Matyu 18:4 - Yesus Aqa Anjam Bole

⁴ Tamo bei na aqa segi ñam aguq atsim aŋgro kiñala endego bulqas di mondoŋ Qotei laŋ qureq di unu qaji a na tamo di aqa ñam olo soqtetimqa a na tamo kalil naŋgi buŋnjrsim tamo ñam ti tigelqas.

Matyu 18:4 Iomraidhean Croise

Matyu 18:1

Bati deqa Yesus aqa aŋgro naŋgi aqa areq bosib nenemyeb, “O Tamo Koba, mondoŋ Qotei na aqa segi tamo uŋgasari naŋgi taqatnjrsim naŋgo Mandor Koba soqnimqa bati deqa tamo yai a segi qujai tamo kalil buŋnjrsimqa tamo ñam ti tigelqas?”

Matyu 18:3

Osornjrsiqa minjrej, “Niŋgi quiye. E bole merŋgwai. Niŋgi are bulyosib aŋgro kiñala endego bulqasai di Qotei a niŋgi osim taqatŋgwasai. Deqa a nuŋgo Mandor Koba sqasai dego.

Matyu 18:5

“Tamo bei a e qa are qalsimqa aŋgro kiñala endego bei osim geregereiyqas di a e dego osim geregereibqas.”

Mak 10:43

Ariya kumbra di nuŋgoq di saiq. Nuŋgo ambleq di aŋgro bei a ñam ti tigelqa marsimqa a mati nuŋgo wau tamo soqnem. Osimqa a ñam ti tigelqas.

Mak 9:34

Onaqa naŋgi mequmosib soqneb. Di kiyaqa? Naŋgi gamq dia aŋgro yai a segi qujai tamo ñam ti tigelqas deqa anjam na qotoqneb.

Luk 14:11

Tamo naŋgi naŋgo segi ñam soqteqnub qaji naŋgo ñam Qotei na aguq atqas. Ariya tamo naŋgi naŋgo segi ñam soqtosaieqnub qaji Qotei na ñam kobaquja enjrqas.”

Jems 4:10

Osib niŋgi Tamo Koba Qotei aqa ŋamgalaq dia nuŋgo segi ñam aguq atoqniye. Niŋgi degyqab di Qotei na olo nuŋgo ñam soqtetŋgwas.

1 Pita 5:5

O aŋgro wala, niŋgi Kristen gate naŋgo sorgomq di soqniye. Sosib niŋgi kalil nuŋgo segi ñam aguq atoqnsib Qotei aqa tamo uŋgasari naŋgo sorgomq di soqniye. Agi Qotei aqa anjam bei nami endegsib neŋgreŋyeb unu, “Tamo naŋgi naŋgo segi ñam soqteqnub qaji naŋgi Qotei na olo jeutnjreqnu. Ariya tamo naŋgi naŋgo segi ñam aguq ateqnub qaji naŋgi qa Qotei a olo are boleiyoqnsiq gereinjreqnu.”