Matyu 3:6 - Yesus Aqa Anjam Bole

⁶ Boqnsibqa naŋgo une kalil palontekriteqnab Jon na Jordan yaq di yansnjroqnej.

Matyu 3:6 Iomraidhean Croise

Matyu 3:11

“Niŋgi are bulyqajqa deqa e ya na niŋgi laŋa yansŋgeqnum. Ariya Tamo Koba a bunuqna ijo qoreq na bqas. A tamo siŋgila koba. Ijo siŋgila aqa siŋgila ti keresai. Deqa e a kaŋgalyqajqa e tamo bolesai. A bosimqa Qotei aqa Mondor aqa siŋgila na ti ŋamyuo na ti niŋgi yansŋgwas.

Luk 1:16

Bunuqna a na qujai Israel tamo uŋgasari gargekoba naŋgi anjam minjroqnimqa naŋgi qusib are bulyosib naŋgo Tamo Koba Qotei areiyoqnsib sqab.

Luk 3:16

Onaqa Jon a naŋgo areqalo di qalieosiqa minjrej, “Tamo Koba a bunuqna ijo qoreq na bqas. A tamo siŋgila koba. Ijo siŋgila aqa siŋgila ti keresai. Deqa e a kaŋgalyqajqa e tamo bolesai. E ya na laŋa yansŋgeqnum. Ariya Tamo Koba a bosimqa Qotei aqa Mondor aqa siŋgila na ti ŋamyuo na ti niŋgi yansŋgwas.

Aposel 1:5

Jon a ya na tamo uŋgasari naŋgi laŋa yansnjroqnej. Ariya bati qudei koboamqa e Qotei aqa Mondor na niŋgi yansŋgwai.”

Aposel 11:16

Naŋgoq ainaqa e unsimqa Tamo Koba Yesus aqa anjam nami mergej qaji deqa olo are qalem. Agi a nami endegsi mergej, ‘Jon a ya na tamo uŋgasari naŋgi laŋa yansnjroqnej. Ariya e Qotei aqa Mondor na niŋgi yansŋgwai.’

Aposel 19:18

Bati deqa tamo uŋgasari tulaŋ gargekoba naŋgi are bulyoqnsibqa Yesus qa naŋgo areqalo siŋgilatoqneb. Deqa naŋgi boqnsib naŋgo kumbra uge uge nami yoqneb qaji di tamo kalil naŋgo ŋamdamuq dia ubtosib maroqneb.

Aposel 22:16

Deqa ni tariŋaim. Ni urur tigelosim are bulyosim Yesus aqa ñam qa ino areqalo siŋgilatosim pailye. Yimqa e na ni yansmitqa Qotei na ino une kalil kobotetmqas.’ Ananaias na e anjam degsi merbonaqa e aqa anjam di dauryosim yem.

1 Korin 10:2

Naŋgi kalil Moses dauryeb deqa naŋgi laŋbi ti Yuwal Lentq dena ti yanso eb.

Kolosi 2:12

Niŋgi yanso eb bati deqa niŋgi Kristus beteryosib a ti moieb. Onaqa Qotei na niŋgi Kristus ombla subq atej. Ariya Qotei na Kristus olo subq na tigeltej aqa kumbra di niŋgi nuŋgo areqaloq di siŋgilateb deqa a na niŋgi dego Kristus ombla subq na tigeltŋgej unub.

Hibru 6:2

Anjam bei agi yanso oqajqa anjam. Anjam bei agi Kristen gate naŋgi na wau tamo naŋgi giltnjrqa maroqnsib naŋgo gateq di baŋ ateqnub. Anjam bei agi subq na tigelqajqa anjam. Anjam bei agi Qotei na tamo kalil naŋgo une qa naŋgi peginjrsimqa tamo qudei naŋgi ŋambile enjrimqa naŋgi so bole gaigai sqab. Ariya tamo qudei naŋgi Qotei na ŋamyuoq di breinjrim naŋgi dia gaigai sqab. O was qu, anjam di iga nami utruq na quoqnem. Ariya bini iga anjam dena prugosim olo Kristus aqa anjam qudei iga siŋgilatgwajqa qaji di dauryoqnqom.

Hibru 9:10

O was qu, dal anjam di uyo iŋgi qa ti ya uyo qa ti yanso oqajqa ti deqa mareqnu. A jejamu qa iŋgi iŋgi qa segi mareqnu. Ariya Qotei na dal anjam di tamo uŋgasari naŋgi enjrej. Osiqa endegsi are qalej, “Naŋgi mati dal anjam di dauryosib giloqnib bunuqna batiamqa e na iŋgi iŋgi kalil tingitnjrit koboamqa e olo gam bunuj naŋgi osornjrqai.”

Jems 5:16

Deqa was qu, niŋgi nuŋgo segi segi une palontosib Kristen was qu naŋgi minjroqniye. Osib niŋgi segi segi qa pailyoqniye. Yim Qotei a na niŋgi boletŋgwas. Tamo naŋgi kumbra tiŋtiŋ yeqnub qaji naŋgo pail siŋgila koba. Deqa naŋgi pailyeqnab Qotei a quoqnsiqa naŋgi aqaryainjreqnu.

1 Pita 3:21

Dego kere niŋgi ya na yanso eb deqa Qotei a niŋgi dego eleŋej. A ya dena nuŋgo jejamu qaji jiga di yansetŋgosai. Niŋgi yanso eb bati deqa niŋgi Qotei pailyonab a na nuŋgo are miligi qaji jiga yansetŋgej. Qotei na Yesus Kristus olo subq na tigeltej gam dena a na niŋgi eleŋej.

1 Jon 1:9

Ariya iga gago segi une babtosim marqom, “Od, e une ti.” Degsi marqom di Qotei a aqa segi anjam nami marej qaji di dauryosim kumbra tiŋtiŋ na gago une kobotetgwas. Osim gago kumbra uge kalil taqal waiyimqa iga aqa ŋamgalaq di tamo bole sqom.