregere ŋam atsib soqniye. Bem tiyeqnu qaji sum Farisi naŋgo bem ti bulyimqa bem dena tiyekritosim tulaŋ kobaqujaqas. Herot aqa bem dego tiyekritosim tulaŋ kobaqujaqas. Deqa niŋgi geregere ŋam atsib soqniye.”

Luk 16:14

Yesus a na aqa aŋgro naŋgi anjam degsi minjrnaqa Farisi naŋgi qusib deqa Yesus yomuiyeb. Farisi naŋgi bati gaigai silali koba oqnqajqa are qaloqneb. Utru deqa naŋgi Yesus yomuiyeb.

Luk 18:11

Naŋgi atra tal miligiq gilsibqa Farisi tamo a namo tigelosiqa aqa segi jejamu soqtosiqa endegsi pailyej, ‘O Qotei, e tamo qudei naŋgi unub dego sai. E gisaŋ na tamo uŋgasari naŋgi silali yainjrosaieqnum. E sambala kumbra yosaieqnum. E kumbra uge bei dego yosaieqnum. E takis o qaji tamo di bul sai.

Luk 7:30

Ariya Farisi naŋgi ti dal anjam qalie tamo naŋgi ti Jon na yansnjrqa urateb deqa naŋgi gam bole Qotei na osornjrej qaji di qoreiyeb.

Jon 1:24

Farisi naŋgi na atra tamo naŋgi di qariŋnjrnab Jon aqaq gileb.

Jon 8:44

Niŋgi nuŋgo abu Satan aqa aŋgro. Niŋgi nuŋgo abu Satan aqa areqalo dauryqajqa tulaŋ siŋgilaeqnub. Satan a nami tamo qalo qaji tamo soqnej agi bini unu. A kumbra bole dauryosaieqnu. Di kiyaqa? A kumbra bole dauryqajqa torei urateqnu. A anjam marqas di a gisaŋ anjam segi marqas. A gisaŋ anjam qa utru. A gisaŋ tamo. A gisaŋ anjam kalil aqa abu.

Jon 9:40

Onaqa Farisi qudei Yesus aqa areq di soqneb qaji naŋgi aqa anjam di qusib nenemyeb, “Iga dego ŋam qandimgejunu kio?”

Aposel 15:5

Naŋgi kalil qusibqa tamo qudei nami Farisi naŋgo ambleq di soqneb qaji naŋgi tigelosib mareb, “Sawa bei bei qaji tamo naŋgi Yesus qa naŋgo areqalo siŋgilatqa osib muluŋ dego unsib Moses aqa dal anjam dauryoqnqab di kere. Naŋgi Yesus qa naŋgo areqalo laŋa siŋgilatqab di keresai.”

Aposel 20:31

Deqa niŋgi geregere ŋam atsib sosibqa ijo kumbra e bati gaigai nuŋgo ambleq di yoqnem qaji deqa are qalsib dauryoqniye. Agi wausau qalub e niŋgi koba na sosimqa niŋgi padalaib deqa qolo ti qanam ti Qotei aqa anjam niŋgi merŋgoqnsim akamoqnem. E wau di uratosaioqnem. Niŋgi ijo kumbra deqa geregere are qalsib dauryoqniye.

Aposel 26:5

Naŋgi nami ijo kumbra qa qaliesoqneb. Ni na naŋgi nenemnjrimqa degsib mermqab. Farisi naŋgo dal anjam dauryqajqa tulaŋ wau koba. Gago Juda gago dal anjam ti keresai. E aŋgro wala qa sosimqa e Farisi naŋgo ambleq di sosim e naŋgo kumbra dauryoqnem. Juda tamo kokba naŋgi di qalie.

Aposel 5:17

Yesus aqa aŋgro 12-pela naŋgi kumbra degyeqnabqa atra tamo gate aqa wau qujai agi Sadyusi naŋgi ti koba na unsib minjiŋ oqetnjrnaqa naŋgi ojeleŋosib tonto talq di breinjrnab soqneb.

Rom 1:18

Iga qalie, Qotei a laŋ goge di sosiqa aqa minjiŋ boleq ateqnu. A na tamo uŋgasari a qoreiyoqnsib kumbra uge uge yeqnub qaji naŋgi awai uge enjreqnu. Naŋgo kumbra uge dena naŋgi Qotei aqa anjam bole olo tenteqnub.

Rom 5:9

Kristus a moinaqa aqa leŋ aisiq gago une kobotetgej deqa bini Qotei a iga tamo bole une saiqoji qa mergeqnu. Deqa iga bole qalieonum, mondoŋ Qotei a Kristus aqa baŋ na iga oqas. Yim aqa minjiŋ oqwa batiamqa iga so bole sqom.

1 Tesalonaika 1:10

Mondoŋ Qotei aqa Ŋiri a laŋ qureq dena olo bqas deqa bini niŋgi a qa tariŋoqnsib unub. A moinaqa Qotei na olo subq na tigeltej. Di Yesus a segi qujai. A na iga eleŋej deqa mondoŋ Qotei aqa minjiŋ oqwa bati boqnimqa iga aqa minjiŋ di turqasai. Iga so bole gaigai sqom.

Hibru 11:7

Noa a dego Qotei qa aqa areqalo siŋgilatej. Deqa Qotei na minjej, “E bunuqna awa qariŋyit bosim mandam kalil keretqas. Deqa ni qobuŋ qujai gereiyime.” Ariya Noa a Qotei aqa anjam di aqa damu unosaisosiqa a Qotei aqa anjam di dauryosiqa aqa uŋa ti aqa aŋgro ti naŋgi padalaib deqa qobuŋ qujai gereiyej. A Qotei qa aqa areqalo siŋgilatej deqa a na tamo uŋgasari kalil mandamq di soqneb qaji naŋgo kumbra uge ubtsiq minjroqnej. A Qotei qa aqa areqalo siŋgilatosiq qobuŋ gereiyej deqa Qotei na a tamo bole une saiqoji qa minjej. Agi Qotei na tamo kalil a qa naŋgo areqalo siŋgilateqnub qaji naŋgi tamo bole une saiqoji qa minjreqnu.

Hibru 6:18

Deqa Qotei aqa kumbra aiyel unu. A na aqa anjam di Abraham minjej. Osiqa aqa anjam di siŋgilatej. Aqa kumbra aiyel di unu deqa a na aqa anjam di olo bulyqa keresai. A gisaŋqa keresai dego. Deqa iga tamo uŋgasari Qotei aqa areq gileqnum qaji iga aqa anjam deqa are qaloqnsim gago are siŋgilatoqnsim iŋgi bole bole Qotei a nami iga egwa marej qaji di oqajqa tariŋesqom.

1 Jon 3:10

Iga kiersi qalieqom, tamo di a Qotei aqa aŋgro? Tamo di a Satan aqa aŋgro? Iga endegsi qalieqom. Tamo naŋgi kumbra tiŋtiŋ yosaieqnub qaji naŋgi Qotei aqa aŋgro sai. Tamo naŋgi Qotei aqa aŋgro naŋgi qalaqalainjrosaieqnub qaji naŋgi dego Qotei aqa aŋgro sai.