Matyu 2:4 - Yesus Aqa Anjam Bole

⁴ Deqa Herot na Israel naŋgo atra tamo kokba ti naŋgo dal anjam qalie tamo naŋgi ti kalil metnjrnaqa naŋgi bosib koroonabqa a na naŋgi endegsi nenemnjrej, “Kristus a qabia ŋambabqas?”

Matyu 2:4 Iomraidhean Croise

Matyu 13:52

Onaqa Yesus na olo minjrej, “Qotei laŋ qureq di unu qaji a tamo uŋgasari naŋgo Mandor Koba sosiq naŋgi taqatnjreqnu. Anjam di dal anjam qalie tamo qudei naŋgi poinjreqnu. Poinjreqnu qaji naŋgi tal aqa abu bul unub. Deqa naŋgi naŋgo talq dena ñoro bunuj ti ñoro namij ti eleŋoqnsib oqeq ateqnub.”

Matyu 2:3

Onaqa Mandor Koba Herot a naŋgo anjam di qusiqa a are koba qaloqnej. Tamo uŋgasari kalil Jerusalem qureq di soqneb qaji naŋgi dego naŋgo anjam di qusib are koba qaloqneb.

Matyu 2:5

Onaqa naŋgi na kamba minjeb, “Kristus a Betlehem qureq di ŋambabqas. Qure di agi Judia sawaq di unu. Degsi Qotei aqa medabu o qaji tamo bei nami neŋgreŋyej. A endegsi neŋgreŋyej,

Matyu 21:15

Onaqa aŋgro du du atra tal miligiq di soqneb qaji naŋgi Yesus aqa maŋwa di unsibqa naŋgi tulaŋ koba leleŋoqnsib minjoqneb, “O Devit aqa Ŋiri, iga ni qa tulaŋ areboleboleigwo.” Onaqa dal anjam qalie tamo naŋgi ti atra tamo kokba ti naŋgi aŋgro du du naŋgo anjam di qusibqa naŋgi Yesus qa are ugeinjrej.

Matyu 21:23

Yesus a na aqa aŋgro naŋgi anjam degsi minjrsiq koboonaqa a olo atra tal miligiq gilsiq dia Qotei aqa anjam palontosiq tamo uŋgasari naŋgi minjroqnej. Onaqa atra tamo kokba ti Israel naŋgo tamo bole bole ti naŋgi na aqa areq bosib nenemyeb, “Ni iga merge. Ni siŋgila qabe na osimqa kumbra endi yeqnum? Yai na ni qariŋmej deqa ni bosim wau endi yeqnum?”

Matyu 26:3

Yori bati koba di jojomej deqa atra tamo kokba ti Juda gate kokba ti naŋgi gilsib atra tamo gate aqa ñam Kaiafas aqa talq di koroeb.

Matyu 26:47

Onaqa Yesus aqa aŋgro 12-pela naŋgi deqaji bei agi Judas a na qaja tamo gargekoba naŋgi sebru ti torom ti eleŋonab joqsiqa Yesus aqa areq di branteb. Atra tamo kokba ti Juda gate kokba ti naŋgi na naŋgi qariŋnjrnab Yesus ojqa beb.

Matyu 27:1

Onaqa nobqolo malu qameqnaq atra tamo kokba ti Juda gate kokba ti naŋgi kalil koroesosibqa Yesus qalib moiqajqa anjam keretoqneb. Anjam kereonaq naŋgi Yesus aqa baŋ tontetosib osi gilsib Rom naŋgo Tamo Koba Pailat aqa baŋq di ateb.

Matyu 7:29

Di kiyaqa? Yesus aqa anjam maroqnej di siŋgila ti. Dal anjam qalie tamo naŋgo anjam maroqneb de ti keresai. Yesus a segi anjam aqa abu.

Mak 8:31

Osiqa minjrej, “E Tamo Aŋgro. Deqa bunuqna e jaqatiŋ koba oqai. Juda tamo kokba ti atra tamo kokba ti dal anjam qalie tamo naŋgi ti e qoreibosib lubsib moiotbqab. Bati qalub koboamqa e olo subq na tigelqai.”

Luk 20:19

Yesus a na atra tamo kokba ti dal anjam qalie tamo naŋgi ti yawo anjam degsi minjrnaqa naŋgi qusib endegsib qalieeb, “Yesus a yawo anjam dena gago jejamu qametgwo.” Naŋgi degsib qalieosibqa minjiŋ oqetnjrnaqa Yesus ojqa mareb. Ariya naŋgi tamo uŋgasari naŋgi tulaŋ ulainjrsib deqa naŋgi Yesus ojqa uratosib jaraieb.

Luk 23:10

Deqa atra tamo kokba ti dal anjam qalie tamo naŋgi ti bosib Herot aqa ulatamuq dia tigelosib gisaŋosib Yesus aqa jejamuq di anjam gargekoba qameleŋoqneb.

Jon 18:3

Deqa a na qaja tamo gargekoba naŋgi waŋal ti lam ti sebru ti eleŋonab joqsiqa nañu agu deq gileb. Atra tamo kokba ti Farisi ti naŋgi na naŋgi qariŋnjrnab Yesus ojqa gileb.

Jon 3:10

Onaqa Yesus na kamba minjej, “Ni Israel naŋgo qalie tamo koba. Ni kiyaqa ijo anjam endeqa poimosai?

Jon 7:32

Tamo uŋgasari naŋgi anjam degsib Yesus qa mareqnab Farisi naŋgi qusibqa atra tamo kokba naŋgi ti koroosib qaja tamo qudei naŋgi qariŋnjrnabqa Yesus ojqa gileb.

Jon 8:3

Ariya uŋa bei tamo wo une ateqnab tamo qudei naŋgi na unsibqa dal anjam qalie tamo naŋgi ti Farisi naŋgi ti minjrnab naŋgi na uŋa di ojsib osi bosib tamo uŋgasari naŋgo ŋamgalaq di tigelteb.

Aposel 23:9

Deqa naŋgi poeleŋosib ŋiriŋosib murqumyoqneb. Onaqa Farisi naŋgo dal anjam qalie tamo qudei naŋgi tigelosib siŋgila na mareb, “Iga Pol aqa anjam quonum di a une saiqoji. Mondor bei na kio laŋ aŋgro bei na kio anjam minjonubqa a degsi marqo.”

Aposel 4:5

Nebeonaqa Juda naŋgo gate kokba ti tamo bole bole ti dal anjam qalie tamo naŋgi ti bosib Jerusalem di koroeb.

Aposel 6:12

Naŋgi degsib marnabqa Juda tamo uŋgasari naŋgi ti Juda tamo bole bole ti dal anjam qalie tamo naŋgi ti qusibqa Stiven qa minjiŋ oqetnjrnaqa a ojeb. A ojsib koro sawaq osi gilsib Juda tamo kokba naŋgo ulatamuq dia tigelteb.