Matyu 2:23 - Yesus Aqa Anjam Bole

²³ Onaqa Josep a Qotei aqa anjam di dauryosiqa Galili sawaq gilej. Gilsiq qure bei aqa ñam Nasaret di soqnej. A di soqnej deqa anjam bei Qotei aqa medabu o tamo qudei naŋgi nami maroqneb qaji di aqa damu brantej. Naŋgi endegsib maroqneb, “Naŋgi a qa maroqnqab, ‘A Nasaret tamo.’”

Matyu 2:23 Iomraidhean Croise

Matyu 1:22

Kumbra kalil di brantej deqa anjam bei Tamo Koba Qotei aqa medabu o tamo bei nami marej qaji di aqa damu dego brantej. A endegsi marej,

Matyu 21:11

Degsib mareqnabqa tamo uŋgasari qudei Yesus dauryosib aioqneb qaji naŋgi na kamba minjreb, “Tamo endi Yesus. A Qotei aqa medabu o qaji tamo bole. Aqa qure utru Nasaret. Nasaret qure agi Galili sawaq di unu.”

Matyu 26:71

Degsi minjsiqa tigelosiq tal qala beiq gilsiq di soqnej. Sonaqa kaŋgal uŋa bei na olo Pita unsiqa tamo naŋgi Pita aqa areq di tigelesoqneb qaji naŋgi minjrej, “Tamo di a dego Yesus Nasaret qaji aqa aŋgro bei. A nami Yesus daurysi laqnej.”

Mak 1:24

“O Yesus Nasaret qaji tamo, ni iga kiergwajqa bonum? Ni iga padaltgwa bonum e? E ni qalie. Ni qujai Qotei aqa Tamo Boledamu. Ino jejamuq di une bei saiqoji.”

Mak 1:9

Ariya bati bei Yesus a Jon na yansqa marsiqa Nasaret qureq dena tigelosiqa Galili sawa uratosiq Jon aqa areq bej. Bonaqa Jon na Jordan yaq di yansej.

Luk 1:26

Onaqa bai 5-pela di koboonaqa Qotei na aqa laŋ aŋgro Gebriel olo qariŋyonaqa Galili sawa naŋgo qure bei ñam Nasaret deq aiej.

Luk 18:37

Onaqa naŋgi na minjeb, “Yesus Nasaret qaji a aieqnu. Deqa iga a dauryosim aieqnum.”

Luk 2:39

Maria wo Josep wo naŋgi Jerusalem dia Tamo Koba Qotei aqa dal anjam kalil dauryekritosib naŋgi olo puluosib Galili sawaq gilsib naŋgo segi qure utru Nasaret di soqneb.

Jon 18:5

Onaqa naŋgi na kamba minjeb, “Iga Yesus Nasaret qaji a qa bonum.” Onaqa Yesus na minjrej, “E agiende.” Judas agi Yesus osiqa jeu tamo naŋgo baŋq di atej qaji a naŋgi koba na tigelesoqneb.

Jon 18:7

Onaqa Yesus na olo nenemnjrej, “Niŋgi yai qa bonub?” Onaqa naŋgi na minjeb, “Iga Yesus Nasaret qaji a qa bonum.”

Jon 19:19

Onaqa Pailat a ŋam sarqei bei osiqa quraq di anjam endegsi neŋgreŋyej, “Yesus Nasaret qaji a Juda naŋgo Mandor Koba.” Degsi neŋgreŋyosiq ŋam sarqei di osi gilsiqa qaja tamo naŋgi enjrnaqa naŋgi na osib Yesus aqa ŋamburbas mutu gogeq di qameb.

Aposel 2:22

“Deqa Israel tamo uŋgasari, niŋgi ijo anjam endi quiye. Niŋgi qalie, Qotei na Yesus Nasaret qaji a qariŋyonaq mandamq aisiqa kumbra gargekoba nuŋgo ambleq di yoqnej. Kumbra yeqnaqa niŋgi unoqnsib maroqneb, ‘Bole, Qotei na Yesus qariŋyonaq bej.’

Aposel 24:5

Iga tamo endi uneqnum, a tamo uge. A kumbra uge uge yoqnsi laqnsiqa Juda tamo uŋgasari sawa sawa kalilq di unub qaji naŋgo areqalo ugetetnjreqnaqa naŋgi ŋiriŋkobaoqnsibqa qoto tigelteqnub. A na tamo uŋgasari naŋgi joqoqnsiqa minjreqnu, ‘Niŋgi Nasaret tamo Yesus dauryiye.’