Matyu 16:4 - Yesus Aqa Anjam Bole

⁴ Tamo uŋgasari bini bati endeqa unub qaji naŋgo kumbra tulaŋ ugedamu. Naŋgi Qotei areiyosaieqnub. Naŋgi gaigai ijo maŋwa laŋa unqajqa metbeqnub. Deqa e na ijo maŋwa bei naŋgi osornjrqasai. Qotei aqa medabu o tamo Jona nami soqnej qaji aqa maŋwa segi osornjritqa naŋgi unqab.” Yesus a naŋgi degsi minjrsiqa uratnjrsiq gilej.

Matyu 16:4 Iomraidhean Croise

Matyu 15:14

Deqa niŋgi Farisi naŋgi qa are koba qalaib. Naŋgi tamo ŋam qandimo bul. Deqa naŋgi na tamo naŋgi gam osornjrqa keresai. Tamo ŋam qandimo bei na tamo ŋam qandimo bei aqa baŋ ojsim ombla walwelqab ombla maŋgalsib subq aiqab.”

Matyu 16:5

Gilsiqa aqa aŋgro naŋgi ti olo qobuŋ gogetosibqa ya agu taqal beiq gileb. Aqa aŋgro naŋgi bem oqajqa are walnjrej.

Mak 8:12

Degsib Yesus minjnabqa a naŋgi qa are tulaŋ gulubeiyonaqa jagwa titsiqa minjrej, “Niŋgi tamo uŋgasari bini bati endeqa unub qaji kiyaqa e Qotei aqa maŋwa bei laŋa babtit niŋgi unqajqa merbeqnub? Niŋgi quiye. E Qotei aqa maŋwa bei niŋgi osorŋgwasai.”

Mak 8:38

Tamo uŋgasari bini bati endeqa unub qaji naŋgi Qotei torei qoreiyoqnsib une atsib laqnub. Deqa tamo bei a ijo ñam qa ti ijo anjam qa ti jemaiyqas di mondoŋ e Tamo Aŋgro e ijo Abu aqa riaŋ na ti ijo Abu aqa laŋ aŋgro naŋgo riaŋ na ti bosiyqa e kamba tamo di aqa ñam metqajqa jemaibqas.”

Aposel 18:6

Degsi minjreqnaqa Juda naŋgi Pol aqa anjam di qusib gotraŋyoqnsib Pol misiliŋyoqneb. Deqa Pol a na aqa segi gara jugo tumbrum butuyosiqa minjrej, “Niŋgi padalqab di nuŋgo segi une na niŋgi padalqab. Ijo une na sai. Deqa bini e niŋgi uratŋgsiy sawa bei bei qaji tamo naŋgoq giloqnsiyqa Yesus aqa anjam naŋgi segi minjroqnqai.”

Aposel 2:40

Pita a anjam deqaji gargekoba siŋgila na naŋgi minjroqnej. Osiqa olo endegsi minjrej, “Niŋgi geregere ŋam atsib soqniye. Tamo uŋgasari bini bati endeqa unub qaji naŋgi kumbra uge uge yoqnsib laqnub. Deqa niŋgi naŋgo kumbra uge di dauryoqnaib. Uratosib soqniye. Niŋgi naŋgi ti Qotei na padaltŋgo uge.”