Matyu 17:4 - Yesus Aqa Anjam Bole

⁴ Onaqa Pita a naŋgi aiyel unjrsiqa Yesus minjej, “O Tamo Koba, Moses wo Elaija wo bosib iga koba na endi unum di bolequja. Deqa ni na e odbimqa e tal kiñilala qalub gereiyqai. Bei ino. Bei Moses aqa. Bei Elaija aqa.”

Matyu 17:4 Iomraidhean Croise

Matyu 17:3

Onaqa Moses wo Elaija wo brantosib Yesus ombla anjam maroqneb.

Luk 9:33

Onaqa Moses wo Elaija wo naŋgi Yesus uratosib gilqa laqnabqa Pita na Yesus minjej, “O Tamo Koba, Moses wo Elaija wo bosib iga koba na endi unum di bolequja. Deqa iga tal kiñilala qalub gereiyqom. Bei ino. Bei Moses aqa. Bei Elaija aqa.” Pita a anjam bei marqa saiiyonaqa laŋa marej.

Jon 17:24

“O Abu, tamo uŋgasari ni na e ebem qaji qure e sqai qaji di naŋgi dego e ombla sqajqa deqa e ni pailmonum. Naŋgi e ombla sosibqa riaŋ ti ñam koba ti ni na nami ebem qaji di unqajqa deqa ti e ni pailmonum. Nami ni mandam atosaisosimqa agi riaŋ ti ñam ti di ni na e ebem. Di kiyaqa? Ni na e tulaŋ qalaqalaiboqnem deqa.

Jon 7:2

Ariya Juda naŋgo yori bati koba jojomej. Yori bati di aqa utru agi marqai. Juda naŋgo moma naŋgi nami jagwa oqajqa tal gereiyeleŋosib osi laqneb deqa are qalqajqa bati.

Filipai 1:23

E areqalo aiyeltejunum. E oqsiy Kristus ombla sqajqa are qaleqnum. E degyqai di tulaŋ bolequja.

1 Jon 3:2

O ijo kadoi bole, bini iga Qotei aqa segi aŋgro tiŋtiŋ unum. Ariya mondoŋ iga kiersi sqom di iga qalieosaiunum. Ariya iga qalie, Kristus a olo bamqa iga a unsimqa iga a bul sqom.

Uli Anjam 21:23

Qure di seŋ ti bai ti na suwantosai. Qotei aqa segi riaŋ na qure di suwantoqnqas. Kaja Du a segi qure di aqa puloŋ.