Matyu 17:9 - Yesus Aqa Anjam Bole

⁹ Ariya naŋgi Yesus ombla manaq dena olo aioqnsibqa Yesus a siŋgila na minjrej, “Kumbra niŋgi mana goge di unonub qaji di ubtsib tamo qudei minjraib. Bunuqna e Tamo Aŋgro moisiy olo subq na tigelotqa bati deqa niŋgi na ubtsib minjroqnqab.”

Matyu 17:9 Iomraidhean Croise

Matyu 12:16

Osiqa a na naŋgi saidnjroqnej, “Niŋgi ijo ñam ubtsib maraib.”

Matyu 17:12

Ariya e niŋgi endegsi merŋgwai. Elaija agi bej. Bonaqa tamo naŋgi a qa poinjrosai. Deqa kumbra kalil naŋgi a qa yqajqa are soqnej qaji agi yeb. Ysibqa agi qaleb. E Tamo Aŋgro dego degsib kumbra uge ebqab.”

Matyu 17:20

Onaqa Yesus na minjrej, “Niŋgi e qa nuŋgo areqalo siŋgilatqa yonub niŋgi tulaŋ truquonub. Deqa niŋgi mondor uge di wiyqa yonub keresaiiŋgwo. Niŋgi quiye. E bole merŋgwai. Nuŋgo areqalo e qa siŋgilatonub qaji di sis yago bul kiñala sqas di kereqas. Degesqas di niŋgi mana kobaquja endi minjibqa a nuŋgo anjam dauryosim tigelosim sawa beiq gilqas. Nuŋgo areqalo e qa siŋgilatonub qaji degesqas di niŋgi kumbra kalil yqa kereiŋgwas.

Matyu 17:22

Onaqa Yesus na aqa aŋgro naŋgi olo joqsiqa koba na sawa di uratosib Galili sawaq gilsib dia sosibqa Yesus na minjrej, “E Tamo Aŋgro. Deqa jeu tamo naŋgi na e ojsib qaja tamo naŋgo baŋq di e atqab

Matyu 17:23

Atib lubib moiqai. Bati qalub koboamqa e olo subq na tigelqai.” Ariya Yesus aqa aŋgro naŋgi aqa anjam di qusib utru poinjrosai. Deqa naŋgi are tulaŋ gulubekobainjrej.

Matyu 17:8

Onaqa naŋgi tigelosib ŋam ateb Yesus a segi naŋgi koba na sonab uneb. Naŋgi tamo bei unosai.

Matyu 8:20

Onaqa Yesus na minjej, “Bauŋ juwaŋ naŋgi tal ti. Agi sub miligiq di ŋereŋeqnub. Qebari naŋgi simi ti. Deqa naŋgi simiq di ŋereŋeqnub. Ariya e Tamo Aŋgro ŋeiqajqa tal saiqoji. Deqa ni e daurbqajqa gulube koba.”

Matyu 8:4

Onaqa Yesus na olo minjej, “Ni une. Ino jejamu boleqo deqa ni tamo qudei naŋgi minjraim. Ni gilsim ino jejamu atra tamo osoryosim atraiyo qaji iŋgi iŋgi Moses a nami marej qaji di osim Qotei atraiyime. Yimqa tamo naŋgi ni numsib qalieqab, ino jejamu boleqo.”

Mak 8:30

Pita a anjam degsi ubtonaqa Yesus na aqa aŋgro naŋgi siŋgila na getentnjrsiqa minjrej, “Niŋgi anjam di tamo qudei minjraib.”

Luk 8:56

Aqa ai wo abu wo naŋgi Yesus aqa siŋgila di unsib deqa naŋgi tulaŋ prugeleŋeb. Onaqa Yesus na minjrej, “Niŋgi ijo kumbra endi unonub deqa niŋgi ijo ñam ubtsib tamo qudei minjraib.”

Luk 9:36

Onaqa Yesus aqa aŋgro naŋgi anjam di qusib ŋam ateb naŋgi tamo aiyel di olo unjrosai. Yesus a segi naŋgi koba na sonab uneb. Bati deqa naŋgi kumbra uneb qaji di tamo qudei naŋgi minjrosaioqneb. Naŋgi mequmosib soqneb.