Matyu 23:3 - Yesus Aqa Anjam Bole

³ Deqa dal anjam kalil naŋgi na niŋgi merŋgeqnub qaji di niŋgi qusib dauryoqniye. Ariya kumbra naŋgi yeqnub qaji di niŋgi unsib dauryaib. Di kiyaqa? Naŋgi anjam koba mareqnub ariya naŋgi segi dauryosaieqnub.

Matyu 23:3 Iomraidhean Croise

Matyu 21:30

Onaqa siqali a olo gilsiqa aqa ŋiri yala minjej, ‘O ijo aŋgro, ni gilsim ijo iŋgi wauq di wauame.’ Onaqa aqa ŋiri yala na minjej, ‘Od, Abu, e wauqai.’ Degsi aqa abu odyosiqa a wauosai. A laŋa talq di soqnej.

Matyu 23:2

“Farisi naŋgi ti dal anjam qalie tamo naŋgi ti dal anjam plaltoqnsib niŋgi merŋgeqnub. Agi Moses a nami dal anjam plaltoqnej dego kere.

Matyu 23:4

Naŋgi na tamo naŋgi gulube kokba enjreqnab qoboiysi unub. Ariya naŋgi segi olo tamo naŋgi gulube kokba di yala qoboiyetnjrosaieqnub.

Aposel 5:29

Atra tamo gate a na Yesus aqa aŋgro 12-pela naŋgi anjam degsi minjrnaqa naŋgi Pita ombla na kamba minjreb, “Iga Qotei aqa anjam segi dauryqom di kere. Iga tamo naŋgo anjam dauryqasai.

Rom 13:1

Niŋgi kalil sawa taqato qaji mandor kokba naŋgo sorgomq di soqniye. Iga qalie, sawa taqato qaji mandor kokba naŋgi laŋa brantosai. Qotei a segi na naŋgi wau enjreqnaqa naŋgi sawa taqateqnub. Qotei a segi na naŋgi ateleŋej unub.

2 Timoti 3:5

Naŋgi laŋa babaŋ na Qotei aqa kumbra dauryobulosib sqab. Qotei aqa kumbra bole di siŋgila ti unu. Ariya siŋgila di naŋgi poinjrqasai. O Timoti, ni na tamo naŋgi deqaji beternjraim. Torei uratnjrsim isaq gile.

Taitus 1:16

Naŋgi segi mareqnub, “Iga Qotei qa qalie bole.” Di gisaŋ. Naŋgi kumbra uge uge yeqnub dena iga poigeqnu, naŋgi Qotei qoreiyeqnub. Deqa Qotei a na naŋgi uratnjreqnu. Naŋgi Qotei aqa anjam gotraŋyeqnub qaji tamo. Naŋgi kumbra bole bei dauryqa keresai.