Matyu 24:7 - Yesus Aqa Anjam Bole

⁷ Bati deqa sawa bei ti sawa bei ti qoto tigeloqnsibqa segi segi qoto itnjroqnqab. Mandor kokba qudei naŋgi dego qoto tigeloqnsibqa mandor kokba qudei naŋgi qoto itnjroqnqab. Sawa bei beiq dia mimiŋ kokba ti mam ti iŋgi saio bati dego branteleŋqas.

Matyu 24:7 Iomraidhean Croise

Luk 21:11

Sawa bei beiq dia mimiŋ kokba ti ma uge ti mam ti iŋgi saio bati dego branteleŋqas. Laŋ goge dia maŋwa bei bei brantoqnibqa tamo uŋgasari naŋgi unoqnsib ulaugetoqnqab.

Aposel 11:28

Bei aqa ñam Agabus. Naŋgi Antiok qureq bonabqa Qotei aqa Mondor na Agabus aqa medabu siŋgilatetonaqa a tigelosiqa marej, “Bunuqna sawa sawa kalilq dia naŋgi mam koba oqab.” Onaqa bunuqna Rom naŋgo mandor koba Klodius aqa bati brantonaqa mam koba di aiej.

Aposel 2:19

Laŋ goge dia e na maŋwa gargekoba yoqnqai. Mandamq dia dego maŋwa gargekoba yoqnqai. Leŋ ti ŋamyuo ti qurem koba ti qariŋyit mandamq aiqas.

Hibru 12:27

A marej, “Bati qujai qa.” Deqa iga qalieonum, Qotei a mandam ti laŋ ti reŋgiŋnjrsimqa ariya iŋgi iŋgi kalil a nami atej qaji di taqal breinjrim naŋgi torei koboqab. Yim deqa iŋgi iŋgi a na reŋgiŋnjrqasai qaji di gaigai sqas.

Uli Anjam 6:12

Ariya Kaja Du na kandel aqa namur namba 6 waqtonaqa e olo ŋam atsimqa mimiŋ tulaŋ kobaquja donaq unem. Unem di seŋ tulaŋ ambruosiq gara tulu bulej. Bai tulaŋ lentosiq leŋ bulej.

Uli Anjam 6:5

Ariya Kaja Du na kandel aqa namur namba 3 waqtonaqa wagme ŋambile so qaji namba 3 na marnaq quem, “Ni au.” Degsi marnaqa hos tulu brantonaq unem. Tamo hos quraq di awesoqnej qaji aqa baŋq di skel ojesonaq unem.

Uli Anjam 6:6

Unsimqa wagme qolqe ŋambile so qaji naŋgo ambleq dia tamo bei na anjam marnaq aqa kakoro quem. A na tamo hos quraq di awesoqnej qaji di endegsi minjej, “Ni na tamo uŋgasari mandamq di unub qaji naŋgi mam koba enjre. Yimqa wit aqa awai tulaŋ goge oqimqa tamo uŋgasari naŋgi silali kobaquja waiyoqnsib wit kiñala oqnqab. Tabir qujai segi oqnqab. Bali dego kiñala oqnqab. Tabir qalub segi oqnqab. Deqa ni que. Ni oliv ŋamtaŋ ti wain sil ti ugeugeiyaim.” A degsi minjnaqa gilsiqa wau degsi yej.

Uli Anjam 6:8

Degsi marnaqa e olo ŋam atsimqa hos merient branto-naq unem. Tamo hos quraq di awesoqnej qaji aqa ñam Moio. Moio qure na a daurysiq laqnej. Onaqa naŋgi aiyel siŋgila osib tamo uŋgasari mandam taqal qujaiq di so qaji naŋgi serie na ti mam na ti ma uge na ti wagme juwaŋ na ti ñumnab moreŋeb. Mandam taqal qalubq di so qaji naŋgi uratnjrnab soqneb. Naŋgi ñumosai.