Matyu 3:1 - Yesus Aqa Anjam Bole

¹ Ariya bunuqna Jon yansnjro qaji tamo a Judia naŋgo wadau sawaq di brantej. Brantosiq di sosiqa tamo uŋgasari naŋgi Qotei aqa anjam palontosiq minjroqnej.

Matyu 3:1 Iomraidhean Croise

Matyu 11:11

Deqa niŋgi quiye. E bole merŋgwai. Jon yansnjro qaji a na tamo kalil mandamq endi unub qaji naŋgi tulaŋ buŋnjrejunu. Ariya tamo qudei ñam saiqoji unub qaji naŋgi Qotei na taqatnjroqnsiqa a naŋgo Mandor Koba unu. Deqa tamo naŋgi di Jon tulaŋ buŋyejunub.

Matyu 11:7

Onaqa Jon aqa aŋgro naŋgi Yesus aqa anjam di qusibqa naŋgi olo puluosib Jon minjqajqa aieqnabqa Yesus a na tamo uŋgasari gargekoba naŋgi di Jon qa endegsi minjrej, “Niŋgi nami wadau sawaq gilsibqa niŋgi tamo kiero unqajqa gileb? Niŋgi tamo silai aqa baŋga bul jagwa na pileteqnaqa di unqajqa gileb kio? Sai. Jon a tamo deqaji sai.

Matyu 16:14

Onaqa naŋgi na minjeb, “Tamo qudei naŋgi mareqnub, ni Jon yansnjro qaji tamo. Tamo qudei naŋgi mareqnub, ni Elaija. Ariya qudei naŋgi mareqnub, ni Jeremaia kio Qotei aqa medabu o tamo naŋgi nami soqneb deqaji bei kio?”

Matyu 21:32

Di kiyaqa? Jon yansnjro qaji tamo a nuŋgoq bosiqa Qotei aqa kumbra bole niŋgi osorŋgonaqa niŋgi Jon aqa anjam quetosai. Ariya takis o qaji tamo ti gam qaji uŋa ti naŋgi Jon aqa anjam geregere queteb. Naŋgi quetonabqa niŋgi unsibqa ariya niŋgi olo are bulyosai. Osib niŋgi Jon aqa anjam quetosai dego.”

Matyu 3:8

Niŋgi are bulyqa marsibqa kumbra bole bole babtoqniye. Yim tamo naŋgi unsib marqab, ‘Bole, niŋgi are bulyonub.’

Mak 1:15

A na naŋgi anjam endegsi minjroqnej, “Qotei a nuŋgo Mandor Koba sosim niŋgi taqatŋgwajqa bati jojomqo. Deqa niŋgi are bulyiye. Osib Qotei aqa anjam bole nuŋgo areqaloq di siŋgilatiye.”

Mak 1:2

Nami Qotei na aqa Ŋiri Yesus endegsi minjej, “Ni que. E na ijo anjam maro tamo qariŋyitqa a ni qa namoosim ino gam gereiyetmqas.

Luk 1:76

O ijo aŋgro Jon, bunuqna ni Tamo Koba Qotei aqa medabu o qaji tamo sqam. Tamo uŋgasari naŋgi degsib ni qa maroqnqab. Gago Tamo Koba a bqa laqnimqa ni a qa namoosim aqa gam gereiysim soqnim a bqas.

Luk 7:24

Onaqa Jon aqa aŋgro aiyel naŋgi Yesus aqa anjam di qusibqa naŋgi olo puluosib Jon minjqajqa aieqnabqa Yesus a na tamo uŋgasari gargekoba naŋgi di Jon qa endegsi minjrej, “Niŋgi nami wadau sawaq gilsibqa niŋgi tamo kiero unqajqa gileb? Niŋgi tamo silai aqa baŋga bul jagwa na pileteqnaqa di unqajqa gileb kio? Sai. Jon a tamo deqaji sai.

Aposel 1:22

Jon yansnjro qaji aqa bati qa Yesus na aqa wau utru atej dena bosi bosiq Qotei na Yesus yaigosiqa laŋ qureq oqej bati deqa tamo naŋgi iga koba na soqnem qaji deqaji bei giltonamqa a iga ti Yesus aqa wau ojsim Yesus a moisiq olo subq na tigelej deqa mare mare laqnqom.”