Matyu 3:16 - Yesus Aqa Anjam Bole

¹⁶ Yesus yansonaqa a yaq na gogetosiqa bati di a tarosi laŋ goge koqyonaqa laŋ waqej. Laŋ waqonaqa Qotei aqa Mondor binoŋ bulosiq laŋ goge dena aisiq Yesus aqa jejamuq di awoonaq unej.

Matyu 3:16 Iomraidhean Croise

Mak 1:10

Yansonaqa a yaq na gogetosiqa bati di a tarosiq laŋ goge koqyonaqa laŋ waqej. Laŋ waqonaqa Qotei aqa Mondor binoŋ bulosiq laŋ goge dena aisiq Yesus aqa jejamuq di awoej.

Jon 1:51

Osiqa marej, “Niŋgi quiye. E bole merŋgwai. E segi Tamo Aŋgro. Deqa bunuqna laŋ waqamqa Qotei aqa laŋ aŋgro naŋgi ijo jejamuq na laŋ qureq oqoqnsib olo mandamq aioqnib niŋgi unqab.”

Jon 3:34

Tamo Qotei na qariŋyej qaji a Qotei aqa anjam babtosiq mergeqnu. Di kiyaqa? Qotei na aqa Mondor aqa siŋgila potosiq taqal bei segi Yesus yosai. A na aqa siŋgila kalil Yesus yekritej.

Aposel 1:22

Jon yansnjro qaji aqa bati qa Yesus na aqa wau utru atej dena bosi bosiq Qotei na Yesus yaigosiqa laŋ qureq oqej bati deqa tamo naŋgi iga koba na soqnem qaji deqaji bei giltonamqa a iga ti Yesus aqa wau ojsim Yesus a moisiq olo subq na tigelej deqa mare mare laqnqom.”

Aposel 7:56

Osiqa Juda tamo kokba naŋgi minjrej, “Niŋgi quiye. Laŋ waqwoqa Tamo Aŋgro a Qotei aqa baŋ woq di tigelesonaq e unonum.”

1 Jon 5:6

Yesus Kristus a bosiqa ya na yanso ej. Osiq ŋamburbasq di moinaqa aqa leŋ aiej. A ya na yanso oqajqa deqa segi bosai. A moiimqa aqa leŋ aiqajqa deqa ti bej. Qotei aqa Mondor a anjam bole qa utru. A Yesus Kristus aqa kumbra qa anjam palonteqnu.