Matyu 22:4 - Yesus Aqa Anjam Bole

⁴ Onaqa a di qusiqa aqa kaŋgal tamo qudei naŋgi olo qariŋnjrsiqa minjrej, ‘Niŋgi gilsib tamo naŋgi di endegsib minjriye, “Niŋgi quiye. Iŋgi iŋgi kalil gereiysim atonum unu. Bulmakau ti wagme namur bole bole ñumsimqa goinum. Deqa niŋgi asgiŋgaiq. Niŋgi bosib ijo maruro uniye.” Niŋgi gilsib naŋgi degsib minjriye.’

Matyu 22:4 Iomraidhean Croise

Matyu 21:36

Onaqa wau lanja a di qusiqa olo aqa kaŋgal tamo gargekoba naŋgi qariŋnjroqnej. Qariŋnjreqnaqa gileqnab naŋgi dego ñumoqneb.

Matyu 22:5

“Onaqa naŋgi gilsib tamo naŋgi di minjreb, ‘Niŋgi boiye.’ Minjrnabqa naŋgi kalil bqa asginjrej. Asginjrej deqa bei a ulaŋosiqa aqa iŋgi wauq gilej. Bei a ulaŋosiq aqa silali wauq gilej.

Matyu 22:8

“Onaqa mandor koba a na olo aqa kaŋgal tamo qudei naŋgi qariŋnjrsiqa minjrej, ‘Ijo aŋgro aqa uŋa baŋ ojqa bati kereqo deqa e na maruro atonum unu. Ariya tamo naŋgi ijo maruro unqajqa nami minjrem qaji naŋgi bqa asginjrqo. Naŋgi tamo bolesai deqa naŋgi ijo maruro unqa keresai.

Luk 14:17

Onaqa aqa maruro bati brantonaqa aqa kaŋgal tamo bei qariŋyonaq gilsiqa tamo naŋgi di metnjrej, ‘Niŋgi boiye. Iŋgi iŋgi kalil gereiysib atonub unu.’

Aposel 1:8

Ariya Qotei aqa Mondor nuŋgoq bamqa niŋgi siŋgila osib e qa anjam mare mare laqniye. Niŋgi Jerusalem endia, Judia sawaq dia, Samaria sawaq dia, sawa sawa kalil keretosib e qa anjam mare mare laqniye.”

Aposel 13:46

Deqa Pol wo Barnabas wo naŋgi na Juda tamo kokba naŋgi siŋgila na endegsib minjreb, “Qotei na aqo Barnabas wo qariŋgosiq mergej, ‘Niŋgi aisib namoqna Juda naŋgo segiq di brantoqnsib ijo anjam minjroqniye.’ Qotei na iga degsi mergej deqa iga bosim Qotei aqa anjam niŋgi Juda tamo uŋgasari namoqna merŋgonum. Merŋgonumqa agi niŋgi na gago anjam qusib gotraŋyonub. Nuŋgo kumbra dena niŋgi nuŋgo segi jejamuq di une atsib niŋgi ŋambile gaigai sqajqa gam uratonub. Deqa niŋgi quiye. Bini aqo aiyel niŋgi uratŋgsimqa sawa bei bei qaji tamo naŋgoq gilsim Qotei aqa anjam naŋgi minjroqnqom.

Rom 8:32

Qotei na aqa segi Ŋiri Yesus getentosai. A na qariŋyonaq iga kalil aqaryaigwa bosiq moiej. A na aqa segi Ŋiri Yesus iga egej deqa iga qalieonum, a na iŋgi iŋgi kalil dego iga egoqnqas.